ಬಾಹುಬಲಿ ಖ್ಯಾತಿಯ ನಟ ಪ್ರಭಾಸ್ ಇನ್ನೂ ಯಾಕೆ ಬ್ಯಾಚುಲರ್‌ ಆಗಿಯೇ ಇದ್ದಾರೆ ಅನ್ನೋ ಕುತೂಹಲ ಅಭಿಮಾನಿಗಳಲ್ಲಿತ್ತು. ಸದ್ಯದಲ್ಲೇ ಪ್ರಭಾಸ್ ಮದುವೆಯಾಗಲಿದ್ದಾರೆ. ಪ್ರಭಾಸ್‌ಗೆ ಬಾಲಿವುಡ್‌ನ ಖ್ಯಾತ ನಟಿಯೊಬ್ಬಳ ಮೇಲೆ ಪ್ರೇಮಾಂಕುರವಾಗಿದೆ. ಸದ್ಯ ಪ್ರಭಾಸ್, ಆದಿಪುರುಷ ಚಿತ್ರದ ಶೂಟಿಂಗ್‌ನಲ್ಲಿ ಬ್ಯುಸಿಯಾಗಿದ್ದಾರೆ. ಚಿತ್ರೀಕರಣದ ಸೆಟ್‌ನಲ್ಲೇ ಪ್ರಭಾಸ್‌ಗೆ ಲವ್ವಾಗಿದೆ, ನಾಯಕಿ ಕೃತಿ ಸನೊನ್‌ಗೆ ಪ್ರಪೋಸ್‌ ಕೂಡ ಮಾಡಿದ್ದಾರಂತೆ.
ಕೃತಿ ಹಾಗೂ ಸೈಫ್‌ ಅಲಿ ಖಾನ್ ಕೂಡ ಆದಿಪುರುಷ ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಸದ್ಯ ಶೂಟಿಂಗ್‌ ಜೊತೆಜೊತೆಗೆ ಪ್ರಭಾಸ್ ಪ್ರೇಮಕಥೆ ಕೂಡ ಶುರುವಾಗಿದೆ. ಕೃತಿ ಹಾಗೂ ಪ್ರಭಾಸ್ ಇಬ್ಬರೂ ತಮ್ಮ ರಿಲೇಶನ್ಷಿಪ್‌ ಬಗ್ಗೆ ಎಲ್ಲಿಯೂ ಹೇಳಿಕೊಂಡಿಲ್ಲ. ಚಿತ್ರದ ಸೆಟ್‌ನಲ್ಲೇ ಪ್ರಭಾಸ್, ಮಂಡಿಯೂರಿ ಕುಳಿತು ಕೃತಿಗೆ ಪ್ರಪೋಸ್‌ ಮಾಡಿದ್ದಾರಂತೆ. ತನ್ನನ್ನು ಮದುವೆಯಾಗುವಂತೆ ಕೇಳಿದ್ದಾರಂತೆ.
ಕೃತಿ ಕೂಡ ಈ ಪ್ರಪೋಸಲ್‌ಗೆ ಓಕೆ ಎಂದಿದ್ದಾರೆ. ಪ್ರಭಾಸ್ ಜೊತೆಗೆ ಹಸೆಮಣೆ ಏರಲು ಸಜ್ಜಾಗಿದ್ದಾರೆ ಎನ್ನುತ್ತಿವೆ ಮೂಲಗಳು. ಕೃತಿ ಮತ್ತು ಪ್ರಭಾಸ್ ಇಬ್ಬರ ಪೋಷಕರು ಕೂಡ ಈ ಸಂಬಂಧಕ್ಕೆ ಸೈ ಎಂದಿದ್ದಾರಂತೆ. ‘ಆದಿಪುರುಷ’ ಚಿತ್ರದ ಬಿಡುಗಡೆ ಬಳಿಕ ಕೃತಿ ಮತ್ತು ಪ್ರಭಾಸ್ ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದೆ. ನಟ ವರುಣ್‌ ಧವನ್‌ ಈ ಬಗ್ಗೆ ಸುಳಿವು ಕೂಡ ನೀಡಿದ್ದಾರೆ. ಆ ವಿಡಿಯೋ ಸಹ ವೈರಲ್ ಆಗಿದೆ.
Loading ...