‘ತಿರುಪತಿ ತಿಮ್ಮಪ್ಪ’ ನ ದರ್ಶನಕ್ಕೆ ತೆರಳುವ ಭಕ್ತರಿಗೆ ಇಲ್ಲಿದೆ ಬಹುಮುಖ್ಯ ಮಾಹಿತಿ

ತಿರುಪತಿ ತಿಮ್ಮಪ್ಪನ ದರ್ಶನಕ್ಕೆ ತೆರಳುವ ಭಕ್ತರಿಗೆ ಮಹತ್ವದ ಮಾಹಿತಿಯೊಂದು ಇಲ್ಲಿದೆ. ಅಕ್ಟೋಬರ್ 25ರ ಅಮಾವಾಸ್ಯೆಯಂದು ಸೂರ್ಯ ಗ್ರಹಣ ಸಂಭವಿಸುವ ಹಿನ್ನೆಲೆಯಲ್ಲಿ ಅಂದು 12 ಗಂಟೆಗಳ ಕಾಲ ಭಕ್ತರಿಗೆ ದೇವರ ದರ್ಶನ ಇರುವುದಿಲ್ಲ.

ಬೆಳಿಗ್ಗೆ 8.11 ರಿಂದ ಸಂಜೆ 7.30 ರ ವರೆಗೆ ದೇವಸ್ಥಾನ ಬಂದ್ ಆಗಿರಲಿದ್ದು, ಕಲ್ಯಾಣೋತ್ಸವ ಸೇರಿದಂತೆ ಯಾವ ಸೇವೆಗಳು ಸಹ ಲಭ್ಯವಿರುವುದಿಲ್ಲ. ಅಲ್ಲದೆ ವಿಐಪಿ ದರ್ಶನ ಹಾಗೂ ಶ್ರೀವಾರಿ ದರ್ಶನವೂ ಕೂಡ ರದ್ದುಗೊಳ್ಳಲಿದೆ.

ಗ್ರಹಣ ಪೂರ್ಣಗೊಂಡ ನಂತರ ಶುದ್ದಿ ಕಾರ್ಯ ಕೈಗೊಂಡ ಬಳಿಕವೇ ಭಕ್ತರಿಗೆ ದರ್ಶನಕ್ಕೆ ಅನುವು ಮಾಡಿಕೊಡಲಾಗುತ್ತದೆ. ಅಲ್ಲದೆ ನವೆಂಬರ್ 8ರಂದು ಚಂದ್ರ ಗ್ರಹಣ ಸಂಭವಿಸುತ್ತಿದ್ದು, ಅಂದು ಕೂಡ ಭಕ್ತರಿಗೆ ದರ್ಶನಕ್ಕೆ ಅವಕಾಶ ಇರುವುದಿಲ್ಲ ಎಂದು ಟಿಟಿಡಿ ತಿಳಿಸಿದೆ.