ಪ್ರಯಾಣ ಮಾಡುವಾಗ ವಾಂತಿಯಾಗುತ್ತಿದೆಯೇ ? ಈ ಮನೆಮದ್ದುಗಳನ್ನು ಟ್ರೈ ಮಾಡಿ

ಪ್ರಯಾಣದ ಸಮಯದಲ್ಲಿ ಎಷ್ಟೋ ಜನರಿಗೆ ವಾಂತಿಯಾಗುವುದು, ತಲೆತಿರುಗುವುದು, ಹೊಟ್ಟೆ ತೊಳಸುವಿಕೆ, ವಾಕರಿಕೆ ಹೀಗೆ ಹಲವು ರೀತಿಯ ಸಮಸ್ಯೆಗಳಾಗುತ್ತವೆ. ಇದನ್ನು ಮೋಶನ್‌ ಸಿಕ್‌ನೆಸ್‌ ಎಂದು ಕರೆಯಲಾಗುತ್ತದೆ.

ಬಹಳ ಸಮಯದ ನಂತರ ಪ್ರಯಾಣ ಮಾಡಿದ್ರೆ ವಾಂತಿಯಾಗುತ್ತದೆ ಅನ್ನೋದು ಹಲವರ ಭಾವನೆ. ಪ್ರಯಾಣದ ವೇಳೆ ಕಾಡುವ ಈ ರೀತಿಯ ತೊಂದರೆಗಳಿಗೆ ಕೆಲವೊಂದು ಸುಲಭದ ಮನೆಮದ್ದುಗಳಿವೆ.

ಶುಂಠಿ: ಪ್ರಯಾಣದ ಸಮಯದಲ್ಲಿ ನಿಮಗೆ ವಾಕರಿಕೆ ಬರುವುದು ಅಥವಾ ಅಥವಾ ವಾಂತಿ ಬಂದಂತೆ ಅನಿಸಿದರೆ ಜೊತೆಯಲ್ಲಿ ಶುಂಠಿಯನ್ನು ಇಟ್ಟುಕೊಳ್ಳಿ. ಮೋಷನ್ ಸಿಕ್ ನೆಸ್ ಕಾಡಿದಾಗಲೆಲ್ಲ ಶುಂಠಿಯ ಸಿಪ್ಪೆ ಸುಲಿದು ಸಣ್ಣ ತುಂಡನ್ನು ಬಾಯಿಯಲ್ಲಿ ಇಟ್ಟುಕೊಳ್ಳಿ. ದೀರ್ಘ ಪ್ರಯಾಣದ ಸಮಯದಲ್ಲಿ ನೀವು ಈ ರೀತಿ ಮಾಡಿದ್ರೆ ವಾಂತಿ ಹಾಗೂ ವಾಕರಿಕೆ ಕಡಿಮೆಯಾಗುತ್ತದೆ.

ಪುದೀನಾ ಎಣ್ಣೆ: ವಾಹನ ಪ್ರಯಾಣದ ಸಮಯದಲ್ಲಿ ಪುದೀನಾ ಎಣ್ಣೆಯ ಬಾಟಲಿಯನ್ನು ಕೊಂಡೊಯ್ಯಿರಿ. ಈ ಎಣ್ಣೆಯ ಎರಡು ಹನಿಗಳನ್ನು ಕರವಸ್ತ್ರದ ಮೇಲೆ ಹಾಕಿಕೊಂಡು ಅದರ ಪರಿಮಳವನ್ನು ಆಘ್ರಾಣಿಸಿ. ಹೀಗೆ ಮಾಡುವುದರಿಂದ ವಾಂತಿ ಮತ್ತು ವಾಕರಿಕೆ ಸಮಸ್ಯೆ ನಿವಾರಣೆಯಾಗುತ್ತದೆ. ಇದು ವಾಕರಿಕೆಯ ಲಕ್ಷಣಗಳನ್ನು ಕಡಿಮೆ ಮಾಡುವಂಥ ಪರಿಮಳವನ್ನು ಹೋಂದಿದೆ.

ಹೆಚ್ಚು ನೀರು ಕುಡಿಯಿರಿ: ಸಾಕಷ್ಟು ನೀರು ಕುಡಿಯುವುದರಿಂದ ದೇಹವನ್ನು ಹೈಡ್ರೇಟ್‌ ಆಗಿ ಇಟ್ಟುಕೊಳ್ಳಬಹುದು. ಚೆನ್ನಾಗಿ ನೀರು ಕುಡಿದರೆ ಪ್ರಯಾಣದ ಸಮಯದಲ್ಲಿ ತೊಂದರೆಯಾಗುವುದಿಲ್ಲ. ಮೋಶನ್‌ ಸಿಕ್ನೆಸ್‌ ಕೂಡ ಕಡಿಮೆಯಾಗುತ್ತದೆ. ಡಿಹೈಡ್ರೇಶನ್‌ನಿಂದ ವಾಂತಿ ಮತ್ತು ವಾಕರಿಕೆಯ ಸಮಸ್ಯೆ ಹೆಚ್ಚಾಗುತ್ತದೆ. ಹಾಗಾಗಿ ಚೆನ್ನಾಗಿ ನೀರು ಕುಡಿಯಬೇಕು.

ನಿಂಬೆಹಣ್ಣು: ಪ್ರಯಾಣದ ಸಮಯದಲ್ಲಿ ಯಾವಾಗಲೂ ನಿಂಬೆಹಣ್ಣನ್ನು ಇಟ್ಟುಕೊಳ್ಳಿ. ನಿಂಬೆಹಣ್ಣಿನ ಪರಿಮಳ ತೆಗೆದುಕೊಂಡರೆ ಹೊಟ್ಟೆತೊಳಸುವುದು ಮತ್ತು ವಾಂತಿ ಕಡಿಮೆಯಾಗುತ್ತದೆ. ನಿಂಬೆಯ ಬಲವಾದ ಪರಿಮಳವು ಮೋಶನ್‌ ಸಿಕ್ನೆಸ್‌ ಲಕ್ಷಣಗಳನ್ನು ನಿವಾರಿಸುತ್ತದೆ.