ಉಕ್ರೇನ್ನಲ್ಲಿ ನಡೆಯುತ್ತಿರುವ ಯುದ್ಧವನ್ನು ಗಮನದಲ್ಲಿಟ್ಟುಕೊಂಡು ಯುರೋಪ್ನಲ್ಲಿ ರಷ್ಯಾದ ಚಾನೆಲ್ಗಳಾದ ಆರ್ಟಿ ಹಾಗೂ ಸ್ಪುಟ್ನಿಕ್ನ್ನು ಯುಟ್ಯೂಬ್ನಿಂದ ನಿರ್ಬಂಧಿಸಲಾಗಿದೆ ಎಂದು ವಿಡಿಯೋ ಶೇರಿಂಗ್ ವೇದಿಕೆಯು ಅಧಿಕೃತ ಮಾಹಿತಿಯನ್ನು ನೀಡಿದೆ.
ನಾವು ಆರ್ಟಿ ಹಾಗೂ ಸ್ಪುಟ್ನಿಕ್ನಂತಹ ಯುಟ್ಯೂಬ್ ಚಾನೆಲ್ಗಳನ್ನು ಈ ಕೂಡಲೇ ಜಾರಿಗೆ ಬರುವಂತೆ ನಿರ್ಬಂಧಿಸುತ್ತಿದ್ದೇವೆ. ನಮ್ಮ ಸಿಸ್ಟಂಗಳು ಸಂಪೂರ್ಣವಾಗಿ ಕಾರ್ಯನಿರ್ವಹಿಸುವ ಮೊದಲು ಸ್ವಲ್ಪ ಸಮಯ ಬೇಕಾಗುತ್ತದೆ ಎಂದು ಯುಟ್ಯೂಬ್ ಹೇಳಿದೆ.
ಸೋಮವಾರದಂದು ಫೇಸ್ಬುಕ್ ಕೂಡ ಯುರೋಪಿಯನ್ ಒಕ್ಕೂಟದ ಕುರಿತಂತೆ ಆರ್ಟಿ ಹಾಗೂ ಸ್ಪುಟ್ನಿಕ್ ಪ್ರಕಟಿಸಿದ ವಿಷಯಗಳನ್ನು ನಿರ್ಬಂಧಿಸಿತ್ತು. ರಷ್ಯಾ ಬೆಂಬಲಿತ ಈ ಎರಡು ಮಾಧ್ಯಮಗಳು ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ರ ವಕ್ತಾರರಂತೆ ಕೆಲಸ ಮಾಡುತ್ತಿವೆ ಎನ್ನಲಾಗಿದೆ.
ಯುರೋಪಿಯನ್ ಕಮಿಷನ್ ಮುಖ್ಯಸ್ಥ ಉರ್ಸುಲಾ ವಾನ್ ಡೆಲ್ ಲೇಯನ್ ಈ ವಿಚಾರವಾಗಿ ಮಾತನಾಡಿ ಪುಟಿನ್ ಯುದ್ಧವನ್ನು ಘೋಷಣೆ ಮಾಡಿದ್ದನ್ನು ಸಮರ್ಥಿಸಿಕೊಳ್ಳುವಂತಹ ಸುಳ್ಳುಗಳನ್ನು ಪ್ರಸಾರ ಮಾಡುವ ಚಾನೆಲ್ಗಳನ್ನು ನಿರ್ಬಂಧಿಸಲಾಗುವುದು ಎಂದು ಭಾನುವಾರದಂದು ಘೋಷಣೆ ಮಾಡಿದ್ದರು.
Loading ...