ಚಹಾ ಜೊತೆ ತಿಂಡಿ ಕೊಡಲಿಲ್ಲವೆಂದು ಸೊಸೆ ಮೇಲೆ ಗುಂಡು ಹಾರಿಸಿದ ವೃದ್ದ

ಚಹಾದ ಜೊತೆ ತನ್ನ ಸೊಸೆ ಎಂದಿನಂತೆ ತಿಂಡಿ ಕೊಡಲಿಲ್ಲವೆಂಬ ಕಾರಣಕ್ಕೆ ಸಿಟ್ಟಿಗೆದ್ದ ವೃದ್ದನೊಬ್ಬ ಆಕೆಯ ಮೇಲೆ ಗುಂಡು ಹಾರಿಸಿರುವ ಘಟನೆ ಮಹಾರಾಷ್ಟ್ರದ ಥಾಣೆಯಲ್ಲಿ ನಡೆದಿದೆ.

72 ವರ್ಷದ ಕಾಶಿನಾಥ್‌ ಪಾಂಡುರಂಗ ಪಾಟೀಲ್‌ ತನ್ನ 42 ವರ್ಷದ ಸೊಸೆ ಮೇಲೆ ಗುಂಡು ಹಾರಿಸಿದ ಆರೋಪಿಯಾಗಿದ್ದು, ತೀವ್ರವಾಗಿ ಗಾಯಗೊಂಡಿರುವ ಆಕೆಯನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಗುರುವಾರದಂದು ಈ ಘಟನೆ ಸಂಭವಿಸಿದ್ದು, ಕಾಶಿನಾಥ್‌ ವಿರುದ್ದ ಕೊಲೆ ಯತ್ನ ಹಾಗೂ ಅಕ್ರಮ ಪಿಸ್ತೂಲು ಹೊಂದಿರುವ ಪ್ರಕರಣವನ್ನು ಪೊಲೀಸರು ದಾಖಲಿಸಿದ್ದಾರೆ.