ಅತ್ಯಂತ ನಿಷ್ಠಾವಂತ ಪ್ರಾಣಿಯೆಂದರೆ ನಾಯಿ. ಅದರಲ್ಲೂ ಜರ್ಮನ್‌ ಶೆಫರ್ಡ್‌ ನಾಯಿಗಳು ತಮ್ಮ ಒಡೆಯನ ಮೇಲೆ ತುಂಬಾನೇ ನಿಯತ್ತು ಹೊಂದಿರುತ್ತವೆ. ಇಂಥದ್ದೇ ಜರ್ಮನ್‌ ಶೆಫರ್ಡ್‌ ನಾಯಿಯೊಂದು ಮಗುವನ್ನು ಕೊಳಕ್ಕೆ ಬೀಳದಂತೆ ರಕ್ಷಣೆ ಮಾಡಿರುವ ವಿಡಿಯೋ ವೈರಲ್‌ ಆಗಿದೆ.
ಇಬ್ಬರು ಚಿಕ್ಕ ಮಕ್ಕಳು ಆಟವಾಡ್ತಾ ಇದ್ರೆ, ನಾಯಿ ಅದನ್ನು ನೋಡುತ್ತಾ ಕುಳಿತಿತ್ತು. ಆಕಸ್ಮಿಕವಾಗಿ ಚೆಂಡು ಮೀನಿನ ಕೊಳಕ್ಕೆ ಬಿದ್ದುಬಿಟ್ಟಿದೆ. ಹೆಣ್ಣು ಮಗು ಚೆಂಡನ್ನು ಮೇಲಕ್ಕೆತ್ತಲು ಯಾರನ್ನಾದ್ರೂ ಸಹಾಯಕ್ಕೆ ಕರೆಯೋಣ ಎಂದುಕೊಂಡು ಮನೆಯೊಳಕ್ಕೆ ಓಡಿ ಹೋಗಿದೆ.
ಆದ್ರೆ ಇನ್ನೊಂದು ಪುಟ್ಟ ಮಗು ಚೆಂಡು ಎತ್ತಲು ಕೊಳದ ಕಡೆಗೆ ಬಾಗಿಬಿಟ್ಟಿದೆ. ಸ್ವಲ್ಪ ತಡವಾದ್ರೂ ಮಗು ಕೊಳದಲ್ಲಿ ಬಿದ್ದುಬಿಡುತ್ತಿತ್ತು. ಇದನ್ನು ಗಮನಿಸಿದ ನಾಯಿ ಕೂಡಲೇ ಅಲರ್ಟ್‌ ಆಗಿದೆ. ಮಗುವಿನ ಬಳಿ ಓಡಿದ ನಾಯಿ, ತನ್ನ ಹಲ್ಲಿನಿಂದ ಮಗುವಿನ ಅಂಗಿಯನ್ನು ಕಚ್ಚಿ ಹಿಡಿದು ಹಿಂದಕ್ಕೆ ಎಳೆದಿದೆ.
ತಾನೇ ಹೋಗಿ ವಾಟರ್‌ ನೆಟ್‌ ತೆಗೆದುಕೊಂಡು ಅದರ ಸಹಾಯದಿಂದ ಚೆಂಡನ್ನು ಮೇಲಕ್ಕೆತ್ತಿ ಮಗುವಿಗೆ ತಂದುಕೊಟ್ಟಿದೆ. ಈ ವಿಡಿಯೋವನ್ನು ಸಾಕಷ್ಟು ಜನರು ವೀಕ್ಷಿಸಿದ್ದು, ನಾಯಿಯ ಸಮಯಪ್ರಜ್ಞೆಯನ್ನು ಕೊಂಡಾಡಿದ್ದಾರೆ.
https://www.youtube.com/watch?v=piNQbo1-aMM&t=47s
Loading ...