ಪೋಸ್ಟ್ ಆಫೀಸ್ ಮಾಸಿಕ ಆದಾಯ ಯೋಜನೆ: 10 ವರ್ಷ ಮೇಲ್ಪಟ್ಟ ಮಕ್ಕಳ ಹೆಸರಲ್ಲಿ ಖಾತೆ ತೆರೆದರೆ ಸಿಗುತ್ತೆ ಪ್ರತಿ ತಿಂಗಳು 2500 ರೂ.!

ಜಾಸ್ತಿ ರಿಸ್ಕ್‌ ಇಲ್ಲದ ಆದಾಯ ಸಿಗೋದು ಪೋಸ್ಟ್ ಆಫೀಸ್ ಯೋಜನೆಗಳಲ್ಲಿ ಮಾತ್ರ. ಪೋಸ್ಟ್ ಆಫೀಸ್ ಎಂಐಎಸ್ ಕೂಡ ಅಂತಹ ಉಳಿತಾಯ ಯೋಜನೆಗಳಲ್ಲೊಂದು. ಇದರಲ್ಲಿ ನೀವು ಒಮ್ಮೆ ಹೂಡಿಕೆ ಮಾಡಿದ್ರೆ ಪ್ರತಿ ತಿಂಗಳು ಬಡ್ಡಿಯ ರೂಪದಲ್ಲಿ ಲಾಭವನ್ನು ಪಡೆಯಬಹುದು.

ಈ ಖಾತೆಯನ್ನು 10 ವರ್ಷ ಮೇಲ್ಪಟ್ಟ ಮಕ್ಕಳ ಹೆಸರಲ್ಲೂ ತೆರೆಯಬಹುದು. ನಿಮ್ಮ ಮಕ್ಕಳ ಹೆಸರಿನಲ್ಲಿ ನೀವು ಈ ವಿಶೇಷ ಖಾತೆಯನ್ನು ತೆರೆದರೆ, ನಂತರ ನೀವು ಪ್ರತಿ ತಿಂಗಳು ಪಡೆಯುವ ಬಡ್ಡಿಗೆ ಬೋಧನಾ ಶುಲ್ಕವನ್ನು ಪಾವತಿಸಬಹುದು.

ನೀವು ಯಾವುದೇ ಅಂಚೆ ಕಚೇರಿಗೆ ಹೋಗಿ ಮಾಸಿಕ ಆದಾಯ ಯೋಜನೆಯ ಫಾರ್ಮ್‌ ಭರ್ತಿ ಮಾಡಿ. ಈ ಯೋಜನೆ ಅಡಿಯಲ್ಲಿ ಕನಿಷ್ಠ 1000 ಮತ್ತು ಗರಿಷ್ಠ 4.5 ಲಕ್ಷ ರೂಪಾಯಿ ಜಮಾ ಮಾಡಬಹುದು.ಪ್ರಸ್ತುತ ಈ ಯೋಜನೆಯ ಅಡಿಯಲ್ಲಿ ಬಡ್ಡಿ ದರ ಶೇ.6.6ರಷ್ಟಿದೆ. ಮಗುವಿನ ವಯಸ್ಸು 10 ವರ್ಷಕ್ಕಿಂತ ಹೆಚ್ಚಿದ್ದರೆ, ನೀವು ಅವರ ಹೆಸರಿನಲ್ಲಿ ಈ ಖಾತೆಯನ್ನುತೆರೆಯಬಹುದು. ಮಗು ಕಡಿಮೆ ವಯಸ್ಸಿನದಾಗಿದ್ದರೆ ಪೋಷಕರ ಹೆಸರಲ್ಲಿ ಈ ಖಾತೆಯನ್ನು ತೆರೆಯಬಹುದು. ಈ ಯೋಜನೆ 5 ವರ್ಷಕ್ಕೆ ಮುಕ್ತಾಯಗೊಳ್ಳುತ್ತದೆ.

ನಿಮ್ಮ ಮಗುವಿಗೆ 10 ವರ್ಷ ವಯಸ್ಸಾಗಿದ್ದು, ನೀವು 2 ಲಕ್ಷ ರೂಪಾಯಿ ಠೇವಣಿ ಮಾಡಿದರೆ, ಪ್ರತಿ ತಿಂಗಳು 1100 ರೂಪಾಯಿ ಬಡ್ಡಿ ಸಿಗುತ್ತದೆ. ಐದು ವರ್ಷಗಳಲ್ಲಿ ಈ ಬಡ್ಡಿಯ ಮೊತ್ತ 66 ಸಾವಿರ ರೂಪಾಯಿ ಆಗುತ್ತದೆ. ಯೋಜನೆಯ ಅವಧಿ ಮುಗಿದ ನಂತರ ಠೇವಣಿ ಇಟ್ಟಿದ್ದ 2 ಲಕ್ಷ ರೂಪಾಯಿ ಸಹ ನಿಮಗೆ ಸಿಗುತ್ತದೆ. ಒಂದೇ ಅಥವಾ ಮೂಔರು ವಯಸ್ಕರೊಂದಿಗೆ ಜಂಟಿ ಖಾತೆಯನ್ನು ತೆರೆಯಬಹುದು.

ಈ ಖಾತೆಯಲ್ಲಿ ನೀವು 3.50 ಲಕ್ಷ ರೂಪಾಯಿಗಳನ್ನು ಜಮಾ ಮಾಡಿದರೆ, ನೀವು ಪ್ರಸ್ತುತ ದರದಲ್ಲಿ ಪ್ರತಿ ತಿಂಗಳು 1925 ರೂಪಾಯಿ ಬಡ್ಡಿ ಪಡೆಯುತ್ತೀರಿ. ಈ ಹಣದಿಂದ ನೀವು ಶಾಲಾ ಶುಲ್ಕ, ಬೋಧನಾ ಶುಲ್ಕ, ಪೆನ್-ಕಾಪಿ ವೆಚ್ಚಗಳನ್ನು ಸುಲಭವಾಗಿ ಹಿಂಪಡೆಯಬಹುದು. ಈ ಯೋಜನೆಯ ಗರಿಷ್ಠ ಮಿತಿಯನ್ನು ಅಂದರೆ 4.5 ಲಕ್ಷಗಳನ್ನು ಠೇವಣಿ ಮಾಡಿದಾಗ, ನೀವು ಪ್ರತಿ ತಿಂಗಳು 2475 ರೂಪಾಯಿ ಬಡ್ಡಿ ಪಡೆಯುತ್ತೀರಿ.