ದೋಣಿಯಲ್ಲಿ ಶಾಲೆಗೋಗುವ ಸತಾರಾ ಬಾಲಕಿಯರ ಸಂಕಷ್ಟಕ್ಕೆ ಬಾಂಬೆ ಹೈಕೋರ್ಟ್‌ ಸ್ಪಂದನೆ; ವಿವರಣೆ ಕೇಳಿ ಸರ್ಕಾರಕ್ಕೆ ನೋಟೀಸ್

ಮುಂಬೈ: ಶಾಲೆ ತಲುಪಲು ದೋಣಿಯಲ್ಲಿ ಸಾಗುವ ಸತಾರಾ ಬಾಲಕಿಯರ ಸಂಕಷ್ಟದ ಬಗ್ಗೆ ಎರಡು ವಾರಗಳಲ್ಲಿ ರಾಜ್ಯ ಸರ್ಕಾರ ಪ್ರತಿಕ್ರಿಯೆ ನೀಡುವಂತೆ ಬಾಂಬೆ ಹೈಕೋರ್ಟ್ ಆದೇಶಿಸಿದೆ.

ಕೊಯ್ನಾ ಅಣೆಕಟ್ಟಿನ ಮೂಲಕ ದೋಣಿಯಲ್ಲಿ ದಟ್ಟವಾದ ಅರಣ್ಯದ ಮೂಲಕ ಸಾಗುವ ಸತಾರಾ ಗ್ರಾಮದ ಬಾಲಕಿಯರ ಸಮಸ್ಯೆಗಳನ್ನು ಪರಿಹರಿಸಲು ಸ್ವಯಂ ಪ್ರೇರಿತ ಸಾರ್ವಜನಿಕ ಹಿತಾಸಕ್ತಿ ಮೊಕದ್ದಮೆಗೆ (ಎಸ್‌ಎಂಪಿಐಎಲ್) ಎರಡು ವಾರಗಳಲ್ಲಿ ಪ್ರತಿಕ್ರಿಯೆ ನೀಡುವಂತೆ ಬಾಂಬೆ ಹೈಕೋರ್ಟ್ ರಾಜ್ಯಕ್ಕೆ ಸೂಚಿಸಿದೆ. ಶಾಲೆ ತಲುಪಲು ಬಾಲಕಿಯರು ಎದುರಿಸುತ್ತಿರುವ ಸಂಕಷ್ಟವನ್ನು ತಿಳಿದ ಹೈಕೋರ್ಟ್ ಈ ಪಿಐಎಲ್ ಅನ್ನು ಹೂಡಿದೆ.

ಸತಾರಾ ಜಿಲ್ಲೆಯ ಜವಲಿ ತಾಲೂಕಿನ ಖಿರ್ವಂಡಿ ಗ್ರಾಮದ ವಿದ್ಯಾರ್ಥಿನಿಯರ ದುಃಸ್ಥಿತಿಯನ್ನು ಎತ್ತಿ ತೋರಿಸುವ ಸುದ್ದಿ ವರದಿಯನ್ನು ಪೀಠವು ಉಲ್ಲೇಖಿಸಿದೆ. ಕೊಯ್ನಾ ಅಣೆಕಟ್ಟನ್ನು ದಾಟಲು ಮತ್ತು ಬೆಳಗ್ಗೆ 9 ಗಂಟೆಗೆ ಪ್ರಾರಂಭವಾಗುವ ಶಾಲೆಗೆ ತಲುಪಲು ಬಾಲಕಿಯರು ನಿಯಮಿತವಾಗಿ ದೋಣಿಯಲ್ಲಿ ಪ್ರಯಾಣಿಸುತ್ತಾರೆ ಎಂದು ವರದಿ ಹೇಳಿದೆ. ವಿದ್ಯಾರ್ಥಿನಿಯರೇ ದೋಣಿಗಳನ್ನು ನಡೆಸಿದ್ದಾರೆ ಎಂದು ಹೇಳಲಾಗಿದೆ.

ಕರಡಿ ಮತ್ತು ಹುಲಿಗಳಂತಹ ಕಾಡು ಪ್ರಾಣಿಗಳು ವಾಸಿಸುವ ದಟ್ಟವಾದ ಕಾಡುಗಳ ಮೂಲಕ ವಿದ್ಯಾರ್ಥಿಗಳು ನಾಲ್ಕು ಕಿಲೋಮೀಟರ್ ನಡೆಯಬೇಕಾಗಿರುವುದನ್ನು ನ್ಯಾಯಾಲಯವು ಗಮನಿಸಿದೆ. ʼಬೇಟಿ ಬಚಾವೋ, ಬೇಟಿ ಪಡಾವೋʼ ಯೋಜನೆಯಡಿಯಲ್ಲಿ ಹೆಣ್ಣು ಮಕ್ಕಳಿಗೆ ಸುರಕ್ಷಿತ ಮತ್ತು ಸೌಹಾರ್ದ ವಾತಾವರಣ ಹಾಗೂ ಪರಿಸರವನ್ನು ಒದಗಿಸುವ ಗುರಿ ಹೊಂದಿರಬೇಕು. ರಾಜ್ಯವು ಮಕ್ಕಳಿಗೆ ಅಗತ್ಯ ನೆರವು ನೀಡಲು ಎಲ್ಲಾ ಕ್ರಮಗಳನ್ನು ತೆಗೆದುಕೊಳ್ಳುವ ಮೂಲಕ ಸಾಧಿಸಬಹುದು ಎಂದು ಕೋರ್ಟ್ ಹೇಳಿದೆ.

ಪೀಠವು ಅರ್ಜಿಯನ್ನು ಕರಡು ರೂಪಿಸಲು ಮತ್ತು ಸಂಬಂಧಿತ ಸರ್ಕಾರಿ ಪ್ರಾಧಿಕಾರಕ್ಕೆ ರವಾನಿಸಲು ಆದೇಶಿಸಿದೆ. ನಂತರ ಎರಡು ವಾರಗಳಲ್ಲಿ ಅರ್ಜಿಗೆ ಪ್ರತಿಕ್ರಿಯೆ ನೀಡುವಂತೆ ರಾಜ್ಯ ಸರ್ಕಾರಕ್ಕೆ ಆದೇಶಿಸಿದ ಕೋರ್ಟ್, ಅರ್ಜಿ ವಿಚಾರಣೆಯನ್ನು ಮುಂದೂಡಿದೆ.