ಚಲಿಸುತ್ತಿದ್ದ ಕಾರಿಗೆ ಬೆಂಕಿ; ವ್ಯಕ್ತಿ ಸಜೀವ ದಹನ

ಚಲಿಸುತ್ತಿದ್ದ ಕಾರಿಗೆ ಬೆಂಕಿ ತಗುಲಿದ ಪರಿಣಾಮ ವ್ಯಕ್ತಿಯೊಬ್ಬರು ಸಜೀವ ದಹನವಾಗಿ ಮೂವರು ತೀವ್ರವಾಗಿ ಗಾಯಗೊಂಡಿರುವ ಘಟನೆ ತುಮಕೂರು ಜಿಲ್ಲೆ ಸಾತೇನಹಳ್ಳಿ ಗೇಟ್ ಬಳಿ ನಡೆದಿದೆ.

ಗುಬ್ಬಿ ತಾಲೂಕಿನ ಹೊಸಕೆರೆ ಗ್ರಾಮದ 47 ವರ್ಷದ ರಂಗಯ್ಯ ಮೃತ ದುರ್ದೈವಿಯಾಗಿದ್ದು, ಒಟ್ಟು ಐದು ಮಂದಿ ಚೇಳೂರು ಕಡೆಯಿಂದ ಸೋಮವಾರ ತಡರಾತ್ರಿ ತುಮಕೂರಿಗೆ ತೆರಳುತ್ತಿದ್ದರು ಎನ್ನಲಾಗಿದೆ.

ಮಾರ್ಗ ಮಧ್ಯೆ ಟೈಯರ್ ಸಿಡಿದು ಚಲಿಸುತ್ತಿದ್ದ ಓಮಿನಿಗೆ ಬೆಂಕಿ ತಗುಲಿದ್ದು, ಈ ವೇಳೆ ರಂಗಯ್ಯ ಸಜೀವ ದಹನವಾಗಿದ್ದಾರೆ. ಗಂಗಾಧರ್ ಸೇರಿದಂತೆ ಗಾಯಗೊಂಡಿರುವ ಮೂವರನ್ನು ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.