ಕೊರೆಯುವ ಚಳಿಯಲ್ಲಿ ನಡುಗುತ್ತಿದ್ದ ನಿರಾಶ್ರಿತರಿಗಾಗಿ ಮಿಡಿಯಿತು ಪುಟ್ಟ ಬಾಲಕಿಯ ಮನ

ಬಡವರಿಗೆ, ಕಷ್ಟದಲ್ಲಿರುವವರಿಗೆ ಸಹಾಯ ಮಾಡುವ ಮನಸ್ಸು ನಿಮ್ಮಲ್ಲಿದ್ದಲ್ಲಿ ಅದಕ್ಕೆ ಸಿರಿವಂತಿಕೆ ಬೇಕೆಂದೇನೂ ಇಲ್ಲ. ಅದಕ್ಕಾಗಿ ಸಹಾಯ ಮಾಡುವ ಮನಸ್ಸಿದ್ದರೆ ಸಾಕು, ಕಷ್ಟದಲ್ಲಿದವರಿಗೆ ಸಹಾಯಹಸ್ತ ಚಾಚಬಹುದು. ಇದಕ್ಕೆ ಬ್ರಿಟನ್ ನ ಈ 11ರ ಬಾಲಕಿಯ ಔದಾರ್ಯವೇ ಉದಾಹರಣೆಯಾಗಿದೆ.

ಹೌದು, ಕೊರೆಯುವ ಚಳಿಯಲ್ಲಿ ಉಳ್ಳವರು ಬೆಚ್ಚಗೆ ಮನೆಯಲ್ಲಿ ಹಾಸಿಗೆ ಹೊದ್ದು ಮಲಗಿದ್ದರೆ, ನಿರಾಶ್ರಿತರು ಮಾತ್ರ ಗಡಗಡ ನಡುಗುತ್ತಲೇ ಚಳಿಗಾಲವನ್ನು ಕಳೆಯಬೇಕಿದೆ.

ಇದನ್ನು ಮನಗಂಡ 11ರ ಬಾಲಕಿ ಅವರಿಗಾಗಿ ತನ್ನಿಂದಾಗುವ ಏನಾದ್ರೂ ಸಹಾಯ ಮಾಡಬೇಕು ಎಂದು ಯೋಚಿಸಿದ್ದಾಳೆ. ಈ ವೇಳೆ ಹೊಳೆದಿದ್ದೇ, ಚಿಪ್ಸ್ ಪ್ಯಾಕೆಟ್ ನಲ್ಲಿ ಬೆಡ್​ಶೀಟ್​ ತಯಾರಿಸುವ ಕಲೆ.

ಹೌದು, ಬ್ರಿಟನ್​​ನ ವೇಲ್ಸ್​ ನಿವಾಸಿಯಾದ ಅಲೈಸಾ ಡಿಯಾನ್ ಎಂಬ ಬಾಲಕಿ​ ಚಿಪ್ಸ್​ ಪ್ಯಾಕೆಟ್​ಗಳನ್ನು ಸಂಗ್ರಹಿಸಿ ಅದರಿಂದ ಬೆಡ್​ಶೀಟ್​ ತಯಾರಿಸಿದ್ದಾಳೆ. ಬಳಿಕ ಈ ಬೆಡ್​ಶೀಟ್​ ಅನ್ನು ನಿರಾಶ್ರಿತರಿಗೆ ನೀಡಲು ಮುಂದಾಗಿದ್ದಾಳೆ.

ಚಳಿಗಾಲದಲ್ಲಿ ನಿರಾಶ್ರಿತರಿಗೆ ಯಾವುದೇ ತೊಂದರೆ ಆಗಬಾರದು ಎಂದು ಅಲೈಸಾ ನಿರ್ಧರಿಸಿದ್ದಳು. ಒಂದು ಬೆಡ್​ಶೀಟ್ ತಯಾರಿಸಲು 44 ಚಿಪ್ಸ್​ ಪ್ಯಾಕೇಟ್​ಗಳು ಬೇಕಾಗುತ್ತದೆ. ಹೀಗಾಗಿ ಕುಟುಂಬಸ್ಥರು ಹಾಗೂ ಸ್ನೇಹಿತರ ಸಹಾಯದಿಂದ ಬಾಲಕಿಯು ಟೋಪಿ, ಗ್ಲೌಸ್​, ಸಾಕ್ಸ್​ ಮುಂತಾದವುಗಳನ್ನು ನಿರಾಶ್ರಿತರಿಗೆ ನೀಡಿದ್ದಾಳೆ.

ಇನ್ನು ಬಾಲಕಿ ಅಲೈಸಾಗೆ ತಾಯಿ ಡಾರ್ಲೆನೆ ಕೂಡ ಬೆನ್ನೆಲುಬಾಗಿ ನಿಂತಿದ್ದಾರೆ. ಪುತ್ರಿಯ ಸಾಮಾಜಿಕ ಕಳಕಳಿಗೆ ತಾಯಿ ಡಾರ್ಲೆನೆ ಅಪಾರ ಸಂತೋಷಪಟ್ಟಿದ್ದಾರೆ.