ಮೇಕೆ ಮೇಲೆ ಅತ್ಯಾಚಾರಗೈದಿದ್ದ ಕಾಮುಕ ಅರೆಸ್ಟ್​​..!

ಗರ್ಭಿಣಿ ಮೇಕೆಯ ಅತ್ಯಾಚಾರ ನಡೆಸಿ ಅದರ ಸಾವಿಗೆ ಕಾರಣವಾಗಿದ್ದ ಕಾಮುಕನನ್ನು ಕೇರಳದ ಕಾಸರಗೋಡು ಪೊಲೀಸರು ಬಂಧಿಸಿದ್ದಾರೆ.

ಬಂಧಿತನನ್ನು ಸೆಂಥಿಲ್​ ಎಂದು ಗುರುತಿಸಲಾಗಿದೆ. ತಮಿಳುನಾಡು ಮೂಲದವನಾದ ಈತ ಹೋಟೆಲ್​ನಲ್ಲಿ ಕೆಲಸ ಮಾಡುತ್ತಿದ್ದ ಎನ್ನಲಾಗಿದೆ. ಹೋಟೆಲ್​ ಮಾಲೀಕ ನೀಡಿದ ದೂರನ್ನು ಆಧರಿಸಿ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ.

ಹೋಟೆಲ್​ ಮಾಲೀಕ ನೀಡಿರುವ ಮಾಹಿತಿಯ ಪ್ರಕಾರ, ಮಂಗಳವಾರ ರಾತ್ರಿ 11 ಗಂಟೆ ಸುಮಾರಿಗೆ ಹೊರಗೆ ಕೇಳಿಸುತ್ತಿದ್ದ ವಿಚಿತ್ರ ಶಬ್ದವನ್ನು ಕೇಳಿ ಹೋಟೆಲ್​ನ ಇತರೆ ಸಿಬ್ಬಂದಿ ಹೊರಗೆ ಬಂದಿದ್ದಾರೆ.

ಈ ವೇಳೆ ಗರ್ಭಿಣಿ ಮೇಕೆಯು ತನ್ನ ಗೂಡಿನ ಹೊರಗೆ ರಕ್ತಸ್ರಾವದಿಂದ ಬಳಲುತ್ತಿದ್ದುದು ಕಂಡಿದೆ. ಅಲ್ಲದೇ ಸ್ಥಳದಿಂದ ಸೆಂಥಿಲ್​ ಓಡಿ ಹೋಗಿದ್ದನ್ನೂ ಕಂಡಿದ್ದಾರೆ. ಸೆಂಥಿಲ್​ ಕಳೆದ 2 ವರ್ಷಗಳಿಂದ ಈ ಹೋಟೆಲ್​ನಲ್ಲಿ ಕೆಲಸ ಮಾಡುತ್ತಿದ್ದ ಎನ್ನಲಾಗಿದೆ.

ಸಧ್ಯಕ್ಕೆ ಸಿಕ್ಕಿರುವ ಮಾಹಿತಿಯ ಪ್ರಕಾರ ಸೆಂಥಿಲ್​ ಜೊತೆಯಲ್ಲಿ ಇನ್ನೂ ಕೆಲವರು ಈ ಪ್ರಕರಣದಲ್ಲಿ ಭಾಗಿಯಾಗಿದ್ದಾರೆ ಎನ್ನಲಾಗಿದೆ. ಈ ಸಂಬಂಧ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.