ಈವರೆಗೆ ಶ್ರೀಮಂತರನ್ನು ಗುರಿಯಾಗಿಸಿಕೊಂಡು ಅವರಿಂದ ಹಣ ಪೀಕುವ ಸಲುವಾಗಿ ಹನಿ ಟ್ರ್ಯಾಪ್, ವಿಡಿಯೋ ಟ್ರ್ಯಾಪ್ ಕೃತ್ಯ ನಡೆಯುತ್ತಿತ್ತು. ಇದು ದೊಡ್ಡ ದೊಡ್ಡ ನಗರಗಳಿಗಷ್ಟೇ ಸೀಮಿತವಾಗಿತ್ತು. ಇದೀಗ ಇಂತಹ ಪ್ರಕರಣ ಹಳ್ಳಿಗಳಿಗೂ ಕಾಲಿಟ್ಟಿದ್ದು, ಈ ಜಾಲಕ್ಕೆ ಬಿದ್ದ ಆಟೋ ಚಾಲಕನೊಬ್ಬ ಈಗ ಪರಿತಪಿಸುತ್ತಿದ್ದಾನೆ.
ಕಡಬ ಸಮೀಪದ ಬಿಳಿನೆಲೆ ನಿವಾಸಿಯಾದ ಆಟೋ ಚಾಲಕನೊಬ್ಬನಿಗೆ ಕೆಲದಿನಗಳ ಹಿಂದೆ ಯುವತಿಯೊಬ್ಬಳಿಂದ ವಿಡಿಯೋ ಕಾಲ್ ಬಂದಿತ್ತು. ನಗ್ನಳಾಗಿದ್ದ ಆಕೆ ಈ ಆಟೋ ಚಾಲಕನನ್ನು ಪ್ರಚೋದಿಸಿ ಬಟ್ಟೆ ಬಿಚ್ಚುವಂತೆ ಮಾಡಿದ್ದಾಳೆ. ಇದೆಲ್ಲವನ್ನು ಆಕೆ ರೆಕಾರ್ಡ್ ಮಾಡಿಟ್ಟುಕೊಂಡಿದ್ದಾಳೆ.
ಈ ಬಾರಿ ‘ಜನ್ಮಾಷ್ಟಮಿ’ಗೆ ಬೆಂಗಳೂರಿನ ಇಸ್ಕಾನ್‍ನಲ್ಲಿ ದರ್ಶನ ನೀಡಲ್ಲ ಕೃಷ್ಣ
ಮೈಮರೆವಿನಲ್ಲಿ ರಾತ್ರಿ ಬೆತ್ತಲಾಗಿದ್ದ ಆಟೋ ಚಾಲಕ ಮಾರನೆಯ ದಿನ ಘಟನೆಯನ್ನೇ ಮರೆತುಬಿಟ್ಟಿದ್ದಾನೆ. ಆದರೆ ಯುವತಿ ಹಾಗೂ ಆಕೆಯ ತಂಡ ಈ ವಿಡಿಯೋ ರೆಕಾರ್ಡಿಂಗ್ ಇಟ್ಟುಕೊಂಡು ಆಟೋ ಚಾಲಕನ ಮುಂದೆ ಹಣಕ್ಕಾಗಿ ಬೇಡಿಕೆ ಇಟ್ಟಿದ್ದಾರೆ. ಇದಕ್ಕೆ ಆತ ನಿರಾಕರಿಸಿದ ಬಳಿಕ ಅವನು ಮೆಂಬರ್ ಆಗಿದ್ದ ವಾಟ್ಸಪ್ ಗ್ರೂಪಿನಲ್ಲಿ ಈ ಬೆತ್ತಲೆ ವಿಡಿಯೋವನ್ನು ಹರಿಬಿಟ್ಟಿದ್ದಾರೆ. ಇದೀಗ ಆತ ತಲೆ ಮೇಲೆ ಕೈ ಹೊತ್ತು ಕೊಂಡು ಕೂರುವ ಪರಿಸ್ಥಿತಿ ಎದುರಾಗಿದೆ.
Loading ...