ಜೆಇಇ ಮುಖ್ಯ ಪರೀಕ್ಷೆ ಫಲಿತಾಂಶ ಪ್ರಕಟ: ರಿಸಲ್ಟ್​ ವೀಕ್ಷಿಸಲು ಇಲ್ಲಿದೆ ಮಾರ್ಗ

ನ್ಯಾಷನಲ್​ ಟೆಸ್ಟಿಂಗ್​ ಏಜೆನ್ಸಿಯ ಜೆಇಇ ಸೆಷನ್​​ 3 ಪ್ರವೇಶ ಪರೀಕ್ಷೆಯ ಫಲಿತಾಂಶ ಘೋಷಣೆಯಾಗಿದೆ. 7 ಲಕ್ಷ ಅಭ್ಯರ್ಥಿಗಳು ಜುಲೈ 20, 22, 25 ಹಾಗೂ 27ರಂದು ನಡೆದ ಪರೀಕ್ಷೆಗೆ ಹಾಜರಾಗಿದ್ದರು. ಅಭ್ಯರ್ಥಿಗಳು ತಮ್ಮ ಫಲಿತಾಂಶವನ್ನು ಅಧಿಕೃತ ವೆಬ್​ಸೈಟ್ jeemain.nta.nic.in.​ನಲ್ಲಿ ವೀಕ್ಷಿಸಬಹುದಾಗಿದೆ.

ಜೆಇಇ ಮುಖ್ಯ ಪರೀಕ್ಷೆಯ ಕೀ ಆನ್ಸರ್​ನ್ನು ಬಿಡುಗಡೆ ಮಾಡಲಾಗುತ್ತದೆ. ಅಭ್ಯರ್ಥಿಗಳು jeemain.nta.nic.inನಲ್ಲಿ ಕೀಲಿ ಉತ್ತರವನ್ನು ನೋಡಬಹುದು ಹಾಗೂ ಡೌನ್​ಲೋಡ್​ ಮಾಡಬಹುದಾಗಿದೆ.

ಜೆಇಇ ಮುಖ್ಯ ಪರೀಕ್ಷೆಯ ಫಲಿತಾಂಶವು jeemain.nta.nic.in ನಲ್ಲಿ ಲಭ್ಯವಿದೆ. ಇಲ್ಲಿ ನೀವು JEE Main 2021 Result ನ್ನು ಆಯ್ಕೆ ಮಾಡಬೇಕು. ಇದಾದ ಬಳಿಕ ನಿಮ್ಮ ಅರ್ಜಿ ಸಂಖ್ಯೆ ಹಾಗೂ ಕೇಳಲಾಗುವ ಮಾಹಿತಿಯನ್ನು ಒದಗಿಸಬೇಕು. ಇದಾದ ಬಳಿಕ ನಿಮ್ಮ ಜೆಇಇ ಫಲಿತಾಂಶವು ಪರದೆ ಮೇಲೆ ಕಾಣಿಸಲಿದೆ.

ಜೆಇಇ ಫಲಿತಾಂಶವನ್ನು ನೋಡುವ ವಿಧಾನ :

ಹಂತ 1 : ಅಧಿಕೃತ ವೆಬ್​ಸೈಟ್​ – jeemain.nta.nic.in ಗೆ ಭೇಟಿ ನೀಡಿ

ಹಂತ 2 : JEE Main 2021 Result ಮೇಲೆ ಕ್ಲಿಕ್​ ಮಾಡಿ.

ಹಂತ 3: ನಿಮ್ಮ ಅರ್ಜಿ ಸಂಖ್ಯೆ ಹಾಗೂ ಕೇಳಲಾಗುವ ವಿವರಗಳನ್ನು ಒದಗಿಸಿ.

ಹಂತ 4: ಪರದೆಯ ಮೇಲೆ ಜೆಇಇ ಫಲಿತಾಂಶ ಗೋಚರವಾಗಲಿದೆ.

ಹಂತ 5: ನಿಮ್ಮ ಫಲಿತಾಂಶವನ್ನು ಡೌನ್​ಲೋಡ್​ ಮಾಡಿಕೊಳ್ಳಿ.

ನ್ಯಾಷನಲ್​ ಟೆಸ್ಟಿಂಗ್​ ಏಜೆನ್ಸಿಯು ಜೆಇಇ ಪ್ರವೇಶ ಪರೀಕ್ಷೆಯ ಸೆಷನ್​ 3ಯನ್ನು ಘೋಷಣೆ ಮಾಡಿದೆ. ಈ ಬಗ್ಗೆ ಎನ್​ಟಿಎ ಹಿರಿಯ ಅಧಿಕಾರಿಗಳು ಈ ಬಗ್ಗೆ ಅಧಿಕೃತ ಮಾಹಿತಿ ನೀಡಿದ್ದಾರೆ.

ಜೆಇಇ ಮುಖ್ಯ ಪರೀಕ್ಷೆ ಫಲಿತಾಂಶ ಇಂದು ಸಂಜೆಯೇ ಘೋಷಣೆಯಾಗಿದೆ. ವೆಬ್​ಸೈಟ್​ನಲ್ಲಿ ಅಭ್ಯರ್ಥಿಗಳ ಫಲಿತಾಂಶವನ್ನು ಇಂದು ಮಧ್ಯರಾತ್ರಿ ಅಪ್​ಲೋಡ್​ ಮಾಡಲಾಗುತ್ತದೆ. ತಾಂತ್ರಿಕ ದೋಷದಿಂದ ಇಂದು ಫಲಿತಾಂಶ ಗೋಚರವಾಗದೇ ಇದ್ದಲ್ಲಿ ಶನಿವಾರ ನೋಡಬಹುದು ಎಂದು ಹೇಳಿದ್ದಾರೆ.