ಪಂಜಾಬ್​ ಕಾಂಗ್ರೆಸ್ ​ಗೆ ತೀವ್ರ ಮುಖಭಂಗ: 2 ಕ್ಷೇತ್ರಗಳಲ್ಲಿಯೂ ಹಾಲಿ ಸಿಎಂಗೆ ಸೋಲು…!

ಪಂಜಾಬ್​ ವಿಧಾನಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್​ಗೆ ಭಾರೀ ಮುಖಭಂಗವಾಗಿದ್ದು, ಪಂಜಾಬ್​ ಸಿಎಂ ಚರಣ್​ಜೀತ್​ ಸಿಂಗ್​ ಚನ್ನಿ ಸ್ಪರ್ಧಿಸಿದ್ದ ಎರಡೂ ಕ್ಷೇತ್ರಗಳಲ್ಲಿ ಸೋಲನ್ನು ಕಂಡಿದ್ದಾರೆ. 2007 ರಿಂದಲೂ ಸ್ಪರ್ಧಿಸುತ್ತಿದ್ದ ಚಮಕೌರ್​​ ಸಾಹಿಬ್​ನಲ್ಲಿಯೂ ಚನ್ನಿ ಸೋತಿದ್ದಾರೆ.

ಚಮಕೌರ್​ನಲ್ಲಿ ಚನ್ನಿಯನ್ನು ಆಪ್​ನ ಡಾ. ಚರಂಜೀತ್​ ಸಿಂಗ್​ 5000 ಮತಗಳ ಅಂತರದಿಂದ ಸೋಲಿಸಿದ್ದಾರೆ. ವೃತ್ತಿಯಲ್ಲಿ ವೈದ್ಯರಾದ ಡಾ. ಸಿಂಗ್​ 2017ರ ವಿಧಾನಸಭಾ ಚುನಾವಣೆಯಲ್ಲಿ ಇದೇ ಕ್ಷೇತ್ರದಲ್ಲಿ ಚನ್ನಿ ವಿರುದ್ಧ ಪರಾಭವಗೊಂಡಿದ್ದರು.

ಇತ್ತ ಭದೌರ್​ ಕ್ಷೇತ್ರದಲ್ಲಿಯೂ ಚನ್ನಿ ಸೋಲನ್ನು ಅನುಭವಿಸಿದ್ದಾರೆ. ಆಪ್​ ಪಕ್ಷದ ಲಾಭ್​ ಸಿಂಗ್​ ಉಗೋಕೆ 33 ಸಾವಿರಕ್ಕೂ ಅಧಿಕ ಮತಗಳಿಂದ ಚರಣ್​ಜೀತ್​ ಸಿಂಗ್​ ಚನ್ನಿಯನ್ನು ಸೋಲಿಸಿದ್ದಾರೆ.