ಯುಟ್ಯೂಬ್​​ನಲ್ಲಿ ʼಸಂಸದ್​ ಟಿವಿʼ ಹ್ಯಾಕ್​ ಮಾಡಿದ ಸೈಬರ್​ ವಂಚಕರು…!

ಲೋಕಸಭೆ ಹಾಗೂ ರಾಜ್ಯಸಭೆಯ ನೇರ ಪ್ರಸಾರ ಮಾಡುವ ಸಂಸದ್​ ಟಿವಿಯ ಯುಟ್ಯೂಬ್​ ಖಾತೆಯನ್ನು ಯುಟ್ಯೂಬ್​​ನ ಮಾರ್ಗಸೂಚಿಯನ್ನು ಉಲ್ಲಂಘಿಸಿದ ಹಿನ್ನೆಲೆಯಲ್ಲಿ ವಜಾಗೊಳಿಸಲಾಗಿದೆ.

ಈ ಖಾತೆಯನ್ನು ಹ್ಯಾಕ್​ ಮಾಡಲಾಗಿದೆ ಹಾಗೂ ಕ್ರಿಪ್ಟೋ ಕರೆನ್ಸಿಯಾದ ಎಥೆರಿಯಂ ಎಂದು ಮರುನಾಮಕರಣ ಮಾಡಲಾಗಿದೆ ಎಂದು ಸಾಮಾಜಿಕ ಮಾಧ್ಯಮಗಳು ವರದಿ ಮಾಡಿದ್ದವು. ಈ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿಗಳು ಇರದೇ ಇದ್ದರೂ ಸಹ ಈ ಸಮಸ್ಯೆಯನ್ನು ಗೂಗಲ್​ನ ಎದುರು ಇಡಲಾಗಿದೆ ಎಂದು ಅಧಿಕಾರಿಗಳು ಎಚ್ಚರಿಕೆ ನೀಡಿದ್ದಾರೆ.

ಸಂಸದ್​ ಟಿವಿಯನ್ನು ಯಾರೋ ಹ್ಯಾಕ್ ಮಾಡಿದ್ದು ಈ ಸಂಬಂಧ ಗೂಗಲ್​ಗೆ ದೂರು ನೀಡಲಾಗಿದೆ. ಈ ಬಗ್ಗೆ ಪರಿಶೀಲನೆಗಳು ನಡೆಯುತ್ತಿವೆ ಎಂದು ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ. ಸೋಶಿಯಲ್ ಮೀಡಿಯಾಗಳಲ್ಲಿ ಶೇರ್​ ಮಾಡಲಾಗುತ್ತಿರುವ ಸಂಸದ್​ ಟಿವಿ ಯುಟ್ಯೂಬ್​ ಖಾತೆಯ ಸ್ಕ್ರೀನ್​ಶಾಟ್​ಗಳಲ್ಲಿ ಯುಟ್ಯೂಬ್​ನ ಮಾರ್ಗಸೂಚಿಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ಈ ಅಕೌಂಟ್​ನ್ನು ಕೊನೆಗೊಳಿಸಲಾಗಿದೆ ಎಂದು ಅಧಿಸೂಚನೆ ನೀಡಿರುವುದನ್ನು ಕಾಣಬಹುದಾಗಿದೆ.