ಲೆಮನ್‌ ಗ್ರಾಸ್‌ ಅಥವಾ ಮಜ್ಜಿಗೆ ಹುಲ್ಲಿನ ಪ್ರಯೋಜನಗಳ ಬಗ್ಗೆ ಬಹುತೇಕರಿಗೆ ಗೊತ್ತಿಲ್ಲ. ಈ ಗಿಡದ ವಾಸನೆ ಥೇಟ್‌ ನಿಂಬೆಹಣ್ಣಿನಂತಿರುತ್ತದೆ. ಸಾಮಾನ್ಯವಾಗಿ ಮನೆಯ ಗಾರ್ಡನ್‌ನಲ್ಲಿ ಲೆಮನ್‌ ಗ್ರಾಸ್‌ ಅನ್ನು ಎಲ್ಲರೂ ಬೆಳೆಸುತ್ತಾರೆ. ಕುಂಡದಲ್ಲಿಯೂ ಇದನ್ನು ನೆಡಬಹುದು. ಬಹುತೇಕರು ಲೆಮನ್‌ ಗ್ರಾಸ್‌ ಚಹಾ ಮಾಡಿಕೊಂಡು ಕುಡಿಯುತ್ತಾರೆ. ಇದು ದೇಹದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಸೊಳ್ಳೆಗಳನ್ನು ಮನೆಯಿಂದ ಓಡಿಸಲು ಸಹ ಲೆಮನ್‌ ಗ್ರಾಸ್‌ ರಸವನ್ನು ಬಳಸಬಹುದು. ಇದರ ಎಣ್ಣೆಯನ್ನು ಸೊಳ್ಳೆ ನಿವಾರಕ ಲೋಷನ್‌ನಲ್ಲಿಯೂ ಬಳಸಲಾಗುತ್ತದೆ.
ಭಾರತದಲ್ಲಿ ಪ್ರತಿ ವರ್ಷ ಸುಮಾರು 700 ಟನ್ ಲೆಮನ್‌ ಗ್ರಾಸ್‌ ಎಣ್ಣೆಯನ್ನು ಉತ್ಪಾದಿಸಲಾಗುತ್ತದೆ. ಅನೇಕ ವಿದೇಶಿ ಕಂಪನಿಗಳಲ್ಲಿ ಇದಕ್ಕೆ ಸಾಕಷ್ಟು ಬೇಡಿಕೆ ಇದೆ. ಲೆಮನ್‌ ಗ್ರಾಸ್‌ ಅನ್ನು ತಲೆನೋವಿನ ಔಷಧಿ ಮತ್ತು ಸೌಂದರ್ಯವರ್ಧಕಗಳನ್ನು ತಯಾರಿಸಲು ಬಳಸಲಾಗುತ್ತದೆ. ಸುಗಂಧ ದ್ರವ್ಯ ಉದ್ಯಮವು ಇದನ್ನು ದೊಡ್ಡ ಪ್ರಮಾಣದಲ್ಲಿ ಬಳಸುತ್ತದೆ. ಸೋಪು, ನಿರ್ಮಾ ಮತ್ತು ಹೇರ್ ಆಯಿಲ್ ತಯಾರಿಸುವ ಕಂಪನಿಗಳು ಲೆಮನ್‌ ಗ್ರಾಸ್‌ ಅನ್ನು ಬಳಕೆ ಮಾಡಿಕೊಳ್ಳುತ್ತಿವೆ. ಲೆಮನ್‌ ಗ್ರಾಸ್‌ ಸೇವನೆ ಮಾಡುವುದರಿಂದ ದೇಹದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಿಕೊಂಡು ಕಾಲೋಚಿತ ರೋಗಗಳ ವಿರುದ್ಧ ಹೋರಾಡಬಹುದು.
ಕಾರ್ಬೋಹೈಡ್ರೇಟ್‌ಗಳು, ಖನಿಜಗಳು, ಕ್ಯಾಲ್ಸಿಯಂ, ಕಬ್ಬಿಣ, ಮೆಗ್ನೀಸಿಯಮ್, ರಂಜಕ, ಪ್ರೋಟೀನ್, ಕೊಬ್ಬು, ಸೋಡಿಯಂ, ವಿಟಮಿನ್‌ಗಳು, ಸತು ಮತ್ತು ತಾಮ್ರ ಸೇರಿದಂತೆ ಅನೇಕ ಪೋಷಕಾಂಶಗಳು ಇದರಲ್ಲಿ ಕಂಡುಬರುತ್ತವೆ. ಇದು ದೇಹದಲ್ಲಿ ಬೆಳೆಯುತ್ತಿರುವ ಕೊಬ್ಬನ್ನು ಕಡಿಮೆ ಮಾಡುವ ಮೂಲಕ ಬೊಜ್ಜನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಉತ್ಕರ್ಷಣ ನಿರೋಧಕ, ಉರಿಯೂತ ಮತ್ತು ಆಂಟಿ-ಸೆಪ್ಟಿಕ್ ಗುಣಲಕ್ಷಣಗಳು ಈ ಹುಲ್ಲಿನಲ್ಲಿ ಕಂಡುಬರುತ್ತವೆ. ಇದರ ಬಳಕೆಯಿಂದ ದೇಹವು ನಿರ್ವಿಶೀಕರಣಗೊಳ್ಳುತ್ತದೆ ಮತ್ತು ದೇಹದ ವಿಷವು ಮೂತ್ರದ ಮೂಲಕ ಹೊರಬರುತ್ತದೆ. ಅಜೀರ್ಣದ ಸಮಸ್ಯೆಯನ್ನು ಇದು ನಿವಾರಿಸುತ್ತದೆ. ಹೊಟ್ಟೆ ನೋವಿದ್ದರೆ ಲೆಮನ್‌ ಗ್ರಾಸ್‌ ಕಷಾಯ ಮಾಡಿಕೊಂಡ ಕುಡಿಯಬಹುದು. ಇಷ್ಟೆಲ್ಲಾ ಉಪಯೋಗ ಹೊಂದಿರುವ ಲೆಮನ್‌ ಗ್ರಾಸ್‌ ಅನ್ನು ನಿಯಮಿತವಾಗಿ ಸೇವನೆ ಮಾಡುವುದು ಉತ್ತಮ.
Loading ...