ಗೂಗಲ್ ಮ್ಯಾಪ್‌ನಲ್ಲಿ ಹಾವಿನ ದೈತ್ಯ ಅಸ್ಥಿಪಂಜರವನ್ನು ತೋರಿಸುವ ಫ್ರಾನ್ಸ್‌ನ ರಹಸ್ಯ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ಹಾವಿನ ಅಸ್ಥಿಪಂಜರವು ಹ್ಯಾರಿ ಪಾಟರ್‌ನಲ್ಲಿ ಕಂಡುಬರುವ ಬೆಸಿಲಿಕ್ಸ್ ಅಸ್ಥಿಪಂಜರಕ್ಕಿಂತ ದೊಡ್ಡದಾಗಿ ಕಾಣುತ್ತದೆ.
ಇದನ್ನು ಮೂಲತಃ ಟಿಕ್ಟಾಕ್ನಲ್ಲಿ ಗೂಗಲ್ ಮ್ಯಾಪ್ ಫನ್ಸ್ ಪುಟದಿಂದ ಬಳಕೆದಾರರು ಪೋಸ್ಟ್ ಮಾಡಿದ್ದಾರೆ. ಅವರು ಗೂಗಲ್ ನಕ್ಷೆಗಳಲ್ಲಿನ ಆಸಕ್ತಿದಾಯಕ ಮತ್ತು ವಿವರಿಸಲಾಗದ ಆವಿಷ್ಕಾರಗಳ ವಿಡಿಯೋಗಳನ್ನು ಪೋಸ್ಟ್ ಮಾಡುತ್ತಾರೆ.
ಮಾರ್ಚ್ 24 ರಂದು, ಈ ಖಾತೆಯಲ್ಲಿ ಫ್ರಾನ್ಸ್‌ನ ಕರಾವಳಿಯಲ್ಲಿ ಕಂಡುಬಂದ ಬೃಹತ್ ಹಾವಿನಂತಹ ವಸ್ತುವನ್ನು ತೋರಿಸುವ ವಿಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ. ಬಳಕೆದಾರರು ಇದನ್ನು ದೈತ್ಯ ಹಾವು ಎಂದು ಹೇಳುತ್ತಾರೆ. ಇದು ಸುಮಾರು 30 ಮೀಟರ್ ಉದ್ದವಿದ್ದು, ಈ ಹಿಂದೆ ಇದ್ದಂತಹ ಎಲ್ಲಾ ಹಾವುಗಳಿಗಿಂತಲೂ ದೊಡ್ಡದಾಗಿದೆ.
ಅಸ್ಥಿಪಂಜರವು ಅಳಿವಿನಂಚಿನಲ್ಲಿರುವ ಟೈಟಾನೊಬೊವಾಕ್ಕೆ ಸೇರಿದೆ ಎಂದು ಹೇಳಲಾಗುತ್ತದೆ. ಇದು 50 ಅಡಿಗಳವರೆಗೆ ಬೆಳೆದು ಆಧುನಿಕ ಕೊಲಂಬಿಯಾದಲ್ಲಿ ವಾಸಿಸುತ್ತಿದ್ದ ಅತ್ಯಂತ ದೊಡ್ಡ ಹಾವುಗಳ ಜಾತಿಯ ಸರೀಸೃಪವಾಗಿದೆ. ಟಿಕ್ಟಾಕ್ನಲ್ಲಿ ವಿಡಿಯೋ ವೈರಲ್ ಆಗಿದ್ದು, ದಶಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದುಕೊಂಡಿದೆ.
ಕಣ್ಣಿಗೆ ಕಂಡರೂ ಪರಮಾರ್ಶಿಸಿ ನೋಡಬೇಕು ಅನ್ನೋ ಮಾತಿದೆ. ಹಾಗೆಯೇ ಇದು ಹಾವಿನಂತಹ ಅಸ್ಥಿಪಂಜರದ ವಸ್ತುವನ್ನು ತೋರಿಸುತ್ತದೆಯಾದರೂ, ಸ್ನೋಪ್ಸ್‌ನ ವೈರಲ್ ವಿಡಿಯೋದ ಸತ್ಯ-ಪರಿಶೀಲನೆಯು ಇದು ಕೇವಲ ಲೋಹಿಯ ಶಿಲ್ಪವನ್ನು ತೋರಿಸಿದೆ. ಅದನ್ನು ಲೆ ಸರ್ಪೆಂಟ್ ಡಿ ಓಸಿಯನ್ ಎಂದು ಕರೆಯಲಾಗುತ್ತದೆ ಎಂದು ಕಂಡುಹಿಡಿದಿದೆ.
Loading ...