ಮಾರುಕಟ್ಟೆಗೆ ಬಂದಿದೆ ಮಾರುತಿ ಸುಜುಕಿ ಕಂಪನಿ S Presso CNG, ಇಲ್ಲಿದೆ ಬೆಲೆ ಮತ್ತಿತರ ವೈಶಿಷ್ಟ್ಯಗಳ ವಿವರ

ಮಾರುತಿ ಸುಜುಕಿ ಕಂಪನಿ S Presso CNG ಅನ್ನು ಬಿಡುಗಡೆ ಮಾಡಿದೆ. LXi ಮಾದರಿಯ ಈ ರೂಪಾಂತರದ ಬೆಲೆ 5.90 ಲಕ್ಷದಿಂದ ಪ್ರಾರಂಭ. VXi ರೂಪಾಂತರಕ್ಕೆ 6.10 ಲಕ್ಷದವರೆಗೆ ಬೆಲೆ ನಿಗದಿ ಮಾಡಲಾಗಿದೆ. ಪೆಟ್ರೋಲ್ ಚಾಲಿತ S Pressoಗೆ ಹೋಲಿಸಿದರೆ, CNG ಆವೃತ್ತಿಯ ಹೈ-ರೈಡಿಂಗ್ ಹ್ಯಾಚ್‌ಬ್ಯಾಕ್ ಬೆಲೆ 95,000 ರೂಪಾಯಿ ಹೆಚ್ಚಾಗಿದೆ.

S Presso CNG ಹೊಸ K10C ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತದೆ. ಮಾರುತಿಯ ಸಿಎನ್‌ಜಿ ಪೋರ್ಟ್‌ಫೋಲಿಯೊದಲ್ಲಿ ಎಸ್ ಪ್ರೆಸ್ಸೊ 10ನೇ ಕಾರು. ಮಾರುತಿ ಎಸ್ ಪ್ರೆಸ್ಸೊ ಸಿಎನ್‌ಜಿ ಪರಿಚಯಿಸುತ್ತಿರೋದು ಇದೇ ಮೊದಲಲ್ಲ. 2020 ರಲ್ಲಿಯೇ ಇದನ್ನು ಸಜ್ಜುಗೊಳಿಸಲಾಗಿತ್ತು. ಮಾರುತಿ ಸುಜುಕಿ ದೇಶಾದ್ಯಂತ ಎಸ್ ಪ್ರೆಸ್ಸೊದ 2.26 ಲಕ್ಷ ಯುನಿಟ್‌ಗಳನ್ನು ಮಾರಾಟ ಮಾಡಿದೆ.

ಇತ್ತೀಚೆಗೆ ನವೀಕರಿಸಿದ ಎಸ್ ಪ್ರೆಸ್ಸೊದಂತೆಯೇ, ಅದರ ಸಿಎನ್‌ಜಿ ಆವೃತ್ತಿ ಕೂಡ 1.0-ಲೀಟರ್ ಕೆ 10 ಸಿ ಎಂಜಿನ್ ಅನ್ನು ಹೊಂದಿದೆ. ಕೇವಲ 5-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್‌ ಅಳವಡಿಸಲಾಗಿದೆ. CNG ಮೋಡ್‌ನಲ್ಲಿ ಇದು 57hp ಮತ್ತು 82Nm ಅನ್ನು ಹೊರಹಾಕುತ್ತದೆ. ಇದು ಹಳೆಯ CNG-ಸ್ಪೆಕ್ K15B ಮೋಟಾರ್‌ಗಿಂತ 1hp ಕಡಿಮೆ ಮತ್ತು 4Nm ಹೆಚ್ಚಾಗಿದೆ. ಹೊಸ S Presso CNG 32.73km/kg ನೀಡಬಲ್ಲದು ಎಂದು ಮಾರುತಿ ಹೇಳಿಕೊಂಡಿದೆ. ಇದು ಹಿಂದಿನ CNG-ಸ್ಪೆಕ್ ಮಾದರಿಗಿಂತ 1.53km/kg ಹೆಚ್ಚಾಗಿದೆ. ಆದರೆ ಸೆಲೆರಿಯೊ CNG ಗಿಂತ 2.87km/kg ಕಡಿಮೆಯಾಗಿದೆ. ಎಂಜಿನ್‌ನಲ್ಲಿ ಉತ್ತಮ ಗಾಳಿ-ಇಂಧನ ಮಿಶ್ರಣಕ್ಕಾಗಿ ಸುಧಾರಿತ ವ್ಯವಸ್ಥೆ ಮಾಡಲಾಗಿದೆ.

ಸಿಎನ್‌ಜಿ ರಚನೆಯಲ್ಲಿ ಸೋರಿಕೆಯಾಗುವುದನ್ನು ತಡೆಯಲು ಹೊಸ ಸ್ಟೇನ್‌ಲೆಸ್ ಸ್ಟೀಲ್ ಪೈಪ್‌ಗಳು ಮತ್ತು ಕೀಲುಗಳೊಂದಿಗೆ ಸುರಕ್ಷತೆಯನ್ನು ಹೆಚ್ಚಿಸಲಾಗಿದೆ. S Presso CNG ಟೈಲ್‌ಗೇಟ್‌ನಲ್ಲಿ ಹೆಚ್ಚುವರಿ S-CNG ಬ್ಯಾಡ್ಜ್‌ನ ಹೊರತಾಗಿ ಅದರ ಬಾಹ್ಯ ಅಥವಾ ಒಳಾಂಗಣ ವಿನ್ಯಾಸದಲ್ಲಿ ಯಾವುದೇ ಗಮನಾರ್ಹ ಬದಲಾವಣೆಗಳಿಲ್ಲ. ಸುರಕ್ಷತಾ ವೈಶಿಷ್ಟ್ಯಗಳಲ್ಲಿ S Presso CNG ಡ್ಯುಯಲ್ ಏರ್‌ಬ್ಯಾಗ್‌ಗಳು, EBD ಜೊತೆಗೆ ABS, ಹಿಂಭಾಗದ ಪಾರ್ಕಿಂಗ್ ಸಂವೇದಕಗಳು ಮತ್ತು ಸೀಟ್ ಬೆಲ್ಟ್ ರಿಮೈಂಡರ್‌ಗಳನ್ನು ಹೊಂದಿದೆ.  ಮಾರುತಿ ಸುಜುಕಿ S Presso CNG, ಪೆಟ್ರೋಲ್ ಚಾಲಿತ S Presso ರೆನಾಲ್ಟ್ ಕ್ವಿಡ್ ಮತ್ತು ಇತ್ತೀಚೆಗೆ ಬಿಡುಗಡೆಯಾದ ಮಾರುತಿ ಸುಜುಕಿ ಆಲ್ಟೊ K10 ಜೊತೆಗೆ ಪೈಪೋಟಿಗಿಳಿಯಲಿದೆ.