ಹಸಿವಾಯ್ತು ಅಥವಾ ತಿನ್ನಲು ಏನೋ ಬೇಕು ಎಂದಾದಾಗ ನೀವು ಹೋಟೆಲ್‍ಗೆ ಹೋಗಬೇಕೆಂದಿಲ್ಲ. ಇಂದಿನ ದಿನಗಳಲ್ಲಿ ಮನೆಗೆ ಆಹಾರ ತಲುಪುವಂತಹ ವ್ಯವಸ್ಥೆಯಿರುವುದು ಎಲ್ಲರಿಗೂ ತಿಳಿದಿದ್ದೇ. ಹಾಗೆ ಗ್ರಾಹಕರು ಆರ್ಡರ್ ಮಾಡಿದ ಆಹಾರವನ್ನು ನೀಡಿದ ನಂತರ ಆಹಾರ ವಿತರಣಾ ಸಿಬ್ಬಂದಿಗೆ ಟಿಪ್ಸ್ ಕೊಡುವುದು ಸಾಮಾನ್ಯ. ಆದರೆ ಇಲ್ಲೊಬ್ಬ ಡೆಲಿವರಿ ಬಾಯ್ ಗೆ ಊಟ ನೀಡಿ ಪ್ರಶಂಸೆಗೆ ಪಾತ್ರನಾಗಿದ್ದಾನೆ.
ಈ ಪೋಸ್ಟ್ ಅನ್ನು ಅಮೆರಿಕಾ ಮೂಲದ ಶಾ ಡೇವಿಸ್ ಎಂಬುವವರು ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿದ್ದಾರೆ. ಇದು ಆನ್‌ಲೈನ್‌ನಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರ ಹೃದಯವನ್ನು ಗೆದ್ದಿದ್ದಾರೆ. ಅಂದಹಾಗೆ, ಶಾ ಡೇವಿಸ್ ತನಗಾಗಿ ಸ್ವಲ್ಪ ಆಹಾರವನ್ನು ಆರ್ಡರ್ ಮಾಡಿದ್ದಾರೆ. ಆದರೆ, ಅವರು ಹೊಸ ವಿಳಾಸಕ್ಕೆ ಬದಲಾಯಿಸಲು ಮರೆತಿದ್ದಾರೆ. ಮೇರಿಲ್ಯಾಂಡ್‌ನಲ್ಲಿರುವ ವಿಳಾಸದ ಬದಲಿಗೆ ಅಯೋವಾದಲ್ಲಿನ ಅವರ ಹಳೆಯ ವಿಳಾಸದಲ್ಲಿ ಆಹಾರವನ್ನು ಆರ್ಡರ್ ಮಾಡಿದ್ದಾರೆ. ಫುಡ್ ಡೆಲಿವರಿ ಏಜೆಂಟ್ ಶಾ ಅವರಿಗೆ ಆಹಾರ ಬಂದಿದೆ ಎಂದು ಸಂದೇಶ ಕಳುಹಿಸಿದ್ದಾರೆ. ತಪ್ಪನ್ನು ಗಮನಿಸಿದ ಶಾ, ವಿತರಣಾ ವ್ಯಕ್ತಿಗೆ ಊಟ ಸ್ವೀಕರಿಸುವಂತೆ ತಿಳಿಸಿದ್ದಾರೆ.
ಡೆಲಿವರಿ ಏಜೆಂಟ್, ಅವರ ದಿವಂಗತ ಸಹೋದರನ ಜನ್ಮದಿನ ಎಂದು ಶಾ ಅವರಿಗೆ ತಿಳಿಸಿದ್ದಾರೆ. ಶಾ ಅವರು ಆದೇಶವನ್ನು ತಲುಪಿಸಿದ ಸ್ಥಳವು ಡೆಲಿವರಿ ಏಜೆಂಟ್ ನ ಸಹೋದರನನ್ನು ಅಲ್ಲಿಯೇ ಸ್ವಲ್ಪ ದೂರದಲ್ಲಿ ಶಾಶ್ವತವಾಗಿ ಮಲಗಿಸಲಾಗಿದೆ. ಹೀಗಾಗಿ ಆಹಾರ ವಿತರಣಾ ವ್ಯಕ್ತಿ ಶಾ ಅವರಿಗೆ ಧನ್ಯವಾದ ಅರ್ಪಿಸಿದ್ದಾರೆ. ತನ್ನ ದಿವಂಗತ ತಮ್ಮನ ಜೊತೆ ಊಟ ಮಾಡಲು ಅವಕಾಶ ಮಾಡಿಕೊಟ್ಟಿದ್ದಕ್ಕೆ ಅವರು ಮನಃಪೂರ್ವಕವಾಗಿ ಕೃತಜ್ಞತೆ ಸಲ್ಲಿಸಿದ್ದಾರೆ.
ಆನ್‌ಲೈನ್‌ನಲ್ಲಿ ಹಂಚಿಕೊಂಡ ನಂತರ ಪೋಸ್ಟ್ ಸಖತ್ ಸದ್ದು ಮಾಡಿದೆ. ಶಾ ಅವರ ಇಂಗಿತದಿಂದ ನೆಟ್ಟಿಗರ ಹೃದಯ ಕರಗಿದೆ ಹಾಗೂ ಏಜೆಂಟ್‌ನ ಪ್ರತಿಕ್ರಿಯೆಯಿಂದ ಭಾವುಕರಾಗಿದ್ದಾರೆ.
Loading ...