ಪಂಚರಾಜ್ಯಗಳಿಗೆ ನಡೆದ ಚುನಾವಣೆಯ ಫಲಿತಾಂಶ ಇಂದು ಹೊರಬೀಳಲಿದ್ದು, ಎಲ್ಲರೂ ಕುತೂಹಲದಿಂದ ಮತ ಎಣಿಕೆ ಕೇಂದ್ರದತ್ತ ತಮ್ಮ ಚಿತ್ತ ನೆಟ್ಟಿದ್ದಾರೆ. ಈಗಾಗಲೇ ಚುನಾವಣೋತ್ತರ ಸಮೀಕ್ಷೆ ಹೊರ ಬಿದ್ದಿದ್ದು, ಆದರೆ ಅಂತಿಮ ಫಲಿತಾಂಶ ಏನಾಗಲಿದೆ ಎಂಬುದು ಮತ ಎಣಿಕೆ ಬಳಕವೇ ತಿಳಿದುಬರಲಿದೆ.
ಇದರ ಮಧ್ಯೆ ಪಂಜಾಬ್‌ ನಲ್ಲಿ ಆಮ್‌ ಆದ್ಮಿ ಪಕ್ಷದ ಸರ್ಕಾರ ಖಚಿತ ಎಂಬ ಲೆಕ್ಕಾಚಾರದಲ್ಲಿ ಪಕ್ಷದ ಮುಖ್ಯಮಂತ್ರಿ ಅಭ್ಯರ್ಥಿ ಭಗವಂತ್‌ ಸಿಂಗ್‌ ಮಾನ್‌ ಅವರ ನಿವಾಸದ ಬಳಿ ಅಭಿಮಾನಿಗಳು, ಕಾರ್ಯಕರ್ತರು ಗೆಲುವಿನ ಸಂಭ್ರಮಾಚರಣೆಯಲ್ಲಿ ತೊಡಗಿದ್ದಾರೆ.
ಪಂಜಾಬ್‌ ನ ಸಂಗ್ರೂರ್‌ ನಲ್ಲಿರುವ ಭಗವಂತ್‌ ಸಿಂಗ್‌ ಮಾನ್‌ ಅವರ ನಿವಾಸದ ಬಳಿ ಈ ಸಂಭ್ರಮಾಚರಣೆ ದೃಶ್ಯ ಕಂಡು ಬಂದಿದ್ದು, ಅಂತಿಮವಾಗಿ ಮತದಾರ ಯಾರಿಗೆ ಮಣೆ ಹಾಕಿದ್ದಾನೆನ್ನುವ ಅಂಶ ಮತ ಎಣಿಕೆ ಬಳಿಕವಷ್ಟೇ ತಿಳಿದುಬರಲಿದೆ.
Loading ...