ಭಾರತದಲ್ಲಿ ಸ್ಮಾರ್ಟ್‌ಫೋನ್ ಬಳಕೆದಾರರು 5G ನೆಟ್ವರ್ಕ್‌ ಬಗ್ಗೆ ಸಾಕಷ್ಟು ಉತ್ಸುಕರಾಗಿದ್ದಾರೆ. Ericsson Consumer Lab ನಡೆಸಿದ ‘5G ಪ್ರಾಮಿಸ್’ ವರದಿಯ ಪ್ರಕಾರ, ದೇಶದಲ್ಲಿ ಗ್ರಾಹಕರು 5Gಗಾಗಿ ಕಾತರದಿಂದ ಕಾಯುತ್ತಿದ್ದಾರೆ. ಅಧ್ಯಯನದ ಪ್ರಕಾರ ಭಾರತದ ನಗರಗಳಲ್ಲಿ 5Gಗೆ ಅಪ್‌ಗ್ರೇಡ್ ಮಾಡುವ ಉದ್ದೇಶವು ಈಗಾಗ್ಲೇ 5ಜಿ ಸೇವೆ ಪ್ರಾರಂಭಿಸಿರುವ ಬ್ರಿಟನ್‌ ಮತ್ತು ಅಮೆರಿಕದ ಮಾರುಕಟ್ಟೆಗಳಿಗಿಂತ ಎರಡು ಪಟ್ಟು ಹೆಚ್ಚಾಗಿದೆ.
5G-ರೆಡಿ ಸ್ಮಾರ್ಟ್‌ಫೋನ್‌ಗಳನ್ನು ಹೊಂದಿರುವ 100 ಮಿಲಿಯನ್ಗೂ ಅಧಿಕ ಬಳಕೆದಾರರು 2023 ರಲ್ಲಿ 5G ಸಬ್‌ಸ್ಕ್ರಿಪ್ಷನ್‌ಗೆ ಅಪ್‌ಗ್ರೇಡ್ ಮಾಡಲು ಬಯಸುತ್ತಾರೆ ಅನ್ನೋದು ಅಧ್ಯಯನದಲ್ಲಿ ದೃಢಪಟ್ಟಿದೆ. ಆದರೆ ಅವರಲ್ಲಿ ಅರ್ಧಕ್ಕಿಂತ ಹೆಚ್ಚು ಜನರು ಮುಂದಿನ 12 ತಿಂಗಳುಗಳಲ್ಲಿ ಹೆಚ್ಚಿನ ಡೇಟಾ ಶ್ರೇಣಿ ಯೋಜನೆಗೆ ಅಪ್‌ಗ್ರೇಡ್ ಮಾಡಲು ಉದ್ದೇಶಿಸಿದ್ದಾರೆ.
ಭಾರತೀಯ ಗ್ರಾಹಕರು ತಮ್ಮ 5G ಯೋಜನೆಗಳಲ್ಲಿ ಬಯಸುವ ಟಾಪ್ 10 ಸೇವೆಗಳನ್ನು ಬಹಿರಂಗಪಡಿಸಲು 27 ವಿಭಿನ್ನ 5G ವರ್ಧಿತ ಸೇವೆಗಳನ್ನು ಪರೀಕ್ಷಿಸಲಾಗಿದೆ. ಆರೋಗ್ಯ ಮತ್ತು ಫಿಟ್ನೆಸ್, 360-ಡಿಗ್ರಿ ಲೈವ್ ವೀಡಿಯೊ ಸ್ಟ್ರೀಮಿಂಗ್, ಕ್ಲೌಡ್ ಗೇಮಿಂಗ್, 5G ಟಿವಿ ಪ್ಯಾಕೇಜ್, ವರ್ಚುವಲ್ ಸಭೆಯ ಸ್ಥಳ, ಶಿಕ್ಷಣ, ಅತ್ಯುತ್ತಮ ಈವೆಂಟ್ ಅನುಭವ, ಸಂವಾದಾತ್ಮಕ ಕರೆ, ಸ್ಥಳ ಆಧಾರಿತ AR ಶಾಪಿಂಗ್ ಮತ್ತು VR ಶಾಪಿಂಗ್ ಈ ಎಲ್ಲಾ ನಿರೀಕ್ಷೆಗಳು ಗ್ರಾಹಕರಲ್ಲಿವೆ. ಮೊದಲ 12 ತಿಂಗಳುಗಳಲ್ಲಿ 5G ಗೆ ಅಪ್‌ಗ್ರೇಡ್ ಮಾಡಲು ಶೇ.59ರಷ್ಟು ಸ್ಮಾರ್ಟ್‌ಫೋನ್ ಬಳಕೆದಾರರು ಉದ್ದೇಶಿಸಿದ್ದಾರೆ.
ಬಳಕೆದಾರರು ತಮ್ಮ ನಿರೀಕ್ಷೆಗಳನ್ನು ಪೂರೈಸಿದರೆ ಹೊಸ ಅನುಭವಗಳೊಂದಿಗೆ ಈ ಯೋಜನೆಗಾಗಿ 45 ಪ್ರತಿಶತ ಪ್ರೀಮಿಯಂ ಪಾವತಿಸಲು ಸಿದ್ಧರಿದ್ದಾರೆ. ಪ್ರಸ್ತುತ ಸ್ಮಾರ್ಟ್‌ಫೋನ್ ಬಳಕೆದಾರರಲ್ಲಿ 10 ರಲ್ಲಿ 7 ಬಳಕೆದಾರರು 5G ಗೆ ಬದಲಾಯಿಸಿದ ನಂತರ ವರ್ಧಿತ ವೀಡಿಯೊ ಸ್ಟ್ರೀಮಿಂಗ್ ಗುಣಮಟ್ಟವನ್ನು ಎದುರು ನೋಡುತ್ತಿದ್ದಾರೆ. 5G-ರೆಡಿ ಬಳಕೆದಾರರು ಈಗಾಗಲೇ 4G ಬಳಕೆದಾರರಿಗೆ ಹೋಲಿಸಿದರೆ ಹೆಚ್ಚು ಡಿಜಿಟಲ್ ಸೇವೆಗಳನ್ನು ಬಳಸುತ್ತಿದ್ದಾರೆ.
Loading ...