ಸುಂದರವಾದ ಮೃದು ಮತ್ತು ಹೊಳೆಯುವ ಚರ್ಮವು ಪ್ರತಿಯೊಬ್ಬ ಮಹಿಳೆಯ ಬಯಕೆಯಾಗಿದೆ. ಈ ನೈಸರ್ಗಿಕ ಗ್ಲೋಗಾಗಿ ಬಗೆಬಗೆಯ ಕ್ರೀಮ್‌ಗಳನ್ನು ಅನ್ವಯಿಸುತ್ತೇವೆ. ಕೆಲವರು ಬ್ಯೂಟಿ ಪಾರ್ಲರ್‌ ಮೊರೆ ಹೋಗುತ್ತಾರೆ. ಆದರೆ ಪಾರ್ಲರ್‌ ಟ್ರೀಟ್ಮೆಂಟ್‌ ಮತ್ತು ಕೆಮಿಕಲ್‌ಯುಕ್ತ ಉತ್ಪನ್ನಗಳನ್ನು ಬಳಸಿದರೆ ಅದರ ದುಷ್ಪರಿಣಾಮಗಳು ನಮ್ಮ ಮುಖದ ಚರ್ಮದ ಮೇಲಾಗುತ್ತವೆ.
ನೈಸರ್ಗಿಕ ಗ್ಲೋಗಾಗಿ ಹಾಲಿನ ಪುಡಿಯಿಂದ ಫೇಸ್ ಪ್ಯಾಕ್ ಮಾಡಬಹುದು. ಹಾಲಿನ ಪುಡಿಯು ಲ್ಯಾಕ್ಟಿಕ್ ಆಮ್ಲವನ್ನು ಹೊಂದಿರುತ್ತದೆ. ಇದು ಚರ್ಮದ ಬಣ್ಣವನ್ನು ಸುಧಾರಿಸಲು ಪ್ರಯೋಜನಕಾರಿಯಾಗಿದೆ. ಜೊತೆಗೆ ಮುಖದ ಕೊಳೆಯನ್ನು ಸ್ವಚ್ಛಗೊಳಿಸಲು ತುಂಬಾ ಪರಿಣಾಮಕಾರಿಯಾಗಿದೆ.
ನಿಂಬೆ ಮತ್ತು ಹಾಲಿನ ಪುಡಿ ಫೇಸ್ ಪ್ಯಾಕ್
ವಿಟಮಿನ್ ಸಿ ನಿಂಬೆಯಲ್ಲಿ ಕಂಡುಬರುತ್ತದೆ. ಇದು ಕೂಡ ಮುಖವನ್ನು ಬೆಳ್ಳಗಾಗಿಸಲು ಪರಿಣಾಮಕಾರಿಯಾಗಿದೆ. ಒಂದು ಬೌಲ್‌ನಲ್ಲಿ ಎರಡು ಚಮಚ ಹಾಲಿನ ಪುಡಿ, ಎರಡು ಚಮಚ ನಿಂಬೆರಸ ಮತ್ತು ಎರಡು ಚಮಚ ಮೊಸರು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ನಯವಾದ ಪೇಸ್ಟ್ ಅನ್ನು ಮುಖದ ಮೇಲೆ ಅನ್ವಯಿಸಿ. ಈ ಪೇಸ್ಟ್ 10 ರಿಂದ 15 ನಿಮಿಷಗಳಲ್ಲಿ ಒಣಗುತ್ತದೆ. ನಂತರ ನಿಮ್ಮ ಮುಖವನ್ನು ಸ್ವಚ್ಛವಾದ ನೀರಿನಿಂದ ತೊಳೆಯಿರಿ.
ಅರಿಶಿನ, ಜೇನುತುಪ್ಪ ಮತ್ತು ಹಾಲಿನ ಪುಡಿ ಫೇಸ್ ಪ್ಯಾಕ್
ಅರಿಶಿನವು ನಂಜುನಿರೋಧಕ ಗುಣಲಕ್ಷಣಗಳನ್ನು ಹೊಂದಿದೆ. ಇದು ಕೂಡ ಚರ್ಮವನ್ನು ಬಿಳಿಯಾಗಿಸಬಲ್ಲದು. ಅರಿಶಿನ ಮತ್ತು ಜೇನುತುಪ್ಪ ಹಲವಾರು ಔಷಧೀಯ ಗುಣಗಳಿಂದ ಸಮೃದ್ಧವಾಗಿವೆ. ಚರ್ಮಕ್ಕೆ ಕೂಡ ಇವು ಪ್ರಯೋಜನಕಾರಿ. ಒಂದು ಬೌಲ್‌ನಲ್ಲಿ ಎರಡು ಚಮಚ ಹಾಲಿನ ಪುಡಿ, ಎರಡು ಚಮಚ ಜೇನುತುಪ್ಪ, ಕಾಲು ಚಮಚದಷ್ಟು ಅರಿಶಿನವನ್ನು ಬೆರೆಸಿ ಚೆನ್ನಾಗಿ ಮಿಶ್ರಣ ಮಾಡಿ. ಇದನ್ನೂ ನಯವಾದ ಪೇಸ್ಟ್ ಮಾಡಿಕೊಳ್ಳಿ. ಮುಖಕ್ಕೆ ಚೆನ್ನಾಗಿ ಹಚ್ಚಿಕೊಳ್ಳಿ. ಅದು ಒಣಗಿದ ನಂತರ ಮುಖವನ್ನು ತೊಳೆಯಿರಿ.
ಓಟ್ ಮೀಲ್ ಮತ್ತು ಹಾಲಿನ ಪುಡಿ ಫೇಸ್ ಪ್ಯಾಕ್
ಓಟ್ ಮೀಲ್ ಮತ್ತು ಹಾಲಿನ ಪುಡಿ ಫೇಸ್ ಪ್ಯಾಕ್ ಕೂಡ ಮುಖಕ್ಕೆ ತುಂಬಾ ಪರಿಣಾಮಕಾರಿ ಎಂದು ಪರಿಗಣಿಸಲಾಗಿದೆ. ಇದು ತ್ವಚೆಯ ಕೊಳೆ ಹೋಗಲಾಡಿಸಲು ಸಹಕಾರಿಯಾಗಿದೆ. ಒಂದು ಬೌಲ್‌ನಲ್ಲಿ ಎರಡು ಚಮಚ ಹಾಲಿನ ಪುಡಿ, ಒಂದು ಚಮಚ ಓಟ್ ಮೀಲ್ ಮತ್ತು ಎರಡು ಚಮಚ ಕಿತ್ತಳೆ ರಸವನ್ನು ತೆಗೆದುಕೊಂಡು ಚೆನ್ನಾಗಿ ಮಿಶ್ರಣ ಮಾಡಿ ಪೇಸ್ಟ್ ತಯಾರಿಸಿ. ಈ ಫೇಸ್ ಪ್ಯಾಕ್ ಅನ್ನು ನಿಯಮಿತವಾಗಿ ಮುಖಕ್ಕೆ ಅನ್ವಯಿಸುವುದರಿಂದ ನೈಸರ್ಗಿಕ ಹೊಳಪನ್ನು ಪಡೆಯಬಹುದು.
ಕಡಲೆಹಿಟ್ಟು ಮತ್ತು ಹಾಲಿನ ಪುಡಿ ಫೇಸ್ ಪ್ಯಾಕ್
ಒಂದು ಚಮಚ ಕಡಲೆ ಹಿಟ್ಟಿಗೆ 2 ಚಮಚ ಹಾಲಿನ ಪುಡಿಯನ್ನು ಬೆರೆಸಿ, ಸ್ವಲ್ಪ ನೀರನ್ನು ಸೇರಿಸಿ ಪೇಸ್ಟ್ ಮಾಡಿ. ಕೆಲವು ಹನಿ ನಿಂಬೆ ರಸವನ್ನು ಕೂಡ ಸೇರಿಸಿ. ನಯವಾದ ಪೇಸ್ಟ್ ಅನ್ನು ಮುಖದ ಮೇಲೆ ಅನ್ವಯಿಸಿ. 10 ರಿಂದ 15 ನಿಮಿಷಗಳ ಕಾಲ ಒಣಗಲು ಬಿಡಿ. ಒಣಗಿದ ಬಳಿಕ ನೀರಿನಿಂದ ಸ್ವಚ್ಛಗೊಳಿಸಿ. ಈ ಪ್ಯಾಕ್ ಎಣ್ಣೆಯುಕ್ತ ಚರ್ಮದ ಮೇಲೆ ಉತ್ತಮ ಪರಿಣಾಮವನ್ನು ತೋರಿಸುತ್ತದೆ.
Loading ...