ಬಹು ನಿರೀಕ್ಷಿತ ‘ಟೈಗರ್​ 3’ ಸಿನಿಮಾದ ರಿಲೀಸ್ ಡೇಟ್​ ಘೋಷಿಸಿದ ಸಲ್ಮಾನ್​ ಖಾನ್​..!

ಸೂಪರ್ ಸ್ಟಾರ್​ ಸಲ್ಮಾನ್​ ಖಾನ್​​ ತಮ್ಮ ಬಹುನಿರೀಕ್ಷಿತ ಸಿನಿಮಾ ಟೈಗರ್​ 3 ಮೊದಲ ಟೀಸರ್​ನ್ನು ತಮ್ಮ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಶೇರ್​ ಮಾಡಿದ್ದಾರೆ. ಟೀಸರ್​ ನಲ್ಲಿ ಕತ್ರಿನಾ ಕೈ​ಫ್ ಮನಸೆಳೆಯುವ ಆ್ಯಕ್ಷನ್​ ಪ್ರದರ್ಶಿಸಿದ್ದಾರೆ. ಈ ಟೀಸರ್​ ಚಿತ್ರದ ಮೇಲಿನ ನಿರೀಕ್ಷೆಯನ್ನು ಇನ್ನಷ್ಟು ಹೆಚ್ಚು ಮಾಡಿದೆ.

ಟೀಸರ್​ನ ಕೊನೆಯಲ್ಲಿ ಕತ್ರಿನಾ‌, ಸಲ್ಮಾನ್ ಖಾನ್ ಬಳಿಯಲ್ಲಿ ರೆಡಿ ಎಂದು ಕೇಳುತ್ತಾರೆ. ಇದಕ್ಕೆ ಸಲ್ಮಾನ್,​ ಟೈಗರ್​ ಎಂದಿಗೂ ರೆಡಿ ಎಂದು ಉತ್ತರಿಸಿದ್ದಾರೆ.

2023ರ ಈದ್​ ಹಬ್ಬದ ದಿನದಂದು ಟೈಗರ್​ 3 ಸಿನಿಮಾ ಮಂದಿರಗಳಲ್ಲಿ ತೆರೆ ಕಾಣಲಾಗಿದೆ. ಈ ಸಿನಿಮಾವು ಹಿಂದಿ, ತಮಿಳು ಹಾಗೂ ತೆಲುಗು ಭಾಷೆಗಳಲ್ಲಿ ರಿಲೀಸ್​ ಆಗುತ್ತಿದೆ. ಟೈಗರ್​ 3 ಸಿನಿಮಾವನ್ನು 2023ರ ಏಪ್ರಿಲ್​ 21ರಂದು ನಿಮ್ಮ ಹತ್ತಿರದ ಸಿನಿಮಾ ಮಂದಿರಗಳಲ್ಲಿ ವೀಕ್ಷಿಸಿ ಎಂದು ಸಲ್ಮಾನ್​ ಮನವಿ ಮಾಡಿದ್ದಾರೆ.

ಟೈಗರ್​ 3 ಸಿನಿಮಾದಲ್ಲಿ ನಟ ಇಮ್ರಾನ್​ ಹಷ್ಮಿ ಕೂಡ ಮಹತ್ವದ ಪಾತ್ರವೊಂದನ್ನು ನಿಭಾಯಿಸಿದ್ದಾರೆ. ಅಲ್ಲದೇ ಇದೇ ಮೊದಲ ಬಾರಿಗೆ ಕತ್ರಿನಾ, ಸಲ್ಮಾನ್​ ಹಾಗೂ ಇಮ್ರಾನ್​ ಜೊಡಿ ತೆರೆ ಮೇಲೆ ಕಾಣಿಸಿಕೊಳ್ತಿದೆ.

ಈ ಸಿನಿಮಾವನ್ನು ಮನೀಷ್​ ಶರ್ಮಾ ನಿರ್ದೇಶಿಸಿದ್ದಾರೆ. ಈ ಸಿನಿಮಾವು ಏಪ್ರಿಲ್​ 21 ರಂದು ಹಿಂದಿ, ತೆಲುಗು ಹಾಗೂ ತಮಿಳು ಭಾಷೆಗಳಲ್ಲಿ ತೆರೆ ಕಾಣಲಿದೆ.