ಕ್ರೀಡಾ ಕೋಟಾದಡಿ ರೈಲ್ವೇ ಇಲಾಖೆಯಲ್ಲಿ ಉದ್ಯೋಗಾವಕಾಶ….!

ಆಗ್ನೇಯ ಕೇಂದ್ರ ರೈಲ್ವೇ(South East Center Railway) ಕ್ರೀಡಾ ಕೋಟಾದಲ್ಲಿ ವಿವಿಧ ಹುದ್ದೆಗಳ ನೇಮಕಾತಿಗಾಗಿ ಅಧಿಸೂಚನೆಯನ್ನು ಹೊರಡಿಸಿ,‌ ಸಂಸ್ಥೆಯಲ್ಲಿ 21 ಹುದ್ದೆಗಳನ್ನು ಭರ್ತಿ ಮಾಡಲು ಅರ್ಹ ವ್ಯಕ್ತಿಗಳಿಂದ ಅರ್ಜಿಗಳನ್ನು ಆಹ್ವಾನಿಸಿದೆ.

ಇನ್ನು, ಆಸಕ್ತ ಮತ್ತು ಅರ್ಹ ಅಭ್ಯರ್ಥಿಗಳು SECR ನ ಅಧಿಕೃತ ವೆಬ್‌ಸೈಟ್ secr.indianrailways.gov.in ನಲ್ಲಿ ಆನ್‌ಲೈನ್‌ ಮೂಲಕ, ಪೋಸ್ಟ್‌ಗೆ ಅರ್ಜಿ ಸಲ್ಲಿಸಬಹುದು. ಮಾರ್ಚ್ 5, 2022 ಹುದ್ದೆಗಳಿಗೆ ನೋಂದಾಯಿಸಲು ಕೊನೆಯ ದಿನಾಂಕ‌ ಎಂಬುದು ಗಮನಾರ್ಹ.

ಪ್ರಮುಖ ದಿನಾಂಕಗಳು

ಅರ್ಜಿಗಳ ಸಲ್ಲಿಕೆ ಪ್ರಾರಂಭ – 19 ಫೆಬ್ರವರಿ 2022
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 5 ಮಾರ್ಚ್ 2022

ಹುದ್ದೆಯ ವಿವರಗಳು

ಹಂತ 2/3, ಹಂತ 4 ಹಾಗೂ ಹಂತ 5 ರ‌ ಶ್ರೇಣಿಗಳಲ್ಲಿ ಹುದ್ದೆಗಳು ಲಭ್ಯವಿದೆ.

ಅರ್ಹತಾ ಮಾನದಂಡ

ಹಂತ 2/3: ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಬಯಸುವ ಅಭ್ಯರ್ಥಿಗಳು, ಯಾವುದಾದರು ಕ್ರೀಡೆಯಲ್ಲಿ ಉತ್ತಮ ಸಾಧನೆ‌ ಮಾಡಿರಬೇಕು, ಜೊತೆಗೆ 12 ನೇ ತರಗತಿಯಲ್ಲಿ ಉತ್ತೀರ್ಣರಾಗಿರಬೇಕು.

ಹಂತ 4 ಮತ್ತು 5: ಕ್ರೀಡಾ ಸಾಧನೆಗಳೊಂದಿಗೆ, ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಯಾವುದೇ ವಿಭಾಗದಲ್ಲಿ ಪದವಿ ಪಡೆದಿರಬೇಕು.

ರಷ್ಯಾದ ಸೇನೆಗೆ ದಾರಿ ತಪ್ಪಿಸಲು ಈ ರೀತಿಯಾಗಿ ಮಾಸ್ಟರ್​ ಪ್ಲಾನ್​ ಮಾಡಿದ ಉಕ್ರೇನಿಯನ್​ ಸೇನೆ…..!

ವಯಸ್ಸಿನ ಮಿತಿ

ಅಭ್ಯರ್ಥಿಗಳು 18 ರಿಂದ 25 ವರ್ಷ ವಯಸ್ಸಿನವರಾಗಿರಬೇಕು (ಜುಲೈ 1, 2022 ರಂತೆ).

ಆಯ್ಕೆ ಪ್ರಕ್ರಿಯೆ

ಅಭ್ಯರ್ಥಿಗಳ ಆಯ್ಕೆಯು ಆಟದ ಕೌಶಲ್ಯ, ದೈಹಿಕ ಸಾಮರ್ಥ್ಯ ಮತ್ತು ಟ್ರಯಲ್ಸ್ ಸಮಯದಲ್ಲಿ ತರಬೇತುದಾರರ ವೀಕ್ಷಣೆ, ಮಾನದಂಡಗಳ ಪ್ರಕಾರ ಮಾನ್ಯತೆ ಪಡೆದ ಕ್ರೀಡಾ ಸಾಧನೆಗಳ ಮೌಲ್ಯಮಾಪನ ಮತ್ತು ಶೈಕ್ಷಣಿಕ ಅರ್ಹತೆಯ ಆಧಾರದ ಮೇಲಿರುತ್ತದೆ. ಕ್ರೀಡಾ ಟ್ರಯಲ್ಸ್ ನಲ್ಲಿ ಅಭ್ಯರ್ಥಿ ತೋರಿದ ಕಾರ್ಯಕ್ಷಮತೆ ಹಾಗೂ ದಾಖಲೆಗಳ ಪರಿಶೀಲನೆಯ ನಂತರ, ನಾಮನಿರ್ದೇಶಿತ ಆಯ್ಕೆ ಸಮಿತಿಯು ಅಂತಿಮ ಆಯ್ಕೆ ಮಾಡಲಿದೆ.

ಅರ್ಜಿ ಶುಲ್ಕ

ಅರ್ಜಿ ಸಲ್ಲಿಸಲು ಬಯಸುವ SC / ST ಅಭ್ಯರ್ಥಿಗಳು 250 ರೂ. ಪಾವತಿಸಬೇಕು. ಅದೇ ಇನ್ನುಳಿದ ವರ್ಗಗಳಿಗೆ ಸೇರಿದ ಅಭ್ಯರ್ಥಿಗಳು 500 ರೂ.‌ ಪಾವತಿಸಬೇಕಾಗುತ್ತದೆ. ಇನ್ನುಳಿದಂತೆ, ಅಭ್ಯರ್ಥಿಗಳು, ಆಗ್ನೇಯ ಕೇಂದ್ರ ರೈಲ್ವೇಯ‌ ಅಧಿಕೃತ ವೆಬ್‌ಸೈಟ್‌ (secr.indianrailways.gov.in)ನಲ್ಲಿ ಹುದ್ದೆಗೆ ಅರ್ಜಿ ಸಲ್ಲಿಸಬಹುದು.