ದೇಶದ ನಾಗರಿಕರು ಶೀಘ್ರದಲ್ಲಿಯೇ ಇ ಪಾಸ್ಪೋರ್ಟ್ಗಳನ್ನು ಹೊಂದಲಿದ್ದಾರೆ. ಈ ಬಗ್ಗೆ ಭಾರತೀಯ ವಿದೇಶಾಂಗ ವ್ಯವಹಾರಗಳ ಕಾರ್ಯದರ್ಶಿ ಸಂಜಯ್ ಭಟ್ಟಾಚಾರ್ಯ ಟ್ವೀಟ್ ಮೂಲಕ ಖಚಿತ ಮಾಹಿತಿ ನೀಡಿದ್ದಾರೆ.
ಇ ಪಾಸ್ಪೋರ್ಟ್ಗಳು ಬಯೋಮೆಟ್ರಿಕ್ ಡೇಟಾವನ್ನು ಸುರಕ್ಷಿತಗೊಳಿಸುತ್ತವೆ. ಅಂತಾರಾಷ್ಟ್ರೀಯ ನಾಗರಿಕ ವಿಮಾನಯಾನ ಸಂಸ್ಥೆಯ ಮಾನದಂಡಗಳಿಗೆ ಇ ಪಾಸ್ಪೋರ್ಟ್ಗಳನ್ನು ಅನುಗುಣವಾಗಿರುತ್ತವೆ. ಇ ಪಾಸ್ಪೋರ್ಟ್ಗಳನ್ನು ನಾಸಿಕ್ನ ಇಂಡಿಯಾ ಸೆಕ್ಯೂರಿಟಿ ಪ್ರೆಸ್ನಲ್ಲಿ ಉತ್ಪಾದಿಸಲಾಗುತ್ತದೆ.
ಹಲವಾರು ಮಾಧ್ಯಮಗಳು ನೀಡಿರುವ ವರದಿಯ ಪ್ರಕಾರ, ಪಾಸ್ಪೋರ್ಟ್ ಹೊಂದಿರುವವರು ಬಯೋಮೆಟ್ರಿಕ್ ಡೇಟಾ, ಹೆಸರು ಸೇರಿದಂತೆ ವಿವಿಧ ಪ್ರಮುಖ ಮಾಹಿತಿಗಳನ್ನು ಹೊಂದಲು ಇ ಪಾಸ್ಪೋರ್ಟ್ನಲ್ಲಿರುವ ಚಿಪ್ನ್ನು ಎಂಬೇಡ್ ಮಾಡಲಾಗುತ್ತದೆ. ಇದು ರೇಡಿಯೋ ಫ್ರಿಕ್ವೆನ್ಸಿ ಐಡೆಂಟಿಫಿಕೇಶನ್ ಮೂಲಕ ಅನಧಿಕೃತ ಡೇಟಾ ವರ್ಗಾವಣೆಯನ್ನು ಅನುಮತಿಸದ ಭದ್ರತಾ ವೈಶಿಷ್ಟ್ಯಗಳನ್ನು ಹೊಂದಿದೆ.
ಭಾರತದಲ್ಲಿ ಶೀಘ್ರದಲ್ಲಿಯೇ ಮುಂದಿನ ಜನರೇಷನ್ ಇ ಪಾಸ್ಪೋರ್ಟ್ಗಳು ಬರಲಿವೆ. ಸುರಕ್ಷಿತ ಬಯೋಮೆಟ್ರಿಕ್ ಡೇಟಾ, ಜಾಗತಿಕ ವಲಸೆ ಪೋಸ್ಟ್ಗಳಿಗೆ ಇದು ಸುಗಮ ಮಾರ್ಗವಾಗಿದೆ. ಇದನ್ನು ನಾಸಿಕ್ನ ಇಂಡಿಯಾ ಸೆಕ್ಯೂರಿಟಿ ಪ್ರೆಸ್ನಲ್ಲಿ ನಿರ್ಮಿಸಲಾಗಿದೆ ಎಂದು ಭಟ್ಟಾಚಾರ್ಯ ಟ್ವೀಟ್ ಮಾಡಿದ್ದಾರೆ.
Loading ...