ಅಮೆರಿಕದ ಮೇರಿಲ್ಯಾಂಡ್‌ ನಲ್ಲಿ 10 ವರ್ಷದ ಹಿಂದೆ ಕಳೆದು ಹೋಗಿದ್ದ ಐಫೋನ್‌, ಟಾಯ್ಲೆಟ್‌ ನಲ್ಲಿ ಸಿಕ್ಕಿದೆ. ಬೆಕ್ಕಿ ಬೆಕ್ಮನ್‌ ಎಂಬಾಕೆ 2012ರಲ್ಲಿ ಐಫೋನ್‌ ಕಳೆದುಕೊಂಡಿದ್ಲು. ಹ್ಯಾಲೋವೀನ್‌ ಪಾರ್ಟಿಯಲ್ಲಿ ಆಕೆಯ ಫೋನ್‌ ಮಾಯವಾಗಿತ್ತು.
ಯಾರಾದ್ರೂ ಫೋನ್‌ ಕದ್ದೊಯ್ದಿರಬಹುದು ಅನ್ನೋ ಅನುಮಾನ ಆಕೆಗಿತ್ತು. ಆದ್ರೆ ಯಾವುದೇ ಸುಳಿವು ಸಿಕ್ಕಿರಲಿಲ್ಲ. ಇತ್ತೀಚೆಗೆ ಟಾಯ್ಲೆಟ್‌ ನಲ್ಲಿ ಫ್ಲಶ್‌ ಮಾಡಿದಾಗ ವಿಚಿತ್ರ ಸದ್ದು ಕೇಳಿಸಲಾರಂಭಿಸಿತ್ತು.
ಹಳೆಯ ಕಟ್ಟಡವಾಗಿದ್ರಿಂದ ಟಾಯ್ಲೆಟ್‌ ನಲ್ಲೇನೋ ಸಮಸ್ಯೆ ಇದೆ ಅಂತಾನೇ ದಂಪತಿ ಭಾವಿಸಿದ್ದರು. ಕೊನೆಗೂ ಬೆಕ್ಕಿಯ ಪತಿ ಟಾಯ್ಲೆಟ್‌ ರಿಪೇರಿಗೆ ಮುಂದಾಗಿದ್ದ. ಅದನ್ನು ಕಳಚಿ ನೋಡಿದ ಅವನಿಗೆ ಅಚ್ಚರಿ ಕಾದಿತ್ತು.
10 ವರ್ಷಗಳ ಹಿಂದೆ ಕಳೆದು ಹೋಗಿದ್ದ ಐಫೋನ್‌ ಟಾಯ್ಲೆಟ್‌ ನಲ್ಲಿ ಪತ್ತೆಯಾಗಿತ್ತು. ಪೈಪ್‌ ನಲ್ಲಿ ಸಿಕ್ಕಿಹಾಕಿಕೊಂಡಿದ್ದ ಫೋನ್‌ ಅನ್ನು ಆತ ಹೊರತೆಗೆದಿದ್ದಾನೆ. 10 ವರ್ಷಗಳ ಕಾಲ ಪೈಪ್‌ ನಲ್ಲೇ ಇದ್ದರೂ ಟಾಯ್ಲೆಟ್‌ ಬ್ಲಾಕ್‌ ಆಗದೇ ಇರೋದು ಅಚ್ಚರಿಗೆ ಕಾರಣವಾಗಿದೆ.
Loading ...