ಸಾಮಾನ್ಯವಾಗಿ ಬೆವರು ಗುಳ್ಳೆ ಮಕ್ಕಳಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಬೇಸಿಗೆ ಇರುವ ಕಾರಣ ಒಂದಲ್ಲ ಒಂದು ಚರ್ಮ ಸಂಬಂಧಿತ ಸಮಸ್ಯೆ ಅನೇಕರಿಗೆ ಕಾಣಿಸಿಕೊಳ್ಳುತ್ತದೆ. ಇದಕ್ಕೆ ಮನೆಯಲ್ಲೇ ಸಿಗುವ ವಸ್ತುಗಳಿಂದ ಹೇಗೆ ಪರಿಹಾರ ಕಂಡುಕೊಳ್ಳಬಹುದು ಅಂತ ನೋಡಿ.
* ತೆಂಗಿನ ಎಣ್ಣೆಯನ್ನು ಸೌತೆಕಾಯಿ ಜ್ಯೂಸ್‌ ಜೊತೆ ಬೆರೆಸಿ ಬೆವರು ಗುಳ್ಳೆಗಳ ಮೇಲೆ ದಿನಕ್ಕೆ 2 ಬಾರಿ ಹಚ್ಚಿದರೆ ಗುಳ್ಳೆಗಳು ಶಮನವಾಗುತ್ತದೆ.
* ಬೆವರು ಗುಳ್ಳೆಗಳಿಗೆ ಅಕ್ಕಿ ತೊಳೆದ ನೀರನ್ನು ಹಚ್ಚಿದರೆ ಗುಳ್ಳೆಗಳು ಗುಣವಾಗುತ್ತದೆ.
* ರೋಸ್‌ ವಾಟರ್‌ಗೆ ಶ್ರೀಗಂಧದ ಪುಡಿ, ಲಾವಂಚದ ಪುಡಿ ಹಾಕಿ ಕಲಸಿ ಪೇಸ್ಟ್‌ ಮಾಡಿ ಬೆವರು ಗುಳ್ಳೆಗಳ ಮೇಲೆ ಲೇಪ ಮಾಡಿದರೆ ಗುಳ್ಳೆಗಳು ಕಡಿಮೆಯಾಗುತ್ತದೆ.
* ಅಲೋವೆರಾ ಜೆಲ್‌ ಹಚ್ಚಿದರೂ ಬೆವರು ಗುಳ್ಳೆಗಳು ಮಾಯವಾಗುತ್ತದೆ.
* ಕಸ್ತೂರಿ ಅರಿಶಿನ, ಮೆಂತ್ಯ, ಧನಿಯಾ, ಹೆಸರುಕಾಳನ್ನು ಪುಡಿ ಮಾಡಿ ಸ್ನಾನ ಮಾಡುವಾಗ ಸೋಪಿನ ಬದಲಾಗಿ ಈ ಪುಡಿಯನ್ನು ಬಳಸಿದರೆ ಗುಳ್ಳೆಗಳು ನಿವಾರಣೆಯಾಗುತ್ತದೆ.
* ಬೆವರು ಗುಳ್ಳೆ ಆಗಿ ತುಂಬಾ ನವೆ ಇದ್ದರೆ ಬೇವಿನ ಸೊಪ್ಪಿನ ಪೇಸ್ಟ್‌ ಗೆ ರೋಸ್‌ ವಾಟರ್‌ ಬೆರೆಸಿ ಹಚ್ಚಿದರೆ ನವೆ ಕಡಿಮೆಯಾಗಿ ಗುಳ್ಳೆಗಳು ಶಮನವಾಗುತ್ತದೆ.
* ಪ್ರತಿದಿನ ತಣ್ಣೀರಿನಿಂದ ಸ್ನಾನ ಮಾಡಿದರೆ ಬೆವರು ಗುಳ್ಳೆಗಳು ಮಾಯವಾಗುತ್ತದೆ.
* ಮುಲ್ತಾನಿ ಮಿಟ್ಟಿಯನ್ನು ರೋಸ್‌ ವಾಟರ್‌ ಜೊತೆ ಕಲಸಿ ಹಚ್ಚಿದರೆ ಬೆವರು ಗುಳ್ಳೆಗಳು ಮಾಯವಾಗುತ್ತದೆ.
* ಹಸಿ ಆಲೂಗಡ್ಡೆಯನ್ನು ಕತ್ತರಿಸಿ ಬೆವರು ಗುಳ್ಳೆಗಳ ಮೇಲೆ 10 – 15 ನಿಮಿಷಗಳು ಇಟ್ಟರೂ ಗುಳ್ಳೆಗಳು ಶಮನವಾಗುತ್ತದೆ.
* ಕರ್ಪೂರವನ್ನು ಬೇವಿನ ಎಣ್ಣೆ ಜೊತೆ ಪೇಸ್ಟ್‌ ಮಾಡಿ ಗುಳ್ಳೆಗಳ ಮೇಲೆ ಲೇಪನ ಮಾಡಿದರೆ ಗುಳ್ಳೆಗಳು ನಿವಾರಣೆಯಾಗುತ್ತದೆ.
Loading ...