ಪಂಚಾಯತಿ ಬಿಲ್ ಬಾಕಿ ಉಳಿದಿದ್ದರಿಂದ ದಿನಗೂಲಿ ಮಾಡುತ್ತಿರುವ ಮುಖ್ಯಸ್ಥೆ..!

ತೆಲಂಗಾಣ: ಪಂಚಾಯತಿ ಬಿಲ್ ಬಾಕಿ ಉಳಿದಿದ್ದರಿಂದ ಮುಖ್ಯಸ್ಥೆಯೊಬ್ಬರು ಜೀವನಕ್ಕಾಗಿ ಕೂಲಿ ಕೆಲಸ ಮಾಡುವ ಪರಿಸ್ಥಿತಿ ಉಂಟಾಗಿದೆ. ತೆಲಂಗಾಣದ ಹನ್ಮಕೊಂಡ ಜಿಲ್ಲೆಯಲ್ಲಿ ಈ ಘಟನೆ ವರದಿಯಾಗಿದೆ. ಮಹಿಳಾ ಮುಖ್ಯಸ್ಥೆ ತಮ್ಮ ಬಿಲ್‌ಗಳನ್ನು ಬಾಕಿ ಉಳಿಸಿದ್ದರಿಂದ ಕೂಲಿ ಕೆಲಸ ಮಾಡುವಂತಾಗಿದೆ.

32 ವರ್ಷದ ಅನಿತಾ, ಗ್ರಾಮದ ಅಭಿವೃದ್ಧಿ ಕಾಮಗಾರಿಗಳನ್ನು ಕೈಗೊಳ್ಳಲು ಬಡ್ಡಿಗೆ 8 ಲಕ್ಷ ರೂ. ಸಾಲ ಪಡೆದಿದ್ದರು. ತನ್ನ ಪಂಚಾಯತ್‌ಗೆ ಮಂಜೂರು ಮಾಡಿದ ಹಣವನ್ನು ಲೇವಾದೇವಿದಾರರಿಗೆ ಮತ್ತು ಗುತ್ತಿಗೆದಾರರಿಗೆ ಪಾವತಿಸಲು ಬಳಸಿದ್ದರು.

ಗ್ರಾಮದ ಅಭಿವೃದ್ಧಿ ಕಾಮಗಾರಿಗಳ ಬಿಲ್‌ ಕಟ್ಟಲು ಖಾಸಗಿ ಲೇವಾದೇವಿದಾರರಿಂದ ಸಾಲ ಪಡೆಯಲು ಅನಿತಾ, ತನ್ನ ಮಂಗಳಸೂತ್ರವನ್ನು ಅಡವು ಇಟ್ಟಿದ್ದರಂತೆ. ಗ್ರಾಮಗಳ ಅಭಿವೃದ್ಧಿಗಾಗಿ ವಿವಿಧ ಕಾಮಗಾರಿಗಳಿಗೆ 10 ಲಕ್ಷಕ್ಕೂ ಹೆಚ್ಚು ಹಣ ಹೂಡಿರುವುದಾಗಿ ಅವರು ತಿಳಿಸಿದ್ದಾರೆ. ತಾನು ಕೂಲಿ ಕೆಲಸ ಮಾಡಬೇಕಾಗಿದ್ದ ಬಿಲ್‌ಗಳನ್ನು ಬಿಡುಗಡೆ ಮಾಡಲು ಸರ್ಕಾರ ವಿಫಲವಾಯಿತು. ಮೂರು ವರ್ಷಗಳಿಂದ ಆರ್ಥಿಕ ಸಮಸ್ಯೆ ಎದುರಿಸುತ್ತಿದ್ದೇನೆ. ಪತಿ ಮತ್ತು ತಾನು ಮಹಾತ್ಮ ಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಕಾಯಿದೆ ಅಡಿಯಲ್ಲಿ ಕೆಲಸ ಮಾಡುತ್ತಿರುವುದಾಗಿ ಅವರು ತಿಳಿಸಿದ್ದಾರೆ.

ಹನಮಕೊಂಡ ಜಿಲ್ಲೆಯ ಭೀಮದೇವರಪಲ್ಲಿ ಮಂಡಲದಲ್ಲಿ ಮೂರು ವರ್ಷಗಳ ಹಿಂದೆ ನೂತನ ಗ್ರಾಮ ಪಂಚಾಯಿತಿ ರಚನೆಯಾಗಿದೆ. ಈ ವಿಶ್ವನಾಥ ಕಾಲೋನಿ ಇದೀಗ ಅಧಿಕಾರಿಗಳ ನಿರಾಸಕ್ತಿಯಿಂದ ತೀವ್ರ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದೆ.

ಆಡಳಿತಾರೂಢ ಟಿಆರ್‌ಎಸ್‌ ಪಕ್ಷಕ್ಕೆ ಸೇರಿದ ಅನಿತಾ 2020ರಲ್ಲಿ ಪಂಚಾಯಿತಿ ಮುಖ್ಯಸ್ಥೆ ಆಗಿ ಆಯ್ಕೆಯಾಗಿದ್ದರು.