ಬೆಂಗಳೂರಿಗರ ಗಮನಕ್ಕೆ: ನಾಳೆ ಹಾಗೂ ನಾಡಿದ್ದು ಈ ಭಾಗಗಳ ವಿದ್ಯುತ್​ ಸೇವೆಯಲ್ಲಿ ವ್ಯತ್ಯಯ

ನಾಳೆ ಹಾಗೂ ನಾಡಿದ್ದು ಬೆಂಗಳೂರಿನ ಕೆಲವು ಭಾಗಗಳಲ್ಲಿ ವಿದ್ಯುತ್ ವ್ಯತ್ಯಯ ಉಂಟಾಗಲಿದೆ ಎಂದು ಬೆಂಗಳೂರು ವಿದ್ಯುತ್​ ಸರಬರಾಜು ಕಂಪನಿ ಲಿಮಿಡೆಟ್​ ಮಾಹಿತಿ ನೀಡಿದೆ. ಬೆಸ್ಕಾಂನ್ನು ಮೇಲ್ದರ್ಜೆಗೆ ಏರಿಸುವ ಸೇರಿದಂತೆ ವಿವಿಧ ಕೆಲಸಗಳಿಗಾಗಿ ವಿದ್ಯುತ್​ ಸೇವೆಯನ್ನು ವ್ಯತ್ಯಯಗೊಳಿಸಲಾಗುತ್ತದೆ.

ನಾಳೆ ಕೆಎಲ್‌ಇ ಕಾಲೇಜು ರಸ್ತೆ,, ಹೆಗ್ಗನಹಳ್ಳಿ ಕ್ರಾಸ್, ಈಸ್ಟ್ ವೆಸ್ಟ್ ಕಾಲೇಜು ರಸ್ತೆ, ವೃಷಭಾವತಿ ನಗರ, ಮಲ್ಲತ್ತಳ್ಳಿ ಲೇಔಟ್, ಎಚ್.ವಿ.ಆರ್. ಲೇಔಟ್​, ಹೆಗ್ಗನಹಳ್ಳಿ ಕ್ರಾಸ್​ ಸೇರಿದಂತೆ ವಿವಿಧೆಡೆಗಳಲ್ಲಿ ಬೆಳಗ್ಗೆ 10:30ರಿಂದ ಸಂಜೆ 5:30ರವರೆಗೆ ವಿದ್ಯುತ್​ ವ್ಯತ್ಯಯ ಉಂಟಾಗಲಿದೆ. ಇನ್ನು ಉದಯನಗರ, ಜೈ ಭೀಮ್ ನಗರ (ಜೆಬಿಎನ್) ಬಸ್ ನಿಲ್ದಾಣ, ಕೆಜಿ ಪುರ ಮುಖ್ಯರಸ್ತೆ ಹಾಗೂ ಕೋಡಿಹಳ್ಳಿ ಮುಖ್ಯರಸ್ತೆಗಳಲ್ಲಿ ಬೆಳಗ್ಗೆ 10ರಿಂದ ಸಂಜೆ 4:30ರವರೆಗೆ ಕರೆಂಟ್​ ಇರುವುದಿಲ್ಲ.

ಬುಧವಾರದಂದು ವಿಘ್ನೇಶ್ವರ ನಗರ, ನಂದಗೋಕುಲ ಲೇಔಟ್, ಚಂದ್ರು ಲೇಔಟ್ ಹೆಗ್ಗನಹಳ್ಳಿ ಕ್ರಾಸ್, ವೃಷಭಾವತಿ ನಗರ, ಮಲ್ಲತ್ತಳ್ಳಿ ಬಡಾವಣೆ, ಪೂರ್ವ ಪಶ್ಚಿಮ ಕಾಲೇಜು ರಸ್ತೆ, ದೊಡ್ಡಮಂಗಲ, ನೀಲಾದ್ರಿ ರಸ್ತೆ, ಜೆಸಿ ಇಂಡಸ್ಟ್ರಿಯಲ್ ಲೇಔಟ್​​ ಹಾಗೂ ಶಾರದಾ ನಗರಗಳಲ್ಲಿ ವಿದ್ಯುತ್​ ಸಮಸ್ಯೆ ಇರಲಿದೆ.