ಬಾಲಿವುಡ್‌ ನಿರ್ಮಾಪಕ ಕಮಲ್‌ ಕಿಶೋರ್‌ ಮೆಹ್ರಾ ಕಾರು ಹರಿಸಿ ತಮ್ಮ ಪತ್ನಿಯನ್ನೇ ಹತ್ಯೆ ಮಾಡಲು ಯತ್ನಿಸಿದ್ದಾರೆ. ಈ ಬಗ್ಗೆ ಖುದ್ದು ಅವರ ಪತ್ನಿ ಮುಂಬೈನ ಅಂಬೋಲಿ ಪೊಲೀಸರಿಗೆ ದೂರು ನೀಡಿದ್ದಾರೆ. ಅಕ್ಟೋಬರ್‌ 19ರಂದು ಈ ಘಟನೆ ನಡೆದಿದೆ ಅಂತಾ ಆಕೆ ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.
ಆಕೆ ಪತಿ ಕಮಲ್‌ ಕಿಶೋರ್‌ ಮೆಹ್ರಾರನ್ನು ಹುಡುಕಿಕೊಂಡು ಹೊರಟಿದ್ದಾರೆ. ಆತ ಕಾರಿನಲ್ಲಿ ಮತ್ತೋರ್ವ ಮಹಿಳೆಯೊಂದಿಗೆ ಇರುವುದನ್ನು ಪತ್ನಿ ಗಮನಿಸಿದ್ದಾರೆ. ಈ ಬಗ್ಗೆ ಪ್ರಶ್ನಿಸಿದ್ದಕ್ಕೆ ಕೋಪಗೊಂಡ ಕಮಲ್‌, ಪತ್ನಿ ಮೇಲೆ ಕಾರು ಹರಿಸಿ ಆಕೆಯನ್ನು ಹತ್ಯೆ ಮಾಡಲು ಯತ್ನಿಸಿದ್ದಾರೆ. ನಂತರ ಸ್ಥಳದಿಂದ ಪರಾರಿಯಾಗಿದ್ದಾರೆ.
ಬಿಲ್ಡಿಂಗ್‌ನ ಪಾರ್ಕಿಂಗ್‌ ಏರಿಯಾದಲ್ಲಿ ಈ ಘಟನೆ ನಡೆದಿದೆ. ಕಾರು ಗುದ್ದಿದ ರಭಸಕ್ಕೆ ಕಮಲ್‌ ಮೆಹ್ರಾ ಪತ್ನಿ ತೀವ್ರವಾಗಿ ಗಾಯಗೊಂಡಿದ್ದಾರೆ. ಆಕೆಯ ಕೈ, ಕಾಲು ಮತ್ತು ತಲೆಗೆ ಪೆಟ್ಟು ಬಿದ್ದಿದೆ. ಘಟನೆಯ ದೃಶ್ಯಾವಳಿಗಳು ಸಿಸಿ ಟಿವಿಯಲ್ಲಿ ಸೆರೆಯಾಗಿವೆ. ದೂರು ದಾಖಲಿಸಿಕೊಂಡಿರೋ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ. ಆರೋಪಿ ಕಮಲ್‌ ಕಿಶೋರ್‌ ಮೆಹ್ರಾ, ದೇಹತಿ ಡಿಸ್ಕೋ ಎಂಬ ಹಿಂದಿ ಸಿನೆಮಾದ ನಿರ್ಮಾಪಕರಾಗಿದ್ದರು.
https://twitter.com/ANI/status/1585294131970334720?ref_src=twsrc%5Etfw%7Ctwcamp%5Etweetembed%7Ctwterm%5E1585294131970334720%7Ctwgr%5E963e36abd4337e945daee6dc06e272588ea1d0b0%7Ctwcon%5Es1_&ref_url=https%3A%2F%2Fwww.newspointapp.com%2Fenglish-news%2Fpublisher-freepressjournal%2Ftop-news%2Fmumbai-shocker-bollywood-producer-husband-runs-over-wife-with-his-car-incident-captured-on-cctv%2Farticleshow%2F14504820320a8a8d8152713a0df15cc730996139
Loading ...