ಬ್ಯಾಂಕ್​ ಅಧಿಕಾರಿ ಸೋಗಿನಲ್ಲಿ ಉದ್ಯಮಿಯಿಂದ ಲಕ್ಷಗಟ್ಟಲೇ ಹಣ ಪೀಕಿದ ಸೈಬರ್​ ವಂಚಕ..!

ಬ್ಯಾಂಕ್​ ಅಧಿಕಾರಿಯ ಸೋಗಿನಲ್ಲಿ ಉದ್ಯಮಿಯೊಬ್ಬರನ್ನು ಸಂಪರ್ಕಿಸಿದ ಸೈಬರ್​ ವಂಚಕ ಲಿಂಕ್​ ಒಂದನ್ನು ಎಸ್​ಎಂಎಸ್​ ಮಾಡುವ ಮೂಲಕ ಬರೋಬ್ಬರಿ 4.20 ಲಕ್ಷ ರೂಪಾಯಿ ವಂಚಿಸಿದ್ದಾನೆ. ಅಂತಾರಾಷ್ಟ್ರೀಯ ಕ್ರೆಡಿಟ್​ ಕಾರ್ಡ್ ಕೊಡುವುದಾಗಿ ನಂಬಿಸಿ ಇದಕ್ಕಾಗಿ ಬ್ಯಾಂಕಿಂಗ್​ ವಿವರ ನೀಡಬೇಕೆಂದು ಹೇಳುವ ಮೂಲಕ ಹಣ ವಂಚನೆ ಮಾಡಿದ್ದಾನೆ.

ಈ ಪ್ರಕರಣ ಸಂಬಂಧ ಮುಂಬೈನ ಖಾರ್​ ಪೊಲೀಸ್ ಠಾಣೆಯಲ್ಲಿ ಜನವರಿ 7ರಂದು ಪ್ರಕರಣ ದಾಖಲಾಗಿದೆ. 49 ವರ್ಷದ ದೂರುದಾರ ಉದ್ಯಮಿಯು ತಾನು ಐಸ್​ ಕ್ರೀಮ್​ ಹಾಗೂ ಡೈರಿ ಪ್ರಾಡಕ್ಟ್​ಗಳ ಉದ್ಯಮ ಹೊಂದಿದ್ದೇನೆ ಎಂದು ಹೇಳಿದ್ದಾರೆ. ಜನವರಿ 5ರ ರಾತ್ರಿ 10:30ರ ಸುಮಾರಿಗೆ ಕರೆ ಮಾಡಿದ ವ್ಯಕ್ತಿಯೊಬ್ಬ ತಾನು ಬ್ಯಾಂಕ್​ ಅಧಿಕಾರಿ ಎಂದು ಹೇಳಿದ್ದಾನೆ. ಹಾಗೂ ನಿಮಗೆ ಅಂತಾರಾಷ್ಟ್ರೀಯ ಕ್ರೆಡಿಟ್​​ ನೀಡುತ್ತೇನೆ ಎಂದು ನಂಬಿಸಿದ್ದ ಅಂತಾ ಹೇಳಿದ್ರು.

ಲಿಂಕ್​ ಒಂದನ್ನು ಹೊಂದಿದ್ದ ಎಸ್​ಎಂಎಸ್​ ಕಳುಹಿಸಿದ ಸೈಬರ್​ ವಂಚಕ ಇಲ್ಲಿ ನಿಮ್ಮ ವೈಯಕ್ತಿಕ ಮಾಹಿತಿಗಳನ್ನು ತುಂಬಿ ಎಂದು ಹೇಳಿದ್ದಾನೆ. ದೂರದಾರ ಉದ್ಯಮಿಯು ತಮ್ಮ ಸಂಪೂರ್ಣ ಬ್ಯಾಂಕಿಂಗ್​ ವ್ಯವಹಾರಗಳನ್ನು ನೀಡಿದ್ದಾರೆ. ರಾತ್ರಿ 11:15ರ ಸುಮಾರಿಗೆ ಉದ್ಯಮಿಯ ಖಾತೆಯಿಂದ 4.20 ಲಕ್ಷ ರೂಪಾಯಿ ವರ್ಗಾವಣೆಯಾಗಿದೆ ಎಂದು ಮೆಸೇಜ್​ ಬಂದಿದೆ. ಕೂಡಲೇ ತಮ್ಮ ಖಾತೆಯನ್ನು ಲಾಕ್​ ಮಾಡುವಂತೆ ಬ್ಯಾಂಕ್​ ಸಿಬ್ಬಂದಿಗೆ ತಿಳಿಸಿದ ಉದ್ಯಮಿಯು ಪೊಲೀಸ್​ ಠಾಣೆಗೆ ತೆರಳಿ ದೂರು ನೀಡಿದ್ದಾರೆ.