ಬಾಲಿವುಡ್ ನಟಿ ಮಹಿಮಾ ಚೌಧರಿ ಸ್ತನ ಕ್ಯಾನ್ಸರ್ ನಿಂದ ಬಳಲುತ್ತಿದ್ದು, ಹಿರಿಯ ನಟ ಅನುಪಮ್ ಖೇರ್ ಹೃದಯಸ್ಪರ್ಶಿ ಪೋಸ್ಟ್ ಮೂಲಕ ಈ ವಿಷಯವನ್ನು ಬಹಿರಂಗಪಡಿಸಿದ್ದಾರೆ.
ಮಹಿಮಾ ಚೌಧರಿ ಜೊತೆಗಿರುವ ಫೋಟೋವನ್ನು ಹಂಚಿಕೊಂಡಿರುವ ಅನುಪಮ್ ಖೇರ್, ಮಹಿಮಾ ಚೌಧರಿಯ ಧೈರ್ಯ ಮತ್ತು ಕ್ಯಾನ್ಸರ್ ಎಂಬ ಶೀರ್ಷಿಕೆ ನೀಡಿದ್ದಾರೆ. ತಿಂಗಳ ಹಿಂದೆ ನಾನು ಮಹಿಮಾ ಚೌಧರಿಯವರನ್ನು ನನ್ನ ಮುಂದಿನ ಚಿತ್ರದ ಸಲುವಾಗಿ ಅಮೆರಿಕದಲ್ಲಿ ಭೇಟಿಯಾಗಿದ್ದೆ. ಈ ಸಂದರ್ಭದಲ್ಲಿ ಅವರು ಸ್ತನ ಕ್ಯಾನ್ಸರ್ ನಿಂದ ಬಳಲುತ್ತಿರುವ ವಿಷಯ ತಿಳಿದುಬಂತು ಎಂದು ಅನುಪಮ್ ಖೇರ್ ಹೇಳಿದ್ದಾರೆ.
ಆದರೆ ಮಹಿಮಾ ಚೌಧರಿ ಇದರಿಂದ ಎದೆಗುಂದಿಲ್ಲ. ಅವರ ಈ ಕಥೆ ಎಲ್ಲಾ ಮಹಿಳೆಯರಿಗೂ ಮಾದರಿ ಎಂದಿರುವ ಅನುಪಮ್ ಖೇರ್, ನಿಮ್ಮ ಹಾರೈಕೆ ಆಕೆಯ ಮೇಲಿರಲಿ. ಅವರು ಸ್ತನ ಕ್ಯಾನ್ಸರ್ ಗೆದ್ದು ಬರಲಿದ್ದಾರೆ ಎಂದು ತಿಳಿಸಿದ್ದಾರೆ.
Loading ...