ಮಳೆಗಾಲಕ್ಕೆ ಹೇಳಿ ಮಾಡಿಸಿದಂತಹ ತಿಂಡಿ ಈ ʼಕಾರ್ನ್ ಚಾಟ್ʼ

ಬೇಕಾಗುವ ಸಾಮಗ್ರಿ :ಫ್ರೀಜ್​ ಮಾಡಿಟ್ಟ ಮೆಕ್ಕೆಜೋಳ : 900 ಗ್ರಾಂ, ಗ್ರೀನ್​ ಚಿಲ್ಲಿ – 2 ಚಮಚ, ಕಾರದ ಪುಡಿ – 1/2 ಚಮಚ, ಕ್ಯುಮಿನ್​ ಪೌಡರ್​ – 2 ಚಮಚ, ಉಪ್ಪು – ರುಚಿಗೆ ತಕ್ಕಷ್ಟು, ಕ್ಯಾಪ್ಸಿಕಂ – 2, ಶುಂಠಿ ರಸ – 2 ಚಮಚ, ನಿಂಬು ರಸ – 2 ಚಮಚ, ಕೊತ್ತಂಬರಿ ಸೊಪ್ಪು – 1/4 ಕಪ್, ಕಾಳು ಮೆಣಸಿನ ಪುಡಿ – 1/2 ಚಮಚ, ಬ್ಲಾಕ್​ ಸಾಲ್ಟ್​ – 1ಚಮಚ, ಟೊಮ್ಯಾಟೋ (ಸಣ್ಣಗೆ ಹೆಚ್ಚಿದ್ದು) – 1 ಕಪ್​, ಈರುಳ್ಳಿ – 1,

ಮಾಡುವ ವಿಧಾನ : ಮೊದಲು ಎಲ್ಲಾ ತರಕಾರಿಗಳು ಸಣ್ಣಗೆ ಹೆಚ್ಚಿಕೊಂಡು ಒಂದು ಬೌಲ್​ನಲ್ಲಿ ಪ್ರತ್ಯೇಕವಾಗಿ ತೆಗೆದಿಡಿ. ಈಗ ಉಪ್ಪು, ಬ್ಲಾಕ್​ ಸಾಲ್ಟ್, ಕ್ಯುಮಿನ್​ ಪೌಡರ್​, ಕಾಳು ಮೆಣಸಿನ ಪುಡಿ ಹಾಗೂ ಕಾರದಪುಡಿಯನ್ನ ಮಿಶ್ರಣ ಮಾಡಿಕೊಂಡು ಒಂದು ಬೌಲ್​ನಲ್ಲಿ ಇಟ್ಟುಕೊಳ್ಳಿ.

ಒಂದು ನಾನ್​ ಸ್ಟಿಕ್​ ಪ್ಯಾನ್​ನ್ನು ಮಧ್ಯಮ ಉರಿಯಲ್ಲಿ ಸ್ಟೌ ಮೇಲೆ ಇಟ್ಟುಕೊಳ್ಳಿ. ಇದಕ್ಕೆ ಎಣ್ಣೆಯನ್ನ ಹಾಕಿ ಅದಕ್ಕೆ ಮೆಕ್ಕೆ ಜೋಳವನ್ನ ಹಾಕಿ 6-7 ನಿಮಿಷಗಳ ಕಾಲ ಬೇಯಿಸಿ, ಈ ಮೆಕ್ಕೆಜೋಳ ಬಂಗಾರ ಕಂದುಬಣ್ಣಕ್ಕೆ ತಿರುಗುತ್ತಿದ್ದಂತೆಯೇ ಗ್ಯಾಸ್​ ಆಫ್​ ಮಾಡಿ.

ಮೊದಲೇ ಕತ್ತರಿಸಿ ಇಟ್ಟುಕೊಂಡಿದ್ದ ತರಕಾರಿಗೆ ಮಸಾಲೆ ಪದಾರ್ಥಗಳ ಮಿಶ್ರಣ, ಕೊತ್ತಂಬರಿ ಸೊಪ್ಪು ಹಾಗೂ ಮೆಕ್ಕೆಜೋಳವನ್ನ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಕೊನೆಯಲ್ಲಿ ನಿಂಬೆ ರಸ ಹಾಗೂ ಶುಂಠಿ ರಸವನ್ನ ಹಾಕಿ. ನಿಮ್ಮ ಕಾರ್ನ್ ಚಾಟ್​ ಇದೀಗ ಸವಿಯಲು ಸಿದ್ಧ