ವಿಧಾನಸಭಾ ಚುನಾವಣೆಗೂ ಮುನ್ನವೇ ಬಿಜೆಪಿಗೆ ಬಿಗ್ ವಿಕ್ಟರಿ…! ಮೇಯರ್ ಚುನಾವಣೆಯಲ್ಲಿ 1 ಮತದ ಅಂತರದಲ್ಲಿ ಗೆಲುವು

ಬಿಜೆಪಿ ಮುನ್ಸಿಪಲ್ ಕೌನ್ಸಿಲರ್​ ಸರಬ್ಜಿತ್​ ಕೌರ್​​ ಚಂಡೀಘಡ ಮುನ್ಸಿಪಲ್​ ಕಾರ್ಪೋರೇಷನ್​ ಮೇಯರ್​ ಸ್ಪರ್ಧೆಯಲ್ಲಿ ಆಮ್​ ಆದ್ಮಿ ಪಕ್ಷದ ಅಂಜು ಕತ್ಯಾಲ್​​ರನ್ನು ಕೇವಲ 1 ಮತದ ಅಂತರದಲ್ಲಿ ಸೋಲಿಸಿದ್ದಾರೆ. ಒಟ್ಟು 36 ಮತಗಳಲ್ಲಿ 28 ಮತಗಳನ್ನು ಚಲಾಯಿಸಲಾಗಿದ್ದು 7 ಕಾಂಗ್ರೆಸ್​ ಕೌನ್ಸಿಲರ್​ಗಳು ಹಾಗೂ ಶಿರೋಮಣಿ ಅಕಾಲಿದಳದ ಏಕೈಕ ಕೌನ್ಸಿಲರ್​ ಗೈರಾಗಿದ್ದರು.

ಕೌರ್​ 14 ಮತಗಳನ್ನು ಪಡೆದರೆ, ಕತ್ಯಾಲ್​ 13 ಮತಗಳನ್ನು ಪಡೆದರು ಹಾಗೂ ಒಂದು ಮತವನ್ನು ಅಸಿಂಧು ಎಂದು ಘೋಷಣೆ ಮಾಡಲಾಯ್ತು.

ಫಲಿತಾಂಶ ಪ್ರಕಟವಾಗುತ್ತಿದ್ದಂತೆಯೇ ಆಪ್​ ಕೌನ್ಸಿಲರ್​ಗಳು ಸದನದಲ್ಲಿ ಕೋಲಾಹಲವನ್ನೇ ಸೃಷ್ಟಿಸಿದರು. ಪರಿಸ್ಥಿತಿ ನಿಭಾಯಿಸಲು ಪೊಲೀಸರು ಮಧ್ಯಪ್ರವೇಶ ಮಾಡಿದರು.

ಡಿಸೆಂಬರ್​ 27ರಂದು ಚಂಡೀಗಢ ಮುನ್ಸಿಪಲ್ ಕಾರ್ಪೋರೇಷನ್​ ಚುನಾವಣೆಯಲ್ಲಿ ಫಲಿತಾಂಶ ಪ್ರಕಟವಾಗಿದ್ದು ಇದರಲ್ಲಿ ಆಪ್​ 14 ವಾರ್ಡ್​ಗಳಲ್ಲಿ ಹಾಗೂ ಬಿಜೆಪಿಯು 12 ವಾರ್ಡ್​ಗಳಲ್ಲಿ ಜಯಭೇರಿ ಬಾರಿಸಿದೆ. ಒಟ್ಟು 35 ವಾರ್ಡ್​ಗಳಲ್ಲಿ ಚುನಾವಣೆ ನಡೆದಿದೆ. ಕಾಂಗ್ರೆಸ್​ 8 ವಾರ್ಡ್​ಗಳಲ್ಲಿ ಗೆದ್ದರೆ ಶಿರೋಮಣಿ ಅಕಾಲಿ ದಳ 1 ವಾರ್ಡ್​ನಲ್ಲಿ ಜಯ ಸಾಧಿಸಿದೆ.