ಇಲ್ಲಿದೆ ತಂಪು ತಂಪು ʼರೋಸ್ ಕುಲ್ಫಿʼ ಮಾಡುವ ವಿಧಾನ

ತಣ್ಣಗಿನ ಐಸ್ ಕ್ರೀಂ ಎಂದರೆ ಯಾರಿಗೆ ಇಷ್ಟವಿಲ್ಲ ಹೇಳಿ…? ಎಳೆಯರಿಂದ ಹಿಡಿದು ದೊಡ್ಡವರ ಬಾಯಲ್ಲೂ ಐಸ್ ಕ್ರೀಂ ಎಂದರೆ ನೀರು ಬರುತ್ತದೆ. ಇಲ್ಲಿ ಸುಲಭವಾಗಿ ಮನೆಯಲ್ಲಿಯೇ ಮಾಡುವ ರೋಸ್ ಕುಲ್ಫಿ ವಿಧಾನವಿದೆ ಒಮ್ಮೆ ಮಾಡಿ ನೋಡಿ.

ಬೇಕಾಗುವ ಸಾಮಗ್ರಿಗಳು:

ದಪ್ಪನೆಯ ಕೆನೆ-275 ಎಂಎಲ್, ಕಂಡೆನ್ಸ್ಡ್ ಮಿಲ್ಕ್- 3/4 ಕಪ್, ಹಾಲು- 1 ½ ಕಪ್, ರೋಸ್ ಸಿರಪ್- 1/3 ಕಪ್, ಏಲಕ್ಕಿ ಪುಡಿ- 1/2 ಟೀ ಸ್ಪೂನ್, ರೋಸ್ ಎಸೆನ್ಸ್- 1 ಟೀ ಸ್ಪೂನ್.

ಒಂದು ಅಗಲವಾದ ಬೌಲ್ ಗೆ ದಪ್ಪನೆಯ ಕೆನೆ ಹಾಕಿ ಚೆನ್ನಾಗಿ ಬೀಟ್ ಮಾಡಿಕೊಳ್ಳಿ. ಇದು ಕ್ರೀಮ್ ರೀತಿ ಬಂದರೆ ಸಾಕು.

ಇದಕ್ಕೆ ಕಂಡೆನ್ಸಡ್ ಮಿಲ್ಕ್, ಹಾಲು, ರೋಸ್ ಸಿರಪ್, ರೋಸ್ ಎಸೆನ್ಸ್, ಏಲಕ್ಕಿ ಪುಡಿ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ. ಈ ಮಿಶ್ರಣವನ್ನು ಕುಲ್ಫಿ ಮೌಲ್ಡ್ ಗೆ ಹಾಕಿ 8 ಗಂಟೆಗಳ ಕಾಲ ಫ್ರಿಜರ್ ನಲ್ಲಿಡಿ. ನಂತರ ಇದನ್ನು ತೆಗೆದು ಸವಿಯಿರಿ.