ಮದುವೆ ಮೆರವಣಿಗೆ ವೇಳೆಯಲ್ಲಿ ನೂತನ ವಧು ಜೀಪಿನ ಬಾನೆಟ್ ಮೇಲೆ ಏರಿ ನೃತ್ಯ ಮಾಡುತ್ತಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಮಧ್ಯಪ್ರದೇಶದ ಭೋಪಾಲ್ನ ವಿಡಿಯೋ ಇದಾಗಿದ್ದು ಈ ವಿಡಿಯೋವನ್ನು ಐಪಿಎಸ್ ಅಧಿಕಾರಿ ದೀಪಾಂಶು ಕಬ್ರಾ ಟ್ವಿಟರ್ನಲ್ಲಿ ಶೇರ್ ಮಾಡಿದ್ದಾರೆ.
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ ಲೆಹೆಂಗಾ ತೊಟ್ಟ ವಧು ಜೀಪಿನ ಬಾನೆಟ್ ಮೇಲೆ ಕುಳಿತು ಬಾಲಿವುಡ್ ಹಾಡುಗಳಿಗೆ ನೃತ್ಯ ಮಾಡಿದ್ದಾರೆ .
ಈ ಮಧುವಣಗಿತ್ತಿಯ ಸಂತೋಷವನ್ನು ನೋಡಿದರೆ ನನಗೆ ಹಂಪ್ಟಿ ಶರ್ಮಾ ಕಿ ದುಲ್ಹನಿಯಾ ಸಿನಿಮಾ ಕ್ಲೈಮಾಕ್ಸ್ನಲ್ಲಿ ಆಲಿಯಾ ಭಟ್ನ ಸಂಭ್ರಮವೇ ನೆನಪಾಗುತ್ತಿದೆ. ನಾನು ಇವರಿಗೆ ಶುಭ ಹಾರೈಸುತ್ತಿದ್ದೇನೆ ಎಂದು ಈ ವಿಡಿಯೋಗೆ ದೀಪಾಂಶು ಕಬ್ರಾ ಶೀರ್ಷಿಕೆ ನೀಡಿದ್ದಾರೆ.
ಖಾಸಗಿ ಉದ್ಯೋಗದಲ್ಲಿ ಹರಿಯಾಣ ನಾಗರಿಕರಿಗೆ ಶೇ.75ರಷ್ಟು ಮೀಸಲು; ಸರ್ಕಾರದ ಆದೇಶಕ್ಕೆ ಹೈಕೋರ್ಟ್ ತಡೆ
ಈ ವಿಡಿಯೋದಲ್ಲಿರುವ ವಧುವನ್ನು ಭಾವನಾ ಎಂದು ಗುರುತಿಸಲಾಗಿದೆ. ಇವರು ಬೈರಾಗರ್ನ ಐಟಿ ಉದ್ಯೋಗಿಯಾಗಿದ್ದಾರೆ.
ಭಾವನಾ ಇದೇ ರೀತಿಯಲ್ಲಿ ತಮ್ಮ ಮದುವೆಯ ಮೆರವಣಿಗೆ ಮಾಡಬೇಕೆಂದು ಬಯಸಿದ್ದರಂತೆ. ಮೊದಲು ಇದಕ್ಕೆ ಅವರ ತಂದೆ ಒಪ್ಪಿಗೆ ನೀಡಿರಲಿಲ್ಲ. ಏಕೆಂದರೆ ಮಗಳು ಈ ರೀತಿ ನೃತ್ಯ ಮಾಡಿದರೆ ಸಂಬಂಧಿಕರು ಹಾಗೂ ಗಂಡಿನ ಕಡೆಯವರು ಏನು ಅಂದುಕೊಳ್ಳಬಹುದು ಎಂಬ ಭಯ ತಂದೆಗೆ ಕಾಡಿತ್ತಂತೆ. ಆದರೆ ಭಾವನಾ ಮಾತ್ರ ನನ್ನ ಮದುವೆ ಮೆರವಣಿಗೆ ಇದೇ ರೀತಿ ಆಗಬೇಕು ಎಂದು ಹೇಳಿದ್ದಾರೆ. ಕೊನೆಗೆ ಅವರ ತಂದೆ ಮಗಳ ಆಸೆಯನ್ನು ಪೂರೈಸಿದ್ದಾರೆ.
Loading ...