ರಶ್ಮಿಕಾ ʼಕಾಂತಾರʼ ನೋಡದಿರುವುದರ ಹಿಂದಿನ ಕಾರಣ ಬಿಚ್ಚಿಟ್ಟ ನಟ…!

ʼಕಾಂತಾರʼ ಸಿನಿಮಾ ಈಗಾಗಲೇ ದೊಡ್ಡ ಮಟ್ಟಿನ ಯಶಸ್ಸು ಕಾಣ್ತಾ ಇದೆ. ಬೇರೆ ಬೇರೆ ಭಾಷೆಯಲ್ಲೂ ರಿಷಬ್ ಶೆಟ್ರು ಮಿಂಚ್ತಾ ಇದ್ದಾರೆ. ಅಷ್ಟೆ ಅಲ್ಲ ಸಿನಿಮಾ ನೋಡಿದ ಎಲ್ಲರೂ ಹೇಳೋದು ಒಂದೇ ಮಾತು ಸಿನಿಮಾ ಸೂಪರ್ ಅಂತ. ಈ ನಡುವೆ ಮತ್ತೊಂದು ವಿಚಾರ ಚರ್ಚೆಗೆ ಬಂದಿದೆ. ಅದೇನಪ್ಪ ಅಂದ್ರೆ ರಶ್ಮಿಕಾ ಮಂದಣ್ಣ ಸಿನಿಮಾ ನೋಡದೇ ಇರೋದು.

ಹೌದು, ಪರ ಭಾಷೆ ನಟ, ನಟಿಯರೂ ಕೂಡ ಸಿನಿಮಾ ನೋಡಿ ಬೇಷ್ ಅಂತಿದ್ದಾರೆ. ಆದರೆ ಕನ್ನಡ ನಟಿಯಾಗಿ ಬೇರೆ ಭಾಷೆಯಲ್ಲಿ ಮಿಂಚುತ್ತಿರುವ ನಟಿ ರಶ್ಮಿಕಾ ಮಂದಣ್ಣ ಸಿನಿಮಾ‌ ನೋಡಿಲ್ಲ. ಈ ಕುರಿತಂತೆ ರಶ್ಮಿಕಾರನ್ನ ಟ್ರೋಲ್ ಮಾಡ್ತಾ ಇದ್ದಾರೆ. ಹೀಗಾಗಿ ಈ ಬಗ್ಗೆ ನಟ ಪ್ರಮೋದ್ ಶೆಟ್ಟಿ ಹೀಗೆ ಮಾತಾಡಿದ್ದಾರೆ.

ಈ ಬಗ್ಗೆ ಮಾತಾಡಿದ ನಟ‌ ಪ್ರಮೋದ್ ಶೆಟ್ಟಿ, ರಶ್ಮಿಕಾ ಪಾಪ ಬ್ಯುಸಿಯಿರಬೇಕು. ಹಾಗಾಗಿ ಸಿನಿಮಾ ನೋಡಿಲ್ಲ ಅನಿಸುತ್ತೆ. ಅವರು ಯಾವಾಗ ಫ್ರೀ ಆಗ್ತಾರೋ ಅವಾಗ ಸಿನಿಮಾ ನೋಡ್ತಾರೆ. ಸದ್ಯ ಅವರದ್ದೇ ಸಿನಿಮಾ ಕೆಲ ದಿನಗಳ ಹಿಂದಷ್ಟೇ ʼಗುಡ್‌ಬೈʼ ಬಿಡುಗಡೆಯಾಗಿದೆ. ಈ ಚಿತ್ರದ ಪ್ರಚಾರದಲ್ಲಿ ಬ್ಯುಸಿಯಿರಬಹುದು. ಫ್ರಿ ಆದಾಗ ನೋಡುತ್ತಾರೆ, ನೋಡಿ ಕಾಮೆಂಟ್ ಮಾಡುತ್ತಾರೆ ಎಂದಿದ್ದಾರೆ.