ಪೂನಂ ಕೌರ್ ತೆಲುಗು ಸಿನಿಮಾದ ಹೆಸರಾಂತ ನಟಿ. ಇವರು ತಮ್ಮ ಹೆಚ್ಚಿನ ಸಮಯವನ್ನು ಸೋಶಿಯಲ್ ಮೀಡಿಯಾದಲ್ಲಿಯೇ ಕಳೆಯುತ್ತಾರೆ. ಸಾಕಷ್ಟು ವಿಚಾರಗಳಿಗೆ ಸೋಶಿಯಲ್ ಮೀಡಿಯಾದಲ್ಲಿ ಪೂನಂ ನೀಡಿರುವ ಪ್ರತಿಕ್ರಿಯೆಗಳು ವಿವಾದಕ್ಕೆ ಗುರಿಯಾದದ್ದೂ ಇದೆ. ಪೂನಂ ಕೌರ್ರ ಇತ್ತೀಚಿನ ಟ್ವೀಟ್ ಕೂಡ ಇದೀಗ ವೈರಲ್ ಆಗಿತ್ತು. ಪೂನಂ ಕೌರ್ ನಿರ್ದೇಶಕ ರಾಮ್ಗೋಪಾಲ್ ವರ್ಮಾರಿಗೆ ಕ್ಲಾಸ್ ತೆಗೆದುಕೊಂಡಿದ್ದಾರೆ. ಈ ಬಾರಿ ಪವರ್ ಸ್ಟಾರ್ ಪವನ್ ಕಲ್ಯಾಣ್ ವಿಚಾರದಲ್ಲಿ ಪೂನಂ ಈ ವಿವಾದಾತ್ಮಕ ಟ್ವೀಟ್ ಮಾಡಿದ್ದಾರೆ.
ಪವನ್ ಕಲ್ಯಾಣ್ ಹಾಗೂ ರಾಣಾ ದಗ್ಗುಬಾಟಿ ಅಭಿನಯದ ಭೀಮ್ಲಾ ನಾಯಕ್ ಚಿತ್ರತಂಡವು ಕೆಲವು ದಿನಗಳ ಹಿಂದಷ್ಟೇ ಪ್ರಿ ರಿಲೀಸ್ ಕಾರ್ಯಕ್ರಮವನ್ನು ನಡೆಸಿತ್ತು. ರಾಮ್ಗೋಪಾಲ್ ವರ್ಮಾ ಪವನ್ ಕಲ್ಯಾಣ್ ಈ ಸಂದರ್ಭದಲ್ಲಿ ಮಾಡಿದ ಭಾಷಣದ ತುಣುಕನ್ನು ಯುಟ್ಯೂಬ್ನಲ್ಲಿ ಶೇರ್ ಮಾಡಿದ್ದರು. ಟ್ವಿಟರ್ನಲ್ಲಿ ಈ ತುಣುಕನ್ನು ಹಂಚಿಕೊಂಡಿದ್ದ ರಾಮ್ಗೋಪಾಲ್ ವರ್ಮಾ ಪವನ್ ಕಲ್ಯಾಣ್ರ ಅತ್ಯು್ತ್ತಮ ಭಾಷಣಗಳಲ್ಲಿ ಇದೂ ಒಂದು ಎಂದು ಅಭಿಪ್ರಾಯ ಹೊರ ಹಾಕಿದ್ದರು.
ಆರ್ಜಿವಿ ಟ್ವೀಟ್ಗೆ ಪ್ರತಿಕ್ರಿಯಿಸಿದ ಪೂನಂ ಕೌರ್, ಒಬ್ಬ ನಿರ್ದೇಶಕ ತನ್ನ ವೈಯಕ್ತಿಕ ಜೀವನವನ್ನು ಸಂಪೂರ್ಣ ಬೈದುಕೊಳ್ಳುತ್ತಾನೆ ಮತ್ತು ಮೂಲೆಯಿಂದ ಮುಗುಳ್ನಕ್ಕು ಸುಮ್ಮನಾಗುತ್ತಾನೆ. ಮತ್ತೊಬ್ಬ ನಿರ್ದೇಶಕ ರಾಜಕೀಯವಾಗಿ ಒಬ್ಬರನ್ನು ನಿಂದಿಸಲು ಏನು ಬೇಕಾದರೂ ಮಾಡುತ್ತಾರೆ ಬಳಿಕ ಟ್ವಿಟರ್ನಲ್ಲಿ ನಗುತ್ತಾರೆ. ಇಬ್ಬರೂ ಬಾಡಿಗೆ ಪಾವತಿ ಮಾಡಿದ ಏಜೆಂಟ್ಗಳು. ಇವರು ಮಹಿಳೆಯರನ್ನು ಅಸ್ತ್ರವಾಗಿ ಬಳಸಿಕೊಳ್ಳುತ್ತಾರೆ ಎಂದು ಬರೆದಿದ್ದಾರೆ.
https://twitter.com/poonamkaurlal/status/1496711512039518208
Loading ...