ಮತ್ತೊಮ್ಮೆ ಮದುವೆಯಾಗಲು ಮುಂದಾದ ಐಎಎಸ್​ ಅಧಿಕಾರಿ ಟೀನಾ

2016ರ ಯುಪಿಎಸ್ಸಿ ಪರೀಕ್ಷೆಯಲ್ಲಿ ಟಾಪರ್​ ಆಗಿರುವ ರಾಜಸ್ಥಾನದ ಐಎಎಸ್​ ಅಧಿಕಾರಿ ಟೀನಾ ದಾಬಿ ಐಎಎಸ್ ಅಧಿಕಾರಿ ಪ್ರದೀಪ್​ ಗವಾಂಡೆಯನ್ನು ವಿವಾಹವಾಗಲಿದ್ದಾರೆ. ತಮ್ಮ ನಿಶ್ಚಿತಾರ್ಥದ ವಿಚಾರವನ್ನು ಸೋಶಿಯಲ್​ ಮೀಡಿಯಾದಲ್ಲಿ ಶೇರ್​ ಮಾಡಿದ್ದಾರೆ.

ಪ್ರದೀಪ್​ ಗವಾಂಡೆ ನೀವು ನನಗೆ ನೀಡಿದ ನಗುವನ್ನು ನಾನು ಧರಿಸುತ್ತಿದ್ದೇನೆ ಎಂದು ಇನ್​ಸ್ಟಾಗ್ರಾಂನಲ್ಲಿ ಶೀರ್ಷಿಕೆ ನೀಡಿದ್ದಾರೆ.

ಪ್ರದೀಪ್​ ಕೂಡ ಟೀನಾ ಜೊತೆಗಿನ ಫೋಟೋವನ್ನು ಪೋಸ್ಟ್​ ಮಾಡಿದ್ದಾರೆ. ಫೋಟೋದಲ್ಲಿ ಟೀನಾ ಕೆಂಪು ಸೀರೆಯನ್ನು ಧರಿಸಿರುವುದನ್ನು ಕಾಣಬಹುದಾಗಿದೆ. ಪ್ರದೀಪ್​​ ಕೆಂಪು ಕುರ್ತಾ ಹಾಗೂ ಪ್ಯಾಂಟ್​ ಧರಿಸಿದ್ದಾರೆ.

ಪ್ರದೀಪ್​ ಹಾಗೂ ಟೀನಾ ಏಪ್ರಿಲ್​​ 22ರಂದು ಜೈಪುರದಲ್ಲಿ ವಿವಾಹವಾಗಲಿದ್ದಾರೆ. ಪ್ರದೀಪ್​ ಗಾವಂಡೆ ಟೀನಾಗಿಂತ ಮೂರು ವರ್ಷಗಳಿಂದ ಹಿರಿಯರಾಗಿದ್ದಾರೆ. 2013ನೇ ಬ್ಯಾಚ್​​ನ ಐಎಎಸ್​ ಅಧಿಕಾರಿಯಾಗಿದ್ದಾರೆ. ಪ್ರಸ್ತುತ ರಾಜಸ್ಥಾನದ ಪುರಾತತ್ವ ಹಾಗೂ ವಸ್ತು ಸಂಗ್ರಹಾಲಯಗಳ ನಿರ್ದೇಶಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.

ಟೀನಾ ದಾಬಿ ಈ ಹಿಂದೆ ಐಎಎಸ್​ ಅಧಿಕಾರಿ ಅಖ್ತರ್​ ಖಾನ್​​ರನ್ನು ವಿವಾಹವಾಗಿದ್ದರು. 2016ರಲ್ಲಿ ಸೋಶಿಯಲ್​ ಮೀಡಿಯಾ ಪೋಸ್ಟ್​ ಮೂಲಕ ತನ್ನ ಸಂಬಂಧವನ್ನು ಬಹಿರಂಗಪಡಿಸಿದ್ದರು. ಟೀನಾ ದಾಬಿ ಟಾಪರ್​ ಆದರೆ ಅಖ್ತರ್​ ಆಮೀರ್​ ಖಾನ್​​ ಎರಡನೇ ಸ್ಥಾನ ಗಳಿಸಿದ್ದರು.