ಗ್ರಾಹಕರಿಗೆ ಬಿಗ್‌ ಶಾಕ್‌, ಜನಪ್ರಿಯ ಕಾರು ಮಾರಾಟವನ್ನೇ ಸ್ಥಗಿತಗೊಳಿಸಿದೆ ಈ ಕಂಪನಿ….!

ಜೀಪ್ ಕಂಪನಿ ತನ್ನ ಭಾರತೀಯ ಶ್ರೇಣಿಯಿಂದ ಕಂಪಾಸ್ ಸ್ಪೋರ್ಟ್‌ನ ಮೂಲ ರೂಪಾಂತರದ ಪೆಟ್ರೋಲ್ ಮ್ಯಾನುವಲ್ ಕಾರನ್ನು ತೆಗೆದುಹಾಕಿದೆ, ಅಂದರೆ ಈ ಕಾರಿನ ಮಾರಾಟವನ್ನೇ  ಸ್ಥಗಿತಗೊಳಿಸಲಾಗಿದೆ.

ಇದರ ಮೂಲ ರೂಪಾಂತರವು ಈಗ 7-ಸ್ಪೀಡ್ DCT ಗೇರ್‌ಬಾಕ್ಸ್‌ಗೆ ಜೋಡಿಸಲಾದ 1.4-ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್‌ನೊಂದಿಗೆ ಮಾತ್ರ ಲಭ್ಯವಿರುತ್ತದೆ.  ಈ ಕಾರಣದಿಂದಾಗಿ ಅದರ ಪೆಟ್ರೋಲ್ ಕಾರಿನ ಬೆಲೆ  ಹೆಚ್ಚಾಗಿದೆ.

ಸ್ಥಗಿತಗೊಂಡ ಮಾಡೆಲ್‌ನಲ್ಲಿ ಕಾರು ತಯಾರಕರು 1.4-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ ಅಳವಡಿಸಿದ್ದರು. ಇದು 163PS ಮತ್ತು 250Nm ಪವರ್ ಔಟ್‌ಪುಟ್‌ಗಳನ್ನು ಉತ್ಪಾದಿಸುತ್ತದೆ. ಇದಕ್ಕೆ ಆರು ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್ ಮಿಷನ್ ನೀಡಲಾಗಿದೆ. ಈಗ ಕಂಪಾಸ್‌ನಲ್ಲಿ ಮ್ಯಾನ್ಯುವಲ್ ಟ್ರಾನ್ಸ್‌ಮಿಷನ್ ಆಯ್ಕೆಯು 2.0-ಲೀಟರ್ ಡೀಸೆಲ್ ಘಟಕದೊಂದಿಗೆ ಮಾತ್ರ ಲಭ್ಯವಿರುತ್ತದೆ, ಇದು 172PS ಮತ್ತು 350Nm ಅನ್ನು ಉತ್ಪಾದಿಸುತ್ತದೆ. ಸಣ್ಣ ಎಂಜಿನ್‌ನಲ್ಲಿ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಲಭ್ಯವಿರುವುದಿಲ್ಲ.

1.4-ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್‌ನಲ್ಲಿ 6-ಸ್ಪೀಡ್‌ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಅನ್ನು ಸ್ಥಗಿತಗೊಳಿಸಲಾಗಿದೆ. ಇದನ್ನು ಹೊರತುಪಡಿಸಿ ಯಾವುದೇ ಬದಲಾವಣೆ ಮಾಡಲಾಗಿಲ್ಲ. ವಾಹನದ ಇತರ ಯಾವುದೇ ರೂಪಾಂತರಗಳಲ್ಲಿ ಬದಲಾವಣೆಯಾಗಿಲ್ಲ. ಕಾರಿನ ಬೆಲೆ 21.09 ಲಕ್ಷದಿಂದ 31.29 ಲಕ್ಷ ರೂಪಾಯಿಯಷ್ಟಿದೆ. ಜೀಪ್ ಕಂಪಾಸ್ ಭಾರತೀಯ ಮಾರುಕಟ್ಟೆಯಲ್ಲಿ ಜನಪ್ರಿಯ ಎಸ್‌ಯುವಿಯಾಗಿದ್ದು, ಹುಂಡೈ ಟಕ್ಸನ್, ಟಾಟಾ ಹ್ಯಾರಿಯರ್, ಸಿಟ್ರೊಯೆನ್ ಸಿ5 ಏರ್‌ಕ್ರಾಸ್ ಮತ್ತು ಫೋಕ್ಸ್‌ವ್ಯಾಗನ್ ಟಿಗುವಾನ್‌ನಂತಹ ಎಸ್‌ಯುವಿಗಳೊಂದಿಗೆ ಸ್ಪರ್ಧಿಸುತ್ತದೆ.

ಕಂಪಾಸ್‌ನಲ್ಲಿ 8.4-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಡಿಸ್‌ಪ್ಲೇ ಇದೆ. ನಾಲ್ಕು ಸ್ಪೀಕರ್‌ಗಳು, AC ವೆಂಟ್‌ಗಳು, ಕ್ರೂಸ್ ಕಂಟ್ರೋಲ್, ಡ್ಯುಯಲ್-ಫ್ರಂಟ್ ಏರ್‌ಬ್ಯಾಗ್‌ಗಳು, EBS ಜೊತೆಗೆ ABS, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ECS) ಮತ್ತು ರಿವರ್ಸ್ ಪಾರ್ಕಿಂಗ್ ಕ್ಯಾಮೆರಾದಂತಹ ವೈಶಿಷ್ಟ್ಯಗಳೊಂದಿಗೆ ಮಾರುಕಟ್ಟೆಗೆ ಬಂದಿತ್ತು. ಕಾರಿನ ಲುಕ್‌ ಕೂಡ ಸಖತ್‌ ಅಟ್ರಾಕ್ಟಿವ್‌ ಆಗಿದೆ. ಈ ಕಾರಣಕ್ಕಾಗಿ ಜನರು ಅದನ್ನು ಇಷ್ಟಪಡುತ್ತಾರೆ. ಆದರೂ ಕಂಪನಿ ಈ ಕಾರಿನ ಮಾರಾಟವನ್ನೇ ಸ್ಥಗಿತಗೊಳಿಸಿದೆ.