ಮಹಿಳೆಯೊಬ್ಬರು ಫ್ಲೋರಿಡಾದ ರಸ್ತೆಯಲ್ಲಿ ವಾಹನ ಚಲಾಯಿಸುತ್ತಿದ್ದ ಸಂದರ್ಭದಲ್ಲಿ ತಮ್ಮ ಕ್ಯಾಮರಾದಲ್ಲಿ ಅದ್ಭುತವಾದ ಮಿಂಚಿನ ಸಂಚಾರದ ದೃಶ್ಯವನ್ನು ಸೆರೆ ಹಿಡಿದಿದ್ದಾರೆ. ಮೈಕೆಲ್ ಮೇ ವೇಲೆನ್ ತಮ್ಮ ಪತಿಯ ಟ್ರಕ್ನಲ್ಲಿ ಕುಳಿತಿದ್ದರು. ಇವರ ಜೊತೆಯಲ್ಲಿ ಮೂವರು ಮಕ್ಕಳು ಕೂಡ ಇದ್ದರು. ರಜೆಯನ್ನು ಮುಗಿಸಿ ಈ ಕುಟುಂಬವು ಮನೆಯ ಕಡೆಗೆ ಹೊರಟಿತ್ತು.
ನಾವು ಟ್ರಕ್ನಲ್ಲಿ ಹೊರಟಿದ್ದ ವೇಳೆಯಲ್ಲಿ ಮಿಂಚು ಕಾಣಿಸಿಕೊಂಡಿತು. ಹೀಗಾಗಿ ನಾನು ಮಿಂಚಿನ ಫೋಟೋವನ್ನು ಕ್ಲಿಕ್ಕಿಸಲು ಯತ್ನಿಸುತ್ತಿದೆ. ಆದರೆ ಪ್ರತಿ ಬಾರಿಯೂ ನಾನು ಕ್ಲಿಕ್ಕಿಸುತ್ತಿದ್ದ ಫೋಟೋಗಳು ಸರಿಯಾಗಿ ಬರಲಿಲ್ಲ. ಟ್ರಕ್ನಲ್ಲೇ ಇದ್ದ ನನ್ನ ಅಳಿಯ ಸ್ಲೋ ಮೋಷನ್ನಲ್ಲಿ ವಿಡಿಯೋ ರೆಕಾರ್ಡ್ ಮಾಡುವಂತೆ ಸಲಹೆ ನೀಡಿದನು. ಅದರಂತೆ ನಾನು ಮಾಡಿದಾಗ ಇಂತಹದ್ದೊಂದು ಅದ್ಭುತ ದೃಶ್ಯ ಸೆರೆಯಾಯ್ತು ಎಂದಿದ್ದಾರೆ.
ನನ್ನ ಪತಿಯ ಟ್ರಕ್ಗೆ ಸಿಡಿಲು ಬಡಿದಿದೆ. ಆದರೆ ಟ್ರಕ್ನಲ್ಲಿದ್ದ ಎಲ್ಲರೂ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಆದರೆ ನಮ್ಮ ವಾಹನ ಸಂಪೂರ್ಣ ಸುಟ್ಟು ಹೋಗಿದೆ. ಜುಲೈ 1ರಂದು ಸನ್ಶೈನ್ ಸ್ಕೈ ವೇ ಬಳಿ ಈ ಅವಘಡ ಸಂಭವಿಸಿದೆ ಎಂದು ಮೈಕಲ್ ಮೇ ವೇಲೆನ್ ಹೇಳಿದ್ದಾರೆ.
ಹಿಲ್ಸ್‌ಬರೋ ಕೌಂಟಿಯ ಡೆಪ್ಯೂಟಿ ಕ್ರಿಸ್ಟನ್ ಮೈಸೆಲಿ ಅವರು ವೇಲೆನ್ ಅವರ ಟ್ರಕ್‌ನ ಪಕ್ಕದಲ್ಲಿ ಚಾಲನೆ ಮಾಡುತ್ತಿದ್ದಾಗ ಸಿಡಿಲು ಬಡಿದಿದೆ. ಮಿಸೆಲಿ ಕಾರಿಗೂ ಹಾನಿಯಾಗಿದೆ. ಹಿಲ್ಸ್‌ಬರೋ ಕೌಂಟಿ ಶೆರಿಫ್‌ನ ಅಧಿಕೃತ ಫೇಸ್‌ಬುಕ್ ಹ್ಯಾಂಡಲ್‌ನಲ್ಲಿ ವೀಡಿಯೊವನ್ನು ಪೋಸ್ಟ್ ಮಾಡಲಾಗಿದೆ.
Loading ...