ಯಾವುದಾದರೂ ಟ್ರಿಪ್ಗೆ ಪ್ಲಾನ್ ಮಾಡಬೇಕೆಂದುಕೊಂಡವರಿಗೆ ಇನ್ಮುಂದೆ ಗೂಗಲ್ ಮ್ಯಾಪ್ ಇನ್ನಷ್ಟು ಸಹಾಯ ಮಾಡಲಿದೆ. ದೈತ್ಯ ಸರ್ಚ್ ಇಂಜಿನ್ ಗೂಗಲ್ ಈ ಬಗ್ಗೆ ಮಹತ್ವದ ಮಾಹಿತಿ ನೀಡಿದ್ದು ಇನ್ಮುಂದೆ ಗೂಗಲ್ ಮ್ಯಾಪ್ನಲ್ಲಿ ಟೋಲ್ ಶುಲ್ಕದ ವಿವರಗಳನ್ನೂ ನೀಡಲಾಗುತ್ತದೆ ಎಂದು ಹೇಳಿದೆ.
ರಸ್ತೆಯಲ್ಲಿ ಪ್ರಯಾಣಿಸುವ ಮುನ್ನವೇ ಆ ರಸ್ತೆಯ ಮಾರ್ಗದಲ್ಲಿ ವ್ಯಯಿಸಬೇಕಾಗುವ ಟೋಲ್ ಶುಲ್ಕದ ಮಾಹಿತಿ ಮೊದಲೇ ತಿಳಿದರೇ ವಾಹನ ಸವಾರರು ತಮ್ಮ ರಸ್ತೆ ಮಾರ್ಗವನ್ನು ಬದಲಾಯಿಸಿ ಟೋಲ್ನಿಂದ ತಪ್ಪಿಸಿಕೊಳ್ಳಲು ಸಹಾಯವಾಗುತ್ತದೆ.
ನೀವು ಯಾವ ಜಾಗಕ್ಕೆ ತೆರಳಬೇಕು ಎಂದುಕೊಂಡಿದ್ದೀರೋ ಅಲ್ಲಿಯವರೆಗೆ ನೀವು ನೀಡಬೇಕಾಗಿ ಬರುವ ಅಂದಾಜು ಟೋಲ್ ಶುಲ್ಕದ ವಿವರವನ್ನು ಗೂಗಲ್ ಮ್ಯಾಪ್ ನೀಡುತ್ತದೆ. ಅಲ್ಲದೇ ಇದರ ಜೊತೆಯಲ್ಲಿ ಟ್ರಾಫಿಕ್ ಸಿಗ್ನಲ್ಗಳು ಹಾಗೂ ಸ್ಟಾಪ್ ಚಿಹ್ನೆಗಳ ಬಗ್ಗೆಯೂ ಗೂಗಲ್ ಮ್ಯಾಪ್ ಮಾಹಿತಿ ನೀಡಲಿದೆ.
ಗೂಗಲ್ ಮ್ಯಾಪ್ನ ಬಲಭಾಗದಲ್ಲಿ ಇರುವ ಮೂರು ಚುಕ್ಕೆಗಳ ಮೇಲೆ ಕ್ಲಿಕ್ ಮಾಡಿದರೆ ನಿಮಗೆ ಅವಾಯ್ಡ್ ಟೋಲ್ಸ್ ಎಂಬ ಆಯ್ಕೆ ಸಿಗಲಿದೆ. ಗೂಗಲ್ ಮ್ಯಾಪ್ ಭಾರತ, ಅಮೆರಿಕ, ಜಪಾನ್ ಹಾಗೂ ಇಂಡೋನೇಷ್ಯಾದ 2 ಸಾವಿರಕ್ಕೂ ಅಧಿಕರ ರಸ್ತೆಗಳ ಟೋಲ್ ಶುಲ್ಕದ ಅಂದಾಜು ವಿವರವನ್ನು ನೀಡಲಿದೆ.
Loading ...