ಧೂಮ್​ ಮಚಾಲೆ ಹಾಡಿನಲ್ಲಿ ಇಶಾ ಡಿಯೊಲ್​ ಭಯಾನಕ ಮುಖದ ವಿಡಿಯೋ ವೈರಲ್​

2004 ರಲ್ಲಿ ಹೊರಬಂದ ಅಭಿಷೇಕ್ ಬಚ್ಚನ್, ಜಾನ್ ಅಬ್ರಹಾಂ, ಉದಯ್ ಚೋಪ್ರಾ ಮತ್ತು ಇಶಾ ಡಿಯೋಲ್ ಅಭಿನಯದ ಧೂಮ್​ ಚಿತ್ರದ ಹಾಡು ಈಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್​ ಆಗುತ್ತಿದೆ. ಸುಮಾರು 10 ವರ್ಷಗಳ ಬಳಿಕ ಈ ಹಾಡು ವೈರಲ್​ ಆಗುವುದರ ಹಿಂದೆ ಅಚ್ಚರಿ, ಕಾರಣವೂ ಇದೆ.

ಸೂಪರ್​ಹಿಟ್​ ಚಲನಚಿತ್ರವಾಗಿರುವ ಧೂಮ್​ನ ‘ಧೂಮ್ ಮಚಾಲೆ’ ಹಾಡು ಇಂದಿಗೂ ಎವರ್​ಗ್ರೀನ್​. ಹಲವರು ಈ ನೃತ್ಯಕ್ಕೆ ಮೈ ಕುಣಿಸುವುದು ಉಂಟು. ಆದರೆ ಅಸಲಿ ಹಾಡಿನಲ್ಲಿಯೇ ಅಂದರೆ ಇಶಾ ಡಿಯಾಲ್​ ಈ ಹಾಡಿಗೆ ನೃತ್ಯ ಮಾಡುವಾಗ ಒಂದು ದೃಶ್ಯ ಯಾರ ಗಮನಕ್ಕೂ ಬಂದಿರಲಿಲ್ಲ. ಅದೇ ಈಗ ವೈರಲ್​ ಆಗಿದೆ.
ಕಲಾವಿದ ಅನುರಾಗ್ ಸಲ್ಗಾಂವ್ಕರ್ ಮತ್ತು ಅವರ ಸ್ನೇಹಿತ ಚಿರಾಗ್ ಸಂಭವನೀಯ ಬ್ಲೂಪರ್ ವಿಚಿತ್ರ ದೃಶ್ಯವನ್ನು ಕಂಡುಹಿಡಿದಿದ್ದು, ಇದು ಇಶಾ ಡಿಯಾಲ್​ನ ಭಯಾನಕ ದೃಶ್ಯ ಎಂದು ಹೇಳಿದ್ದಾರೆ.

ಧೂಮ್​ ಮಚಾಲೆ ಹಾಡಿನ ವಿಡಿಯೋ ನೋಡಿದರೆ ಅದರಲ್ಲಿ 4:31ನೇ ನಿಮಿಷದಲ್ಲಿ ಒಂದು ದೃಶ್ಯವಿದೆ. ಅದು ಸಾಮಾನ್ಯವಾಗಿ ಡಾನ್ಸ್​ ಮಾಡುವಾಗ ಜನರ ಕಣ್ಣಿಗೆ ಕಾಣುವುದಿಲ್ಲ. ಆದರೆ ಜೂಮ್-ಇನ್ ಮಾಡಿದಾಗ ಇಶಾ ಡಿಯಾಲ್​ನ ಭಯಾನಕ ಮುಖವನ್ನು ಕಾಣಬಹುದು. ಇದೀಗ ವೈರಲ್​ ಆಗಿದ್ದು, ಥಹರೇವಾರಿ ಕಮೆಂಟ್​ಗಳು ಬರುತ್ತಿವೆ.