ನಕಲಿ ದಾಖಲೆಗಳನ್ನು ಸೃಷ್ಟಿಸಿದ ರೈಲ್ವೆ ಇಲಾಖೆಯ ಇಂಜಿನಿಯರ್ ಒಬ್ಬರು ರೈಲ್ವೆ ಇಂಜಿನ್ನ್ನೇ ಮಾರಾಟ ಮಾಡಿದ ಶಾಕಿಂಗ್ ಘಟನೆಯು ಬಿಹಾರದಲ್ಲಿ ವರದಿಯಾಗಿದೆ. ಸಮಸ್ತಿಪುರದ ಲೋಕೋ ಡೀಸೆಲ್ ಶೆಡ್ನಲ್ಲಿ ಉದ್ಯೋಗಿಯಾಗಿರುವ ರಾಜೀವ್ ರಂಜನ್ ಝಾ ಎಂಬ ಹೆಸರಿನ ಇಂಜಿನಿಯರ್ ಪುರ್ನಿಯಾ ಕೋರ್ಟ್ ಸ್ಟೇಷನ್ನಲ್ಲಿರುವ ಹಳೆಯ ಸ್ಟೀಮ್ ಇಂಜಿನ್ನ್ನು ಮಾರಾಟ ಮಾಡಿದ್ದಾರೆ ಎನ್ನಲಾಗಿದೆ.
ರೈಲ್ವೆ ಇಲಾಖೆಯ ಇಂಜಿನಿಯರ್ಗಳು, ಭದ್ರತಾ ಸಿಬ್ಬಂದಿ ಹಾಗೂ ರೈಲ್ವೆ ನಿಲ್ದಾಣದ ಅಧಿಕಾರಿಗಳು ಇಂಜಿನಿಯರ್ನ ಕಳ್ಳಾಟವನ್ನು ಬಯಲಿಗೆ ಎಳೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ವೇಳೆ ಇಂಜಿನಿಯರ್ ಫ್ಯಾಬ್ರಿಕೇಟೆಡ್ ಡಿಎಂಐ ಪೇಪರ್ ವರ್ಕ್ ರಚಿಸಿ ರೈಲ್ವೆ ಇಂಜಿನ್ನ್ನು ಮಾರಾಟ ಮಾಡಿದ್ದಾರೆ ಎಂದು ತಿಳಿದುಬಂದಿದೆ.
ಡಿಸೆಂಬರ್ 14ರಂದು ಅಕ್ರಮವಾಗಿ ರೈಲ್ವೆ ಇಂಜಿನ್ನ್ನು ಮಾರಾಟ ಮಾಡಲಾಗಿದೆ ಎಂದು ತನಿಖೆ ವೇಳೆ ತಿಳಿದುಬಂದಿದೆ. ಈ ಘಟನೆ ನಡೆದು ಎರಡು ದಿನಗಳ ಬಳಿಕ ಪ್ರಕರಣ ಬೆಳಕಿಗೆ ಬಂದಿದೆ. ಭಾನುವಾರ ಪುರ್ನಿಯಾ ಕೋರ್ಟ್ ಸ್ಟೇಷನ್ ಔಟ್ಪೋಸ್ಟ್ ಇನ್ ಚಾರ್ಜ್ ಎಂಎಂ ರೆಹಮಾನ್ ಸಲ್ಲಿಸಿದ ಅರ್ಜಿಯನ್ನು ಆಧರಿಸಿ ಬನ್ಮಾಂಕಿ ಆರ್ಪಿಎಫ್ ಪೋಸ್ಟ್ನಲ್ಲಿ ಎಫ್ಐಆರ್ ದಾಖಲಿಸಲಾಗಿದೆ.
ಗ್ಯಾಸ್ ಕಟರ್ ಬಳಕೆ ಮಾಡಿ ರೈಲಿನ ಇಂಜಿನ್ನ್ನು ತೆಗೆಯುತ್ತಿದ್ದ ವೇಳೆ ಇದನ್ನು ಪ್ರಭಾರಿ ಅಧಿಕಾರಿಯೊಬ್ಬರು ವೀಕ್ಷಿಸಿದ್ದಾರೆ. ಈ ವೇಳೆಯಲ್ಲಿ ಕಳ್ಳ ಇಂಜಿನಿಯರ್ಗೆ ಸಹಾಯ ಮಾಡಲು ಸುಶೀಲ್ ಎಂಬ ಹೆಸರಿನ ವ್ಯಕ್ತಿ ಕೂಡ ಇದ್ದ ಎನ್ನಲಾಗಿದೆ.
ಕಾಮಗಾರಿಯನ್ನು ಈ ಕೂಡಲೇ ನಿಲ್ಲಿಸುವಂತೆ ಪ್ರಭಾರಿ ಅಧಿಕಾರಿ ಹೇಳಿದರೂ ಸಹ ಇಂಜಿನಿಯರ್ ನಕಲಿ ದಾಖಲೆಗಳನ್ನು ತೋರಿಸಿ ಇಂಜಿನ್ನ್ನು ಡೀಸೆಲ್ ಶೆಡ್ಗೆ ಕಳುಹಿಸಬೇಕು ಎಂದು ನಂಬಿಸಿದ್ದರು ಎನ್ನಲಾಗಿದೆ. ಹೆಚ್ಚಿನ ತನಿಖೆಯ ವೇಳೆ ಇಂಜಿನಿಯರ್ ಕಳ್ಳಾಟ ಬೆಳಕಿಗೆ ಬಂದಿದೆ.
Loading ...