ಸಾಮಾಜಿಕ ಜಾಲತಾಣದ ಮೆಸೇಜಿಂಗ್ ಅಪ್ಲಿಕೇಶನ್ ವಾಟ್ಸಾಪ್, ತನ್ನ ಬಳಕೆದಾರರ ಅನುಕೂಲಕ್ಕಾಗಿ ಈಗಾಗಲೇ ಹಲವು ವೈಶಿಷ್ಟ್ಯಗಳನ್ನು ಪರಿಚಯಿಸಿದೆ. ಇದೀಗ ಮೆಟಾ ಒಡೆತನದ ಈ ಕಂಪನಿ ಮತ್ತೊಂದು ಫೀಚರ್ ಅನ್ನು ಸಕ್ರಿಯಗೊಳಿಸಿದೆ.
ವಾಟ್ಸಾಪ್ ಬಳಕೆದಾರರು ತಾವು ಸಂದೇಶವನ್ನು ಕಳುಹಿಸಿದ ಬಳಿಕವೂ ಎಡಿಟ್ ಮಾಡುವ ಅವಕಾಶ ಸಿಗಲಿದ್ದು, ಆದರೆ ಇದನ್ನು 15 ನಿಮಿಷಗಳ ಕಾಲ ಮಿತಿಯೊಳಗೆ ಮಾತ್ರ ಮಾಡಬಹುದಾಗಿದೆ. ಇದರಿಂದಾಗಿ ಒಂದೊಮ್ಮೆ ತಪ್ಪು ಸಂದೇಶ ಕಳುಹಿಸಿದ್ದರೆ ಅದನ್ನು ಈ ಅವಧಿಯಲ್ಲಿ ಸರಿ ಮಾಡಿ ಮತ್ತೆ ಕಳುಹಿಸಬಹುದಾಗಿದೆ.
ಸದ್ಯಕ್ಕೆ ಬೀಟಾ ಆವೃತ್ತಿಯಲ್ಲಿ ಈ ವೈಶಿಷ್ಟ್ಯ ಲಭ್ಯವಿದ್ದು, ಮುಂದಿನ ದಿನಗಳಲ್ಲಿ ಎಲ್ಲಾ ಬಳಕೆದಾರರಿಗೆ ಇದು ಸಿಗಲಿದೆ ಎಂದು ತಿಳಿದುಬಂದಿದೆ. ಇದುವರೆಗೆ ಆಪಲ್ ಸಂಸ್ಥೆಯ ಐಫೋನ್ ನ ‘ಐ ಮೆಸೇಜ್’ ತಂತ್ರಾಂಶದಲ್ಲಿ ಈ ಸೌಲಭ್ಯವಿದ್ದು, ಆದರೆ ಆಂಡ್ರಾಯ್ಡ್ ಬಳಕೆದಾರರಿಗೆ ಈ ವೈಶಿಷ್ಟ್ಯ ಲಭ್ಯವಿರಲಿಲ್ಲ.
Loading ...