ಟಿ20 ವರ್ಲ್ಡ್ ಕಪ್: ಇಂದು ಪಾಕಿಸ್ತಾನ ಹಾಗೂ ದ. ಆಫ್ರಿಕಾ ಮುಖಾಮುಖಿ

ಇಂದು ಸಿಡ್ನಿಯಲ್ಲಿ ನಡೆಯಲಿರುವ ಟಿ ಟ್ವೆಂಟಿ ವರ್ಲ್ಡ್ ಕಪ್ ನ 36ನೇ ಪಂದ್ಯದಲ್ಲಿ ಪಾಕಿಸ್ತಾನ ಹಾಗೂ ದಕ್ಷಿಣ ಆಫ್ರಿಕಾ ಮುಖಾಮುಖಿಯಾಗಲಿವೆ.

ದಕ್ಷಿಣ ಆಫ್ರಿಕಾ ತಂಡ ಈಗಾಗಲೇ 3 ಪಂದ್ಯಗಳಲ್ಲಿ 2 ಪಂದ್ಯಗಳನ್ನು ಗೆದ್ದು ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದೆ. ಜಿಂಬಾಬ್ವೆ ತಂಡದ ವಿರುದ್ಧ ಪಾಕಿಸ್ತಾನ ಸೋಲು ಕಂಡ ಬಳಿಕ ಸೆಮಿಫೈನಲ್ ಗೆ ಬರುವುದು ಅಸಾಧ್ಯವಾಗಿದೆ.

ತೆಂಬಾ ಬವುಮಾ ನಾಯಕತ್ವದ ಬಲಿಷ್ಠ ದಕ್ಷಿಣ ಆಫ್ರಿಕಾ ತಂಡಕ್ಕೆ ಇನ್ನೂ ಎರಡು ಪಂದ್ಯಗಳು ಉಳಿದಿದ್ದು, ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನಕ್ಕೇರುವ ಮೂಲಕ ಸೆಮಿಫೈನಲ್ ಗೆ ಲಗ್ಗೆ ಇಡಲು ಸಜ್ಜಾಗಿದೆ.

ಏಕದಿನ ಹಾಗೂ ಟಿ ಟ್ವೆಂಟಿಯ ಪ್ರತಿ ವಿಶ್ವಕಪ್ ನಲ್ಲೂ ಎದುರಾಳಿ ತಂಡಕ್ಕೆ ನಡುಕ ಹುಟ್ಟಿಸುವ ದಕ್ಷಿಣ ಆಫ್ರಿಕ ತಂಡ ಇದುವರೆಗೂ ವಿಶ್ವಕಪ್ ವಿಜೇತರಾಗಿಲ್ಲ. ಚೋಕರ್ಸ್ ಎಂದೇ ಕರೆಸಿಕೊಳ್ಳುವ ದಕ್ಷಿಣ ಆಫ್ರಿಕಾ ಇದರಿಂದ ಹೊರಬರಲು ನೋಡುತ್ತಿದೆ.