ನೀವು ಚಿಕ್ಕವರಿರುವಾಗ ಬಹಳ ಆಸೆ ಪಟ್ಟ ವಸ್ತುವನ್ನು ಅಚ್ಚರಿಯಾಗಿ ತಂದೆ ತಂದಾಗ ಅದೆಷ್ಟು ಸಂತೋಷ ಪಟ್ಟಿದ್ದೀರಿ ಎಂಬುದು ನಿಮಗೆ ನೆನಪಿದೆಯೇ..? ನೀವು ಅಂಥಾ ವಸ್ತುವನ್ನು ಆಶ್ಚರ್ಯಕರವಾಗಿ ಪಡೆದರೆ, ಸಂತೋಷಕ್ಕೆ ಪಾರವೇ ಇರುವುದಿಲ್ಲ ಅಲ್ವಾ. ಇದೀಗ ನೆಟ್ಟಿಗರು ತಮ್ಮ ಬಾಲ್ಯದ ದಿನಗಳತ್ತ ಜಾರಲು ಐಎಎಸ್ ಅಧಿಕಾರಿ ಅವನೀಶ್ ಶರಣ್ ಟ್ವೀಟ್ ಕಾರಣವಾಗಿದೆ.
ಹೌದು, ಅಧಿಕಾರಿಯು ಟ್ವಿಟ್ಟರ್ ನಲ್ಲಿ ಒಂದು ಅಮೂಲ್ಯ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ವ್ಯಕ್ತಿಯೊಬ್ಬರು ತನ್ನ ಮೋಟಾರ್‌ ಸೈಕಲ್‌ನಲ್ಲಿ ದೊಡ್ಡ ಪ್ಲಾಸ್ಟಿಕ್ ಆಟಿಕೆಯನ್ನು ಮನೆಗೆ ತೆಗೆದುಕೊಂಡು ಹೋಗುತ್ತಿರುವ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಆಟಿಕೆಯನ್ನು ಆ ವ್ಯಕ್ತಿ ತನ್ನ ಮಗುವಿಗೆ ಮನೆಗೆ ತೆಗೆದುಕೊಂಡು ಹೋಗುತ್ತಿರುವಂತೆ ತೋರುತ್ತಿದೆ. ಈ ಫೋಟೋ ನಿಮ್ಮ ಬಾಲ್ಯದ ನೆನಪುಗಳನ್ನು ಮತ್ತೆ ನೆನಪಿಸುವುದರಲ್ಲಿ ಸಂಶಯವಿಲ್ಲ.
ಇಂದು ರಾತ್ರಿ ಯಾರೋ ಒಬ್ಬರು ಬಹಳ ಸಂತೋಷದಿಂದ ಇರುವುದರಿಂದ ಅವರಿಗೆ ನಿದ್ದೆ ಬರಲು ಸಾಧ್ಯವಿಲ್ಲ ಎಂದು ಚಿತ್ರಕ್ಕೆ ಶೀರ್ಷಿಕೆ ನೀಡಲಾಗಿದೆ. ಈ ಪೋಸ್ಟ್ ಗೆ ಟನ್ ಗಳಷ್ಟು ಪ್ರತಿಕ್ರಿಯೆಗಳು ಬಂದಿವೆ. ಹಲವಾರು ಮಂದಿ ತಮ್ಮ ಬಾಲ್ಯದ ಸವಿ ನೆನಪುಗಳನ್ನು ನೆನಪಿಸಿಕೊಂಡು, ಪುಳಕಗೊಂಡಿದ್ದಾರೆ.
Loading ...