ಬರೋಬ್ಬರಿ 22 ಕೆಜಿ ತೂಕದ ಆಮೆ ರಕ್ಷಣೆ

ಲೀಯ್ತ್‌ ಮೃದು ಚಿಪ್ಪಿನ ಆಮೆಯೊಂದು ನಾಗ್ಪುರದ ವಸತಿ ಪ್ರದೇಶವೊಂದರಲ್ಲಿ ಕಂಡುಬಂದಿದೆ. 22 ಕೆಜಿ ತೂಕವಿರುವ ಈ ಆಮೆಯನ್ನು ಅರಣ್ಯ ಇಲಾಖೆ ರಕ್ಷಿಸಿದೆ.

ನಗರದ ಹಿಂಗ್ನಾ ಪ್ರದೇಶದಲ್ಲಿರುವ ರಸ್ತೆಯೊಂದರಲ್ಲಿ ಈ ಆಮೆ ಪತ್ತೆಯಾಗಿದೆ ಎಂದು ಅರಣ್ಯ ಇಲಾಖೆ ತಿಳಿಸಿದೆ. ಸ್ಥಳೀಯರೊಬ್ಬರು ಕೊಟ್ಟ ಮಾಹಿತಿ ಆಧರಿಸಿ ಹಿಂಗ್ನಾ ಅರಣ್ಯ ವಲಯದ ಅಧಿಕಾರಿ ಆಶಿಶ್ ನಿನಾವೆ ಹಾಗೂ ಇತರ ಸಿಬ್ಬಂದಿ ಆಮೆಯನ್ನು ಚೆಕಪ್‌ಗೆಂದು ಶುಶ್ರೂಷಣಾ ಕೇಂದ್ರಕ್ಕೆ ಕೊಂಡೊಯ್ದಿದ್ದಾರೆ.

ಆಮೆ ಆರೋಗ್ಯ ಚೆನ್ನಾಗಿದ್ದು, ಕೂಡಲೇ ಅದರ ಸ್ವಾಭಾವಿಕ ವಾಸಸ್ಥಳಕ್ಕೆ ಬಿಡಲಾಗುವುದು ಎಂದು ಅರಣ್ಯಾಧಿಕಾರಿ ತಿಳಿಸಿದ್ದಾರೆ.