ರುಚಿಕರವಾದ ಪಿಜ್ಜಾ ಸ್ಲೈಸ್ ಸಿಗುತ್ತೆ ಅಂದರೆ ಬೇಡ ಎಂದು ಹೇಳುವವರ ಸಂಖ್ಯೆ ತುಂಬಾನೆ ಕಡಿಮೆ. ಇಟಾಲಿಯನ್ನ ಈ ಖಾದ್ಯದ ಹೆಸರು ಕೇಳಿದ್ರೆ ಸಾಕು ಬಾಯಲ್ಲಿ ನೀರೂರಿಬಿಡುತ್ತದೆ. ಆದರೆ ಡೊಮಿನೋಸ್ನ ಬೆಂಗಳೂರಿನ ಔಟ್ಲೆಟ್ ಒಂದರಿಂದ ವೈರಲ್ ಆಗಿರುವ ಈ ಫೋಟೋವನ್ನು ನೋಡಿದರೆ ಇನ್ನು ಪಿಜ್ಜಾ ತಿನ್ನಲು ವಾಕರಿಕೆ ಎನಿಸಬಹುದು.
ಟ್ವಿಟರ್ ಬಳಕೆದಾರರಾದ ತುಷಾರ್ ಎಂಬವರು ಸೋಶಿಯಲ್ ಮೀಡಿಯಾದಲ್ಲಿ ಈ ಫೋಟೋಗಳನ್ನು ಶೇರ್ ಮಾಡಿದ್ದಾರೆ. ಇದು ಬೆಂಗಳೂರಿನ ಡಾಮಿನೋಸ್ ಔಟ್ಲೆಟ್ ಒಂದರ ಫೋಟೋ ಎನ್ನಲಾಗಿದೆ. ಇಲ್ಲಿ ಪಿಜ್ಜಾವನ್ನು ಮಾಡಲು ಬಳಕೆ ಮಾಡುವ ಹಿಟ್ಟಿನ ಮೇಲೆ ಟಾಯ್ಲೆಟ್ ಬ್ರಷ್, ನೆಲ ಒರೆಸುವ ಬಟ್ಟೆಗಳನ್ನು ಇಡಲಾಗಿದೆ. ಪಿಜ್ಜಾ ಹಿಟ್ಟಿನ ಮೇಲೆ ಪೊರಕೆಗಳು, ಟಾಯ್ಲೆಟ್ ಬ್ರಷ್ಗಳನ್ನು ಕಂಡ ನೆಟ್ಟಿಗರು ಡಾಮಿನೋಸ್ ಮೇಲೆ ಕೆಂಡ ಕಾರ್ತಿದ್ದಾರೆ.
ಈ ಫೋಟೋಗಳನ್ನು ಟ್ವಿಟರ್ನಲ್ಲಿ ಶೇರ್ ಮಾಡಿರುವ ತುಷಾರ್, ಅಂಗಡಿಯಲ್ಲಿನ ತಿನಿಸುಗಳನ್ನು ತಿನ್ನೋದಕ್ಕಿಂತ ಮನೆಯಲ್ಲಿನ ಆಹಾರವನ್ನೇ ಸೇವಿಸಿ ಎಂದು ಮನವಿ ಮಾಡಿದ್ದಾರೆ. ಈ ಫೋಟೋಗಳು ಪಿಜ್ಜಾ ಪ್ರಿಯರ ಕಣ್ಣುಗಳನ್ನು ಕೆಂಪಗಾಗಿಸಿದೆ. ಅಲ್ಲದೇ ಈ ಬಗ್ಗೆ ಸ್ಪಷ್ಟನೆ ನೀಡಬೇಕೆಂದು ಡಾಮಿನೋಸ್ ಆಡಳಿತ ಮಂಡಳಿಯನ್ನು ಒತ್ತಾಯಿಸಿದ್ದಾರೆ.
ಸೋಶಿಯಲ್ ಮೀಡಿಯಾದಲ್ಲಿ ವ್ಯಾಪಕ ಟೀಕೆಯನ್ನು ಎದುರಿಸುತ್ತಿರುವ ಡಾಮಿನೋಸ್ ಈ ಸಂಬಂಧ ಪ್ರತಿಕ್ರಿಯೆನ್ನು ನೀಡಿದ್ದು ನೈರ್ಮಲ್ಯ ಹಾಗೂ ಆಹಾರ ಸುರಕ್ಷತೆ ನಮ್ಮ ಪ್ರಮುಖ ಆದ್ಯತೆಯಾಗಿದೆ ಎಂದು ಹೇಳಿದೆ. ನಾವು ಅತ್ಯುನ್ನತ ಗುಣಮಟ್ಟದ ಆಹಾರವನ್ನು ನೀಡುವ ಬಗ್ಗೆ ವಿಶ್ವಾದ್ಯಂತ ಕಟ್ಟು ನಿಟ್ಟಿನ ಭದ್ರತೆಯನ್ನು ಹೊಂದಿದೆ. ಈ ಫೋಟೋದಲ್ಲಿ ನಮ್ಮ ಸಂಸ್ಥೆಯ ನಿಯಮವನ್ನು ಉಲ್ಲಂಘಿಸಿದವರ ವಿರುದ್ಧ ಶೂನ್ಯ ಸಹಿಷ್ಣುತೆಯನ್ನು ತೋರಲಾಗುತ್ತದೆ. ಈ ಘಟನೆ ನಮ್ಮ ಗಮನಕ್ಕೆ ಬಂದಿದ್ದು ಕೂಡಲೇ ಈ ಸಂಬಂಧ ತನಿಖೆ ನಡೆಯಲಿದೆ ಎಂದು ಹೇಳಿದೆ .
Loading ...