ಪಾಕ್ ಆಗಸದಲ್ಲಿ ವಿಚಿತ್ರ ಹಾರುವ ವಸ್ತು…! ಸೋಶಿಯಲ್​ ಮೀಡಿಯಾದಲ್ಲಿ ವಿಡಿಯೋ ವೈರಲ್​

ಗುರುತಿಸಲು ಅಸಾಧ್ಯವಾದ ಹಾರುವ ವಸ್ತುವೊಂದು ಪಾಕಿಸ್ತಾನದ ನಗರವೊಂದರಲ್ಲಿ ಹಾರಾಡುತ್ತಿರುವ ದೃಶ್ಯವೊಂದು ಸೋಶಿಯಲ್​ ಮೀಡಿಯಾಗಳಲ್ಲಿ ವೈರಲ್​ ಆಗಿದ್ದು ವಿಜ್ಞಾನಿಗಳು ಹಾಗೂ ಅಧಿಕಾರಿಗಳನ್ನು ದಿಗ್ಬ್ರಮೆಗೊಳಿಸಿದೆ.

ಪ್ರತ್ಯಕ್ಷದರ್ಶಿಗಳು ನೀಡಿರುವ ಮಾಹಿತಿಯ ಪ್ರಕಾರ ತ್ರಿಕೋನ ಆಕಾರದ ಈ ಅಸಾಮಾನ್ಯ ವಸ್ತುವು ಇಸ್ಲಾಮಾಬಾದ್​​ನಲ್ಲಿ ಎರಡು ಗಂಟೆಗಳ ಕಾಲ ಹಾರಾಡಿದೆ ಎಂದು ಹೇಳಿದ್ದಾರೆ.

33 ವರ್ಷ ವಯಸ್ಸಿನ ಅರ್ಸ್ಲಾನ್​ ವಾರೈಚ್​ ಇಸ್ಲಾಮಾಬಾದ್​​ನಲ್ಲಿ ಎರಡು ಗಂಟೆಗಳ ಕಾಲ ಹಾರಾಡಿದ ತ್ರಿಕೋನ ಆಕಾರವನ್ನು ವೀಕ್ಷಿಸಿದ್ದಾರೆ. ಅಲ್ಲದೇ ಅವರೇ ಈ ವಿಡಿಯೋವನ್ನು ಚಿತ್ರೀಕರಿಸಿದ್ದು ಸೋಶಿಯಲ್​ ಮೀಡಿಯಾಗಳಲ್ಲಿ ಹಂಚಿಕೊಂಡಿದ್ದಾರೆ.

ಇದು ನಾಗರಿಕರು ಈವರೆಗೆ ದಾಖಲಿಸಿದ ಅತ್ಯಂತ ದೀರ್ಘಾವದಿಯ ಯುಎಫ್​ಓ ಆಗಿದೆ ಎಂದು ಅಂದಾಜಿಸಲಾಗಿದೆ. ನಾನು ಡ್ರೋನ್​​ ಕೆಳಗಿಳಿಸುವಾಗ ಇದನ್ನು ನೋಡಿದೆ. ಕತ್ತಲಾದ ಬಳಿಕ ಇದನ್ನು ನನಗೆ ನೋಡಲು ಸಾಧ್ಯವಾಗಲಿಲ್ಲ ಎಂದು ವಾರೈಚ್​ ಹೇಳಿದ್ದಾರೆ .